ಪ್ರಕಟನೆ 17:3 - ಕೊಡವ ಬೈಬಲ್

³ ಪವಿತ್ರಾತ್ಮತ್‍ಲ್ ಅಂವೊ ನನ್ನ ಮಣಬೂಮಿಕ್ ಕಾಕಿಯಂಡ್ ಪೋಚಿ. ಅಲ್ಲಿ ನಾನ್ ಚೋಂದ ರಂಗ್‍ರ ಒರ್ ಮೃಗತ್‍ನ ಕಂಡಿಯೆ. ಆ ಮೃಗಕ್ ಏಳ್ ಮಂಡೆಯು ಪತ್ತ್ ಕೊಂಬು ಇಂಜತ್. ಅದ್ಂಡ ತಡಿ ಪೂರ್ತಿ ದೇವ ದೂಷಣೆರ ಪೆದತ್‍ರಗುಂಡ್ ಮುಚ್ಚಿತ್ಂಜತ್. ಅದ್ಂಡಮೇಲೆ ಒರ್ ಪೊಣ್ಣಾಳ್ ಅಳ್‍ತಂಡಿಂಜತ್.

ಪ್ರಕಟನೆ 17:3 Iomraidhean Croise

ಮತ್ತಾಯ 27:28

ಅಯಿಂಗ ಅಂವೊಂಡ ಬಟ್ಟೇನ ಉತ್ತ್‌ವಂಜಿ ಒರ್ ಚೋಂದ ರಂಗ್‍ರ ಬಟ್ಟೇನ ಇಟ್ಟತ್.

ಅಪೊಸ್ತಲ 8:39

ಅಯಿಂಗ ನೀರ್‌ನ ಬುಟ್ಟಿತ್ ಕರೆಕ್ ಬಪ್ಪಕ ಒಡೆಯಂಡ ಆತ್ಮ ಫಿಲಿಪ್ಪನ ಒಮ್ಮಕೆ ಎಡ್‍ತಂಡ್ ಪೋಯಿರ್‌ತ್. ಅದಿಕಾರಿ ಬಯ್ಯ ಫಿಲಿಪ್ಪನ ಕಂಡಿತ್‌ಲ್ಲೆ. ಆಚೇಂಗಿ, ಅಂವೊ ಕುಶೀಲ್ ತಾಂಡ ಬಟ್ಟೇಲ್ ಪೋಚಿ.

2 ಥೆಸಲೊನೀಕ 2:4

ಆ ಮನುಷ್ಯ ದೇವಕ್ ವಿರೋದವಾಯಿತ್ ನಿಂದಂಡ್, ಜನ ದೇವಾಂದ್ ಕಾಕುವ ಎಲ್ಲಾಂಗ್ ಬಲ್ಯದಾಯಿತ್, ಆರಾದನೆ ಮಾಡ್‌ವ ಎಲ್ಲಾಂಗ್ ಬಲ್ಯದಾಯಿತ್ ಅಂವೊ ಅಂವೊನನೇ ಕೊಚ್ಚ್‌ವ. ದೇವನ ಆರಾದನೆ ಮಾಡ್‌ವ ಜಾಗತ್‍ಲ್ ದೇವಡನೆಕೆ ಅಂವೊ ಅಳ್‌ತಂಡ್, ನಾನೇ ದೇವಾಂದ್ ಎಲ್ಲಾ ಜನಕು ಎಣ್ಣಿಯಂಡಿಪ್ಪ.

ಪ್ರಕಟನೆ 1:10

ಒಡೆಯಂಡ ದಿವಸತ್‍ಲ್ ಪವಿತ್ರಾತ್ಮಂಡ ಶಕ್ತಿ ನನ್ನ ಅಂವೊಂಡ ಪುಡ್‍ತತ್‍ಲ್ ಬೆಚ್ಚತ್. ಅಕ್ಕ ನಾಡ ಬಯ್ಯ ವಾಲಗತ್‍ರ ಸದ್ದ್‌ರನೆಕೆ ಒರ್ ಜೋರಾನ ಬಲ್ಯ ವಾಣಿ ನಾಕ್ ಕ್‍ೕಟತ್.

ಪ್ರಕಟನೆ 12:14

ಅಕ್ಕ ಆ ಪೊಣ್ಣಾಳ್ ತಾಂಡ ಮಣಬೂಮಿರ ಜಾಗಕ್ ಪಾರಿತ್ ಪೋಪಕಾಯಿತ್ ಗರುಡಪಕ್ಷಿರ ದಂಡ್ ಬಲ್ಯ ರೆಕ್ಕೆ ಅವಕ್ ಕ್‍ಟ್ಟ್‌ಚಿ. ಅಲ್ಲಿ ಅವ ಆ ಪಾಂಬ್‍ಕ್ ಕಾಂಗತನೆಕೆ ಒರ್ ಕಾಲ, ದಂಡ್ ಕಾಲ, ಅರೆಕಾಲ, ಬದ್‍ಕಿಯಂಡ್ ಇಪ್ಪಕ್ ಮಾಡಿತ್ಂಜತ್.

ಪ್ರಕಟನೆ 12:3

ಅಕ್ಕ, ಬಾನತ್‍ಲ್ ಇಂಞೊರ್ ಗುರ್‍ತ್‍ನ ಕಾಂಬಕಾಚಿ; ಅದ್ ಚೋಂದಿತ್ ಇಂಜ ಬಲ್ಯ ಘಟಸರ್ಪವಾಯಿತ್ಂಜತ್. ಅದ್ಂಗ್ ಏಳ್ ಮಂಡೆ, ಪತ್ತ್ ಕೊಂಬ್ ಪಿಂಞ ಅದ್ಂಡ ಮಂಡೆರ ಮೇಲೆ ಏಳ್ ಕಿರೀಟ ಇಂಜತ್.

ಪ್ರಕಟನೆ 12:6

ಆ ಪೊಣ್ಣಾಳ್ ಮಣಬೂಮಿಕ್ ಓಡಿ ಪೋಚಿ; ಅಲ್ಲಿ ಅವಕ್ 1,260 ದಿವಸಕತ್ತನೆ ಚಾಯಿತೆ ಬದ್‌ಕುವನೆಕೆ ದೇವ ಆ ಜಾಗತ್‍ನ ತಯಾರ್ ಮಾಡಿತ್ ಬೆಚ್ಚಿತ್ಂಜತ್.

ಪ್ರಕಟನೆ 17:18

ನೀನ್ ಕಂಡ ಆ ಪೊಣ್ಣಾಳ್ ಬೂಮಿಲ್ ಉಳ್ಳ ರಾಜಂಗಡ ಮೇಲೆ ರಾಜ್ಯಬಾರ ಮಾಡ್‌ವ ಬಲ್ಯ ಪಟ್ಟಣವೇಂದ್ ಎಣ್ಣ್‌ಚಿ.

ಪ್ರಕಟನೆ 17:4

ಆ ಪೊಣ್ಣಾಳ್ ನೀಲಿ ಪಿಂಞ ಚೋಂದ ರಂಗ್‍ರ ಬಟ್ಟೆ ಇಟ್ಟಿತ್ಂಜತ್. ಪೊನ್ನ್‌ರಗುಂಡ್, ರತ್ನತ್‍ರಗುಂಡ್, ಮಾಣಿಕ್ಯತ್‍ರಗುಂಡ್ ಅಲಂಕಾರ ಮಾಡಿತ್, ತಾಂಡ ವೇಶಿತನತ್‍ರ ಅಸಹ್ಯ ಪಿಂಞ ಅಶುದ್ದತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ತಾಂಡ ಕೈಯಿಲ್ ಪುಡ್‌ಚಂಡಿಂಜತ್.

ಪ್ರಕಟನೆ 18:12

ಎಲ್ಲಾ ತರತ್‍ರ ವಾಸನೆ ಮರ, ಎಲ್ಲಾ ತರತ್‍ರ ಕೊಂಬ್‍ರ ಸಾಮಾನ, ಬಲ್ಯ ಬೆಲೆ ಉಳ್ಳ ಮರ, ಚೆಂಬ್, ಇರ್‍ಂಬ್, ಚಂದ್ರಕಾಂತ ಕಲ್ಲ್,

ಪ್ರಕಟನೆ 18:16

ಅಯ್ಯೋ! ಅಯ್ಯೋ! ನಾರ್ ಬಟ್ಟೇನ, ನೀಲಿ ಪಿಂಞ ಚೋಂದ ರಂಗ್‍ರ ಬಟ್ಟೇನ, ಚೋಪ್‍ರ ಬಟ್ಟೇನೆ ಇಟ್ಟಿತ್, ಪೊನ್ನ್‌ರಗುಂಡ್, ಬೊಳ್ಳಿರಗುಂಡ್, ರತ್ನತ್‍ರಗುಂಡ್, ಮುತ್ತ್‌ರಗುಂಡ್, ಅಲಂಕಾರ ಮಾಡಿತ್ಂಜ ಮಹಾ ಪಟ್ಟಣವೇ,

ಪ್ರಕಟನೆ 21:10

ಅಂವೊ ನನ್ನ, ಬಲ್ಯದಾಯಿತ್ಂಜ ಉದ್ದವಾಯಿತ್ಂಜ ಒರ್ ಕುಂದ್‌ಕ್ ಪವಿತ್ರಾತ್ಮತ್‍ಲ್ ಎಡ್‍ತಂಡ್ ಪೋಚಿ. ದೇವಡ ಕಡೇಯಿಂಜ ಇಳಿಂಜಿತ್ ಬಂದಂಡುಳ್ಳ ಮಹಿಮೆ ದುಂಬ್‍ನ ಪವಿತ್ರವಾನ ಯೆರೂಸಲೇಮ್ ಪಟ್ಟಣ ಪರಲೋಕತ್‌ನ ಬುಟ್ಟಿತ್ ಬಪ್ಪದ್‍ನ ನಾಕ್ ಕಾಟಿ ತಾತ್.

ಪ್ರಕಟನೆ 4:2

ಅಕ್ಕಣೆ ನಾನ್ ಪವಿತ್ರಾತ್ಮತ್‍ರ ಪುಡ್‍ತತ್‍ಲ್ ಆನ; ಅಕ್ಕ, ಇದಾ, ಪರಲೋಕತ್‍ಲ್ ಒರ್ ಸಿಂಹಾಸನ ಬೆಚ್ಚಿತ್ಂಜತ್, ಅದ್‍ಲ್ ಒಬ್ಬ ಅಳ್‍ತಂಡಿಂಜತ್.