ಪ್ರಕಟನೆ 19:8 - ಕೊಡವ ಬೈಬಲ್

⁸ ಶುದ್ದವಾಯಿತುಳ್ಳ ಮಿನ್ನುವ ನಾರ್ ಬಟ್ಟೇನ ಅವ ಇಡ್‌ವಕಾಯಿತ್ ಕೊಡ್‍ತತ್. ಆ ನಾರ್ ಬಟ್ಟೆ ಎಣ್ಣುವದ್ ಪವಿತ್ರವಾನ ದೇವಡ ಮಕ್ಕಡ ನೀತಿಯೇ.

ಪ್ರಕಟನೆ 19:8 Iomraidhean Croise

ಜ್ಞಾನತ್‌ರ ಪಡಿಮ 31:22

ಅವ ತಾಂಗ್‌ ತಾನೆ ಮೆತ್ತೆ ಬಟ್ಟೆನ ತಯಾರ್‌ ಮಾಡುವ. ನಯವಾನ ನೂಲ್‌ಲ್‌ ಮಾಡ್‌ನ ನೀಲಿ ಅಂಗಿಯೇ ಅವಡ ಉಡ್‌ಪ್ ಆಯಿತ್‌ಂಜತ್.

ಮತ್ತಾಯ 17:2

ಅಲ್ಲಿ ಅಯಿಂಗಡ ಮಿಂಞತ್‍ಲೇ, ಯೇಸುರ ರೂಪ ಬದ್‍ಲಾಚಿ; ಅಂವೊಂಡ ಮೂಡ್ ಸೂರ್ಯಂಡನೆಕೆ ಬೊಳಿಯುವಕ್ ಸುರ್ ಆಚಿ; ಅಂವೊಂಡ ಬಟ್ಟೆ ಬಲ್ಯ ಬೊಳಿರನೆಕೆ ಬೊಳ್‍ಂದಂಡಿಂಜತ್

ಮತ್ತಾಯ 22:12

ರಾಜ ಅಂವೊನ: ಮಂಗಲತ್‍ರ ಬಟ್ಟೆ ಇಡತೆ ನೀನ್ ಇಲ್ಲಿಕ್ ಎನ್ನನೆ ಬಂದಿಯಾಂದ್ ಕ್‍ೕಟತ್? ಅಂವೊ ಮುಂಡತೆ ಇಂಜತ್.

ಮಾರ್ಕ 9:3

ಬೂಲೋಕತ್‍ಲ್ ಏದ್ ಮಡಿವಾಳಂಗೂ ಅಚ್ಚಕ್ ಬೊಳ್‌ತಿತೆ ಒಲಿಪಕ್ ಕಯ್ಯತಚ್ಚಕ್ ಯೇಸುರ ಬಟ್ಟೆ ಬೊಳ್‌ತಿತ್, ಮಿನ್ನ್‌ವಕ್ ಸುರ್ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:4

ಅಯಿಂಗ ಆಶ್ಚರ್ಯತ್‍ಲ್ ನಿಂದಿತಿಪ್ಪಕ, ಅಕ್ಕಣೆ ದಂಡ್ ಮನುಷ್ಯಂಗ ಪಳಪಳಾಂದ್ ಮಿನ್ನುವ ಬಟ್ಟೇನ ಇಟ್ಟಂಡ್ ಅಯಿಂಗಕ್ ಪ್ರತ್ಯಕ್ಷ ಆಚಿ.

ಅಪೊಸ್ತಲ 1:10

ಅಂವೊ ಅನ್ನನೆ ಕೊಡಿಕ್ ಪೋನದ್‍ನ ಅಯಿಂಗೆಲ್ಲ ಕಣ್ಣ್ ಎಡ್‍ಕತೆ ನೋಟಿಯಂಡ್ ಇಪ್ಪಕಲೆ, ಮಿನ್ನುವ ಬಟ್ಟೆ ಇಟ್ಟ ದಂಡ್ ಮನುಷ್ಯಂಗ ಪ್ರತ್ಯಕ್ಷ ಆಯಿತ್ ಅಯಿಂಗಡ ಪಕ್ಕ ನಿಂದಂಡಿಂಜತ್.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ಪ್ರಕಟನೆ 15:4

ಒಡೆಯನೇ, ನೀಕ್ ಬೊತ್ತತೆ, ನೀಡ ಪೆದಕ್ ಮಹಿಮೆ ತರತೆ ಇಪ್ಪಕ್ ದಾರ್‌ಕ್ ಕಯ್ಯು? ನೀನ್ ಒಬ್ಬನೇ ಪವಿತ್ರವಾನ ದೇವ, ನೀಡ ನೀತಿಯಾಯಿತುಳ್ಳ ತೀರ್ಪ್‌ರಗುಂಡ್ ಎಲ್ಲಾ ಜಾತಿಯಳು ಬಂದಿತ್, ನೀಡ ಮಿಂಞ ಆರಾದನೆ ಮಾಡ್‌ವಾಂದ್ ಎಣ್ಣ್‌ಚಿ.

ಪ್ರಕಟನೆ 15:6

ಆ ಆಲಯತ್ಂಜ ಏಳ್ ಬಾದೇರ ಆ ಏಳ್ ದೇವದೂತಂಗ ಪೊರಟಿತ್ ಬಾತ್. ಅಯಿಂಗ ಶುದ್ದವಾನ ಮಿನ್ನುವ ಬೊಳ್‍ತ ನಾರ್ ಬಟ್ಟೆ ಇಟ್ಟಂಡ್, ಪೊನ್ನ್‌ರ ಪಟ್ಟಿನ ಎದೇಲ್ ಕಟ್ಟಿಯಂಡ್ ಇಂಜತ್.

ಪ್ರಕಟನೆ 19:14

ಪರಲೋಕತ್‍ಲ್ ಉಳ್ಳ ಸೈನಿಕಂಗ ಶುದ್ದವಾಯಿತ್ ಉಳ್ಳ ಬೊಳ್‍ತ ನಾರ್ ಬಟ್ಟೇನ ಇಟ್ಟಂಡ್, ಬೊಳ್‍ತ ಕುದ್‍ರೆರ ಮೇಲೆ ಅಳ್‌ತಂಡ್ ಅಂವೊಂಡ ಬಯ್ಯ ಬಪ್ಪಕಿಂಜತ್.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.