ಪ್ರಕಟನೆ 2:5 - ಕೊಡವ ಬೈಬಲ್

⁵ ಆನಗುಂಡ್, ನೀನ್ ಎಲ್ಲಿ ಬುದ್ದ್ ಪೋಯಿತುಳ್ಳಿಯಾಂದ್ ಗೇನ ಮಾಡಿತ್, ಪಶ್ಚಾತಾಪ ಪಟ್ಟಿತ್, ಸುರುಲ್ ಮಾಡಿಯಂಡಿಂಜ ಕ್ರಿಯೇನ ಮಾಡ್; ಇಲ್ಲತೆಪೋಚೇಂಗಿ, ನಾನ್ ಬೆರಿಯ ನೀಡ ಪಕ್ಕ ಬಂದಿತ್, ನೀನ್ ಪಶ್ಚಾತಾಪ ಪಡತೆ ಪೋನಕ, ನೀಡ ಬೊಳ್‍ಚತ್‍ರ ತಂಡ್‍ನ ಆ ಜಾಗತ್ಂಜ ಎಡ್‍ತ್‍ರ್‍ವಿ.

ಪ್ರಕಟನೆ 2:5 Iomraidhean Croise

ಮಲಾಕಿ 3:4

ಅಕ್ಕ ಪಂಡ್‌ ಕಾಲತ್‌ಲ್‌ ಇಂಜನೆಕೆಯು ಮಿಂಞತ್‌ರ ಕಾಲತ್‌ಲ್‌ ಇಂಜನೆಕೆಯು ಯೆಹುದಯಿಂಗಡ ಕಾಣಿಕೆಯು, ಯೆರುಸಲೇಮ್ರ ಕಾಣಿಕೆಯು ಯೆಹೋವಂಗ್‌ ಕುಶಿಯಾಯಿತಿಪ್ಪ.

ಮಲಾಕಿ 4:6

ನಾನ್‌ ಬಂತ್‌ ಶಾಪ ಇಟ್ಟಿತ್‌ ಬೂಮಿನ ಪಾಳ್‌ ಮಾಡತನೆಕೆ ಇಪ್ಪಕಾಯಿತ್‌ ಎಲೀಯ ಬಂತ್‌ ಅಪ್ಪಂಗಡ ಮನಸ್ಸ್‌ನ ಮೋನೀಯಂಗಡ ಕಡೆಯು, ಮೋನಿಯಂಗಡ ಮನಸ್ಸ್‌ನ ಅಪ್ಪಂಗಡ ಕಡೆಯು ತಿರ್‌ಕಿರುವ.

ಮತ್ತಾಯ 5:14

ನಿಂಗ ಈ ಲೋಕತ್‍ರ ಜನಕ್ ಬೊಳಿ ಆಯಿತುಳ್ಳಿರ. ಕುಂದ್‌ರ ಕೊಡಿಲ್ ಉಳ್ಳ ಪಟ್ಟಣತ್‍ನ ಒಳ್‌ಪ್‍ಚಿಡುವಕಯ್ಯುಲೆ.

ಮತ್ತಾಯ 5:15

ದಾರೂ ಬೊಳ್‌ಚತ್‍ನ ಕತ್ತ್‌ಚಿಡುವಂಜಿ ಒರ್ ಪಾತ್ರತ್‍ರ ಒಳ್‍ಲ್ ಮುಚ್ಚಿತ್ ಬೆಪ್ಪುಲೆ. ಅದ್‍ನ ಬೊಳ್‍ಚ ಕಂಬತ್‍ಲ್ ಬೆಪ್ಪ. ಅದ್ ಮನೆಲ್ ಉಳ್ಳಯಿಂಗಕೆಲ್ಲಾ ಬೊಳಿಯಾಯಿತ್ ಮಿನ್ನುವ.

ಮಾರ್ಕ 12:9

ಅನ್ನನಾಚೇಂಗಿ ವಾರಕಾರಂಗಕ್ ದ್ರಾಕ್ಷಿ ತೋಟತ್‍ರ ಎಜಮಾನ ಎಂತ ಮಾಡ್‌ವ? ಅಂವೊ ಅಯಿಂಗಳ ಕೊಂದ್‍ರ್‍ವಂಜಿ ಬೋರೆ ವಾರಕಾರಂಗಕ್ ತೋಟತ್‍ನ ಕೊಡ್‍ಪಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:17

ಅಂವೊ ಎಲೀಯಕ್ ಇಂಜ ಅದೇ ಆತ್ಮ ಪಿಂಞ ಶಕ್ತಿಲ್ ಒಡೆಯಂಗಿಂಜ ಮಿಂಞ ಅರಿಚಿಡುವಂವೊನಾಯಿತ್ ಪೋಪ. ನೀಡ ಮೋಂವೊನಾನ ಯೋಹಾನನಗುಂಡ್ ಅಪ್ಪಂಗಡ ಹೃದಯ ಅಯಿಂಗಡ ಮಕ್ಕಡ ಬರಿಲ್ ತಿರುವ. ಬಗ್ಗಿತ್ ನಡ್‍ಕತ ಉಳ್ಳ ಜನಳ ನೀತಿವಂತಯಿಂಗಡ ಜ್ಞಾನಕ್ ತಿರುವ. ಇನ್ನನೆ ಯೋಹಾನ, ಜನತ್‍ನ ದೇವಕ್ ತಯಾರ್ ಮಾಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:16

ಅಂವೊ ಅಯಿಂಗಳ ಕೊಂದ್‍ರ್‍ವಂಜಿ ಬೋರೆ ವಾರಕಾರಂಗಕ್ ತೋಟತ್‍ನ ಕೊಡ್‍ಪಾಂದ್ ಯೇಸು ಎಣ್ಣ್‌ಚಿ. ಜನ ಈ ತಕ್ಕ್‌ನ ಕ್‍ೕಪದು: ಆಚೇಂಗಿ, ಅನ್ನನೆ ಆಕತೆ ಇರಡ್‍ೕಂದ್ ಎಣ್ಣ್‌ಚಿ.

ಗಲಾತ್ಯ 5:4

ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರಗುಂಡ್ ನೀತಿವಂತಯಿಂಗಳಾಯಿತ್ ಆಪಕ್ ಕುಶಿಯುಳ್ಳ ನಿಂಗೆಲ್ಲಾರು ಯೇಸು ಕ್ರಿಸ್ತಂಡಿಂಜ ದೂರ ಆಯಿತುಳ್ಳಿರ ಪಿಂಞ ದೇವಡ ಕೃಪೆಯಿಂಜ ಬುದ್ದ್‌ಪೋಯಿತುಳ್ಲಿರ.

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

ಇಬ್ರಿಯ 10:32

ಕ್ರಿಸ್ತಂಡ ವಿಷಯತ್‍ನ ಗೊತ್ತ್ ಮಾಡ್‍ನ ಆ ದಿವಸತ್‍ನ ಗೇನ ಮಾಡಿಯೊಳಿ. ಆ ಕಾಲತ್‍ಲ್ ಎಚ್ಚಕ್ ಬಲ್ಯ ಹಿಂಸೆನ ನಿಂಗ ಸಹಿಸಿಯಂಡ್ ಇಂಜಿರ.

2 ಪೇತ್ರ 3:17

ಆನಗುಂಡ್, ನಾಡ ಪ್ರೀತಿರ ಜನಳೇ, ಇನ್ನತಾನದೆಲ್ಲ, ನಿಂಗಕ್ ಮಿಂಞಲೇ ಗೊತ್ತಾನಗುಂಡ್, ದುಷ್ಟಂಗಡ ವಂಚನೆಲ್ ನಿಂಗ ಜಾರಿತ್, ನಿಂಗಡ ಸ್ತಿರವಾನ ಸ್ತಾನತ್ಂಜ ಬುದ್ದಿತ್ ಪೋಕತನೆಕೆ ಎಚ್ಚರತ್‍ಲ್ ಇರಿ.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 1:20

ನಾಡ ಬಲ್‌ತೆ ಕೈಯಿಲ್ ನೀನ್ ನೋಟ್‌ನ ಏಳ್ ನಕ್ಷತ್ರತ್‍ರ ಮರ್ಮತ್‍ನ ಪಿಂಞ ಕುತ್ತ್ ಬೊಳ್‍ಚತ್‍ರ ಮರ್ಮತ್‍ನ ಒಳ್‍ದ್. ಆ ಏಳ್ ನಕ್ಷತ್ರ, ಏಳ್ ಸಬೆರ ದೂತಂಗ; ನೀನ್ ನೋಟ್‌ನ ಏಳ್ ಕುತ್ತ್ ಬೊಳ್‍ಚ ಏಳ್ ಸಬೇಂದ್ ಎಣ್ಣ್‌ಚಿ.

ಪ್ರಕಟನೆ 16:9

ಅಕ್ಕ ಮನುಷ್ಯಂಗ ಬಲ್ಯ ಉರಿಲ್ ಬೆಂಜಿಪೋಪನೆಕೆ ಇಂಜತೇಂಗಿಯು, ಈ ತರ ಬಾದೇನ ಮಾಡ್‌ವಕ್ ಅದಿಕಾರ ಉಳ್ಳ ದೇವಡ ಪೆದಕ್ ದೂಷಣೆ ಎಣ್ಣ್‌ನದಲ್ಲತೆ, ಅಂವೊಂಗ್ ಮಹಿಮೆ ಕೊಡ್‍ಪನೆಕೆ ಪಶ್ಚಾತಾಪ ಪಟ್ಟಿತ್‌ಲ್ಲೆ.

ಪ್ರಕಟನೆ 2:16

ಆನಗುಂಡ್, ಇಕ್ಕ ನೀನ್ ಪಶ್ಚಾತಾಪ ಪಡ್, ಇಲ್ಲತೆಪೋಚೇಂಗಿ ನಾನ್ ನೀಡ ಪಕ್ಕ ಬೆರಿಯ ಬಂದಿತ್, ನಾಡ ಬಾಯಿಂಜ ಬಪ್ಪ ಬಾಳ್‍ರಗುಂಡ್ ಅಯಿಂಗಡ ಕೂಡೆ ಯುದ್ದ ಮಾಡ್‌ವಿ.

ಪ್ರಕಟನೆ 2:19

ನೀಡ ಕ್ರಿಯೇನ, ನೀಡ ಪ್ರೀತಿನ, ನೀಡ ಸೇವೇನ, ನೀಡ ನಂಬಿಕೇನ, ನೀಡ ಪೊರುಮೆನ, ನೀನ್ ಮಿಂಞ ಮಾಡಿಯಂಡಿಂಜ ಕ್ರಿಯೇಕಿಂಜ ಇಕ್ಕ ಮಾಡ್‍ನ ಕ್ರಿಯೆ ದುಂಬ ಉಂಡ್‍ೕಂದ್ ನಾಕ್ ಗೊತ್ತುಂಡ್.

ಪ್ರಕಟನೆ 2:2

ನೀಡ ಕ್ರಿಯೇನ, ನೀಡ ಪ್ರಯತ್ನತ್‍ನ, ನೀಡ ಪೊರುಮೆನ, ಕೊಳ್ಳತಯಿಂಗಳ ನೀನ್ ಸಹಿಸಿಯಂಡ್ ಇಪ್ಪಕ್ ಕಯ್ಯತ ಇಪ್ಪದ್‍ನ, ಪಿಂಞ ಅಪೊಸ್ತಲ ಅಲ್ಲತಯಿಂಗ ನಂಗ ಅಪೊಸ್ತಲಂಗಾಂದ್ ಎಣ್ಣುವದ್‍ನ ಪರೀಕ್ಷೆ ಮಾಡಿತ್ ಅಯಿಂಗ ಪೊಟ್ಟ್ ಪರ್ಂದಂಡ್ ಉಂಡ್‍ೕಂದ್ ನೀನ್ ಗೊತ್ತ್ ಮಾಡ್‍ನದೆಲ್ಲಾ ನಾಕ್ ಗೊತ್ತುಂಡ್.

ಪ್ರಕಟನೆ 3:19

ನಾಕ್ ದಾಡ ಮೇಲೆ ಕುಶಿ ಉಂಡೋ, ಅಯಿಂಗಕ್ ಜೋರ್ ಮಾಡಿತ್, ಅಯಿಂಗಕ್ ಶಿಕ್ಷೆ ತಪ್ಪಿ. ಆನಗುಂಡ್ ನೀನ್ ಎಚ್ಚರತ್‍ಲ್ ಇಂಜಿತ್ ದೇವಡ ಪಕ್ಕ ತಿರಿತ್ ಪಶ್ಚಾತಾಪ ಪಡ್‌ವಿಯ.