ಪ್ರಕಟನೆ 18:6 - ಕೊಡವ ಬೈಬಲ್

⁶ ಅವ ನಿಂಗಕ್ ಮಾಡ್‍ನನೆಕೆ ಅವಕ್ ನಿಂಗ ಬದ್‍ಲ್ ಮಾಡಿ; ಅವಡ ಕೆಲಸಕ್ ತಕ್ಕಂತದ್‍ನ ಅವಕ್ ದಂಡ್‍ರಚ್ಚಕ್ ಅಳ್‌ತೆಲ್ ನಿಂಗ ಮಾಡಂಡು; ಅವ ನಿಂಗಕ್ ಕಲ್‍ಕಿತ್ ಕೊಡ್‍ತ ಪಾತ್ರತ್‍ಲ್, ಅವಕ್ ದಂಡ್ ಪಾಲ್ ಜಾಸ್ತಿ ಕಲ್‍ಕಿತ್ ಕೊಡಿ.

ಪ್ರಕಟನೆ 18:6 Iomraidhean Croise

2 ತಿಮೊಥೆಯ 4:14

ಕಚ್ಚಿ ಪಣಿಕಾರನಾನ ಅಲೆಕ್ಸಾಂದ್ರ ನಾಕ್ ದುಂಬ ಕ್‍ೕಡ್ ಮಾಡ್‍ಚಿ. ಅಂವೊ ಮಾಡ್‍ನ ಕಾರ್ಯಕ್ ದೇವ ಅಂವೊಂಗ್ ಶಿಕ್ಷೆ ತಪ್ಪ.

ಪ್ರಕಟನೆ 13:10

ದಾರ್ ಜನಳ ಪುಡ್‌ಚಿತ್ ಅಡಿಯಾಳಾಯಿತ್ ಕೊಂಡ್ ಪೋಪ, ಅಯಿಂಗಳ ಸಹ ಅಡಿಯಾಳಾಯಿತ್ ಪುಡ್‍ಚಂಡ್ ಪೋಪ; ಬಾಳ್‌ಯಿಂಜ ಕೊಲ್ಲ್‌ವಂವೊ ಬಾಳ್‍ರಗುಂಡ್ ಚಾವಂಡು. ಇದ್‍ಲ್ ದೇವಡ ಮಕ್ಕಡ ಪೊರುಮೆ ಪಿಂಞ ನಂಬಿಕೆ ಗೊತ್ತಾಪ.

ಪ್ರಕಟನೆ 14:10

ದೇವಡ ಬಲ್ಯ ಚೆಡಿರ ಪಾತ್ರತ್‍ಲ್ ಏದು ಕಲ್‍ಕ್‍ತ ದೇವಡ ಗಟ್ಟಿಯಾನ ಬಲ್ಯ ಚೆಡಿರ ಕಳ್ಳ್‌ನ ಕುಡಿಚಿತ್, ಪವಿತ್ರವಾನ ದೂತಂಗಡ ಮಿಂಞತ್, ಕೊರಿಕುಟ್ಟಿಯಾನವೊಂಡ ಮಿಂಞತ್ ತಿತ್ತ್‌ರ ಜ್ವಾಲತ್‌ರಗುಂಡ್ ಗಂಧಕತ್‍ರಗುಂಡ್ ಕಷ್ಟಪಟ್ಟಂಡ್ ಇಪ್ಪ.

ಪ್ರಕಟನೆ 16:19

ಅಕ್ಕ, ಮಹಾ ಪಟ್ಟಣ ಮೂಂದ್ ಬಾಗವಾಯಿತ್ ಒಡಂದತ್, ದೇವಡ ಮಕ್ಕ ಅಲ್ಲತಯಿಂಗಡ ಪಟ್ಟಣವೆಲ್ಲ ಬುದ್ದತ್. ದೇವಡ ಬಲ್ಯ ಚೆಡಿರ ಕಳ್ಳ್ ದುಂಬ್‍ನ ಪಾತ್ರತ್‍ನ, ಮಹಾ ಬಾಬೆಲಂಗ್ ಕೊಡ್‍ಪಕ್ ದೇವಡ ಗೇನಕ್ ಕೊಂಡ್ ಬಾತ್.

ಪ್ರಕಟನೆ 17:2

ಅವಡ ಕೂಡೆ ಬೂಮಿರ ರಾಜಂಗ ವೇಶಿತನ ಮಾಡ್‍ಚಿ, ಲೋಕತ್‍ರ ಜನ ಅವಡ ವೇಶಿತನತ್‍ರ ಕಳ್ಳ್‌ನ ಕುಡಿಚಿತ್ ಕಳ್ಳ್‌ರ ಬೋಗತ್‍ಲ್ ಇಪ್ಪನೆಕೆ ಮಾಡ್‍ಚಿ.

ಪ್ರಕಟನೆ 17:4

ಆ ಪೊಣ್ಣಾಳ್ ನೀಲಿ ಪಿಂಞ ಚೋಂದ ರಂಗ್‍ರ ಬಟ್ಟೆ ಇಟ್ಟಿತ್ಂಜತ್. ಪೊನ್ನ್‌ರಗುಂಡ್, ರತ್ನತ್‍ರಗುಂಡ್, ಮಾಣಿಕ್ಯತ್‍ರಗುಂಡ್ ಅಲಂಕಾರ ಮಾಡಿತ್, ತಾಂಡ ವೇಶಿತನತ್‍ರ ಅಸಹ್ಯ ಪಿಂಞ ಅಶುದ್ದತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ತಾಂಡ ಕೈಯಿಲ್ ಪುಡ್‌ಚಂಡಿಂಜತ್.

ಪ್ರಕಟನೆ 18:20

ಓ ಪರಲೋಕವೇ, ಪವಿತ್ರವಾನ ಅಪೊಸ್ತಲಂಗಳೇ, ಪ್ರವಾದಿಯಳೇ, ಇವ ನಿಂಗಕ್ ಮಾಡ್‍ನಂಗಾಯಿತ್ ದೇವ ನ್ಯಾಯತೀರ್ಪ್ ಮಾಡ್‍ನಗುಂಡ್, ಇವಕಾಯಿತ್ ನಿಂಗ ಕುಶಿ ಪಡಿರಿ.