ಪ್ರಕಟನೆ 18:11 - ಕೊಡವ ಬೈಬಲ್

¹¹ ಇದ್‍ಲ್ಲತೆ, ಬೂಲೋಕತ್‍ಲ್ ಉಳ್ಳ ವ್ಯಾಪಾರಿಯ ಗೋಳಾಡಿಯಂಡ್, ಪೊನ್ನ್, ಬೊಳ್ಳಿ, ರತ್ನ, ಮುತ್ತ್, ನಯಿಸಾನ ಬಟ್ಟೆ, ನೀಲಿ ಪಿಂಞ ಚೋಂದ ರಂಗ್‍ರ ಬಟ್ಟೆ, ರೇಶ್ಮೆ ಬಟ್ಟೆ, ಚೋಪಾನ ಬಟ್ಟೆ

ಪ್ರಕಟನೆ 18:11 Iomraidhean Croise

ಜ್ಞಾನತ್‌ರ ಪಡಿಮ 3:14

ಎನ್ನಂಗೆಣ್ಣ್‌ಚೇಂಗಿ, ಜ್ಞಾನ ಬೊಳ್ಳಿಕಿಂಜ ಲಾಬವುಳ್ಳದು, ಅದ್‌ಂಡ ಆದಾಯ ಪೊನ್ನ್‌ಕಿಂಜ ಮಹತ್‌ವವಾನದು ಆಯಿತುಂಡ್.

ಮತ್ತಾಯ 22:5

ಆಚೇಂಗಿ ಕಾಕ್‌ನಯಿಂಗ ಅದ್‍ನ ಮನಸ್ಸ್‌ಕ್ ಎಡ್‍ಕತೆ ಒಬ್ಬ ಬೇಲ್‍ಕ್, ಇಂಞೊಬ್ಬ ಅಂವೊಂಡ ವ್ಯಾಪಾರಕ್ ಪೋಚಿ.

ಯೋಹಾನ 2:16

ಪಾರಿವಾಳ ಮಾರ್‌ವಯಿಂಗಳ ನೋಟಿತ್: ಇದ್‍ನೆಲ್ಲ ಇಲ್ಲಿಂಜ ಎಡ್‍ತಂಡ್ ಪೋಯಿರಿ, ನಾಡ ಅಪ್ಪಂಡ ಮನೆನ ಚತ್ತೆರನೆಕೆ ಮಾಡಂಡಾಂದ್ ಎಣ್ಣ್‌ಚಿ.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಪ್ರಕಟನೆ 18:15

ಇದ್‍ನೆಲ್ಲಾ ಬೆಚ್ಚಿತ್ ಅವಡ ಕೂಡೆ ವ್ಯಾಪಾರ ಮಾಡಿತ್ ಐಶ್ವರ್ಯವಂತಂಗಳಾನಯಿಂಗ ಅವಕ್ ಕ್‍ಟ್ಟ್‌ನ ಬಾದೇನ ಕಂಡಿತ್ ಪೋಡಿಯಾನಗುಂಡ್, ದೂರತ್‍ಲ್ ನಿಂದಂಡ್:

ಪ್ರಕಟನೆ 18:20

ಓ ಪರಲೋಕವೇ, ಪವಿತ್ರವಾನ ಅಪೊಸ್ತಲಂಗಳೇ, ಪ್ರವಾದಿಯಳೇ, ಇವ ನಿಂಗಕ್ ಮಾಡ್‍ನಂಗಾಯಿತ್ ದೇವ ನ್ಯಾಯತೀರ್ಪ್ ಮಾಡ್‍ನಗುಂಡ್, ಇವಕಾಯಿತ್ ನಿಂಗ ಕುಶಿ ಪಡಿರಿ.

ಪ್ರಕಟನೆ 18:23

ಬೊಳ್‍ಚತ್‍ರ ಬೊಳಿ ನೀಡ ಪಕ್ಕ ಕಾಂಬುಲೆ; ಮಂಗಲಕಾರಂಡ ಮಂಗಲಕರ್ತಿರ ಸ್ವರ ಇಂಞು ಮಿಂಞಕ್ ನೀಡಲ್ಲಿ ಕ್‍ೕಪುಲೆ; ನೀಡ ವ್ಯಾಪಾರಿಯ ಬೂಮಿಲ್ ಬಲ್ಯ ಮನುಷ್ಯಂಗಳಾಯಿತ್ಂಜತಲ್ಲಾ? ನೀನ್ ಮಾಡ್‍ನ ಮಾಟತ್ಂಜ ಎಲ್ಲಾ ಜಾತಿಯಳು ಮೋಸ ಆಯಿಪೋಚಿ.

ಪ್ರಕಟನೆ 18:3

ಅವಡ ವೇಶಿತನತ್‍ರ ಬಲ್ಯ ಚೆಡಿರ ಕಳ್ಳ್‌ನ ಎಲ್ಲಾ ಜಾತಿಯಳು ಕುಡಿಚತ್; ಬೂಮಿರ ರಾಜಂಗ ಅವಡ ಕೂಡೆ ವೇಶಿತನ ಮಾಡ್‍ಚಿ; ಬೂಮಿರ ವ್ಯಾಪಾರಿಯಂಗ, ಅವಡ ದುಂಬ್‍ನ ಐಶ್ವರ್ಯತ್‍ರಗುಂಡ್ ಐಶ್ವರ್ಯವಂತಂಗಳಾಚೀಂದ್ ಎಣ್ಣ್‌ಚಿ.

ಪ್ರಕಟನೆ 18:9

ಅವಡ ಕೂಡೆ ವ್ಯಬಿಚಾರ ಮಾಡಿತ್, ಅವಡ ಐಶ್ವರ್ಯತ್‍ರ ಬಲ್ಯ ಕುಶೀಲ್ ಇಂಜ ಬೂಮಿರ ರಾಜಂಗ, ಅವ ತಿತ್ತ್‌ಲ್ ಬೆಂಜಂಡ್ ಉಳ್ಳ ಪೊಗೇ‍ನ ನೋಟಿತ್ ದೂರತ್‍ಲ್ ನಿಂದಿತ್ ಅಯಿಂಗ ಗೋಳಾಡಿಯಂಡ್,