ಪ್ರಕಟನೆ 2:12 - ಕೊಡವ ಬೈಬಲ್

¹² ಪೆರ್ಗಮ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದಂಡ್ ಪಕ್ಕವು ಚೂಪಾಯಿತುಳ್ಳ ಬಾಳ್ ಕತ್ತಿನ ಪುಡ್‍ಚಂಡ್ ಉಳ್ಳಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 2:12 Iomraidhean Croise

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.

ಪ್ರಕಟನೆ 1:11

ಆ ವಾಣಿ: ನಾನ್ ಅಲ್ಫಾವು ಓಮೆಗಾವು ಆದ್ಯವು ಆಕೀರ್‍ವಾಯುತುಳ್ಳ. ನೀನ್ ಕಂಡಂಡುಳ್ಳದ್‍ನ ಒರ್ ಪುಸ್ತಕತ್‍ಲ್ ಒಳ್‍ದಿತ್ ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ, ಲವೊದಿಕೀಯ ಎಣ್ಣುವ ಪಟ್ಟಣತ್‍ಲ್ ಉಳ್ಳ ಏಳ್ ಸಬೇಕ್ ಅಯಿಕಂಡೂಂದ್ ಎಣ್ಣ್‌ಚಿ.

ಪ್ರಕಟನೆ 1:16

ತಾಂಡ ಬಲ್‌ತೆ ಕೈಯಿಲ್ ಏಳ್ ನಕ್ಷತ್ರತ್‍ನ ಪೊರ್‍ತಂಡ್ ಇಂಜತ್, ಅಂವೊಂಡ ಬಾಯಿಂಜ ದಂಡ್ ಪಕ್ಕವು ಚೂಪಾಯಿತುಳ್ಳ ಬಾಳ್ ಕತ್ತಿ ಪೊರಟಿತ್ ಬಾತ್; ಅಂವೊಂಡ ಮೂಡ್ ಮಜ್ಜಣತ್‍ರ ಸೂರ್ಯನೆಕೆ ಮಿನ್ನಿಯಂಡಿಂಜತ್.

ಪ್ರಕಟನೆ 19:15

ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ.

ಪ್ರಕಟನೆ 19:21

ಬಾಕಿ ಉಳ್ಳಯಿಂಗ ಕುದ್‌ರೇಲ್ ಅಳ್‌ತಿತ್ ಉಳ್ಳಂವೊಂಡ ಬಾಯಿಂಜ ಬಂದ ಬಾಳ್‍ರಗುಂಡ್ ಚತ್ತತ್; ಅಯಿಂಗಡ ಯರ್ಚಿರಗುಂಡ್ ಪಕ್ಷಿಯಡ ಕೆಲ ದುಂಬ್‍ಚಿ.

ಪ್ರಕಟನೆ 2:1

ಎಫೆಸ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಏಳ್ ನಕ್ಷತ್ರತ್‍ನ ತಾಂಡ ಬಲ್‌ತೆ ಕೈಯಿಲ್ ಪುಡ್‍ಚಂಡ್, ಏಳ್ ಕುತ್ತ್ ಬೊಳ್‍ಚತ್‍ರ ಮದ್ಯತ್‍ಲ್ ಸುತ್ತಿಯಂಡ್ ಉಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ.

ಪ್ರಕಟನೆ 2:16

ಆನಗುಂಡ್, ಇಕ್ಕ ನೀನ್ ಪಶ್ಚಾತಾಪ ಪಡ್, ಇಲ್ಲತೆಪೋಚೇಂಗಿ ನಾನ್ ನೀಡ ಪಕ್ಕ ಬೆರಿಯ ಬಂದಿತ್, ನಾಡ ಬಾಯಿಂಜ ಬಪ್ಪ ಬಾಳ್‍ರಗುಂಡ್ ಅಯಿಂಗಡ ಕೂಡೆ ಯುದ್ದ ಮಾಡ್‌ವಿ.