ಪ್ರಕಟನೆ 19:5 - ಕೊಡವ ಬೈಬಲ್

⁵ ಅದಲ್ಲತೆ, ಸಿಂಹಾಸನತ್‍ರ ಕಡೇಯಿಂಜ ಒರ್ ವಾಣಿ ಬಾತ್; ಅದ್: ದೇವಡ ಸೇವಕಂಗಳೇ, ಅಂವೊಂಗ್ ಬೊತ್ತಿತ್ ನಡ್‍ಪ ಚೆರಿಯಯಿಂಗಳೇ, ಬಲ್ಯಂಗಳೇ ನಿಂಗ ಎಲ್ಲಾರು ದೇವನ ತುದಿಚಿತ್ ಕೊಂಡಾಡೀಂದ್ ಎಣ್ಣ್‌ಚಿ.

ಪ್ರಕಟನೆ 19:5 Iomraidhean Croise

ಪ್ರಕಟನೆ 13:16

ಚೆರಿಯಯಿಂಗ, ಬಲ್ಯಯಿಂಗ, ಐಶ್ವರ್ಯವಂತಯಿಂಗ, ಗರೀಬಂಗ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ಂಗ, ಈಂಗೆಲ್ಲಾ ಅಯಿಂಗಡ ಬಲ್‌ತೆ ಕೈಯಿಲ್ ಅಥವ ನೆತ್ತಿರ ಮೇಲೆ ಒರ್ ಮುದ್ರೆನ ಇಡಂಡೂಂದ್ ಒತ್ತಾಯ ಮಾಡ್‍ಚಿ.

ಪ್ರಕಟನೆ 16:17

ಏಳನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಬಾನತ್‍ರ ಮೇಲೆ ಬೂಕ್‍ಚಿ. ಅಕ್ಕ ಪರಲೋಕತ್‍ಲ್ ಇಂಜ ದೇವಾಲಯತ್‍ರ ಸಿಂಹಾಸನತ್ಂಜ ತ್‍ೕಂದತ್‍ೕಂದ್ ಬಲ್ಯ ಸದ್ದ್ ಪೊರಟಿತ್ ಬಾತ್.

ಪ್ರಕಟನೆ 19:18

ನಿಂಗ, ರಾಜಂಗಡ ಯರ್ಚಿನ, ಸೇನಾದಿಪತಿಯಂಗಡ ಯರ್ಚಿನ, ಶಕ್ತಿವಂತಯಿಂಗಡ ಯರ್ಚಿನ, ಕುದ್‍ರೆರ ಯರ್ಚಿನ, ಅದ್ಂಡಮೇಲೆ ಅಳ್‌ತಂಡುಳ್ಳಯಿಂಗಡ ಯರ್ಚಿನ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ವ, ಚೆರಿಯಯಿಂಗ, ಬಲ್ಯಯಿಂಗ ಈಂಗಡ ಯರ್ಚಿನ ತಿಂಬಕಾಯಿತ್, ಮಹಾ ದೇವ ತಪ್ಪ ಗದ್ದಾಳಕ್ ಕೂಡಿತ್ ಬಾರೀಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತತ್.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.

ಪ್ರಕಟನೆ 7:15

ಆನಗುಂಡ್, ಈಂಗ, ದೇವಡ ಸಿಂಹಾಸನತ್‍ರ ಮಿಂಞ ಇಂಜಂಡ್, ಬಯಿಟ್ ಪೋಲ್ ಅಂವೊಂಡ ಆಲಯತ್‍ಲ್ ಸೇವೆ ಮಾಡಿಯಂಡುಂಡ್. ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಉಂಡ್.