ಪ್ರಕಟನೆ 2:27 - ಕೊಡವ ಬೈಬಲ್

²⁷ ಅಂವೊ ಅಯಿಂಗಳ ಇರ್‍ಂಬ್‍ರ ಕೋಲ್‍ರಗುಂಡ್ ರಾಜ್ಯಬಾರ ಮಾಡ್‌ವ; ಮಣ್ಣ್‌ರ ಪಾತ್ರತ್‍ರನೆಕೆ ಜನ ಒಡಂದ್ ಪೋಪ.

ಪ್ರಕಟನೆ 2:27 Iomraidhean Croise

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:29

ಆನಗುಂಡ್, ನಾಡ ಅಪ್ಪ ನಾಕ್ ಒರ್ ರಾಜ್ಯತ್‍ನ ತಂದನೆಕೆ, ನಾನ್ ನಿಂಗಕು ತಪ್ಪಿ.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ಪ್ರಕಟನೆ 12:5

ಅವ ಎಲ್ಲಾ ಜನಳ, ಇರ್‍ಂಬ್ ಕೋಲ್‍ಲ್ ರಾಜ್ಯಬಾರ ಮಾಡ್‌ವಕ್ ಉಳ್ಳ ಒರ್ ಕ್‍ಣ್ಣ ಕುಂಞಿನ ಪೆತ್ತತ್; ಅವಡ ಕುಂಞಿನ ದೇವಡ ಪಕ್ಕ ಪಿಂಞ ದೇವಡ ಸಿಂಹಾಸನತ್‍ರ ಪಕ್ಕ ಬೆರಿಯ ಕೊಂಡ್ ಪೋಯಿರ್‌ತ್.

ಪ್ರಕಟನೆ 19:15

ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ.