ಪ್ರಕಟನೆ 17:1 - ಕೊಡವ ಬೈಬಲ್

¹ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೂತಂಗಡಲ್ಲಿ ಒಬ್ಬ, ನಾಡ ಪಕ್ಕ ಬಂದಿತ್ ನಾಡ ಕೂಡೆ ತಕ್ಕ್ ಪರ್ಂದತ್. ನೀನ್ ಬಾ! ದುಂಬ ನೀರ್‌ರ ಮೇಲೆ ಅಳ್‌ತಂಡ್, ಮಹಾ ವೇಶಿಯಾಯಿತಿಂಜವಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ನ ನಾನ್ ನೀಕ್ ಕಾಟಿತಪ್ಪಿ.

ಪ್ರಕಟನೆ 17:1 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:32

ಅಕ್ಕ ಅಯಿಂಗ ದಂಡಾಳು: ನಂಗಡ ಕೂಡೆ ಯೇಸು ಬಟ್ಟೇಲ್ ತಕ್ಕ್ ಪರಿವಕ, ದೇವಡ ವಾಕ್ಯತ್‍ನ ವಿವರಿಚಿಡುವಕ ನಂಗಡ ಹೃದಯ ತಿತ್ತ್ ಕತ್ತಿಯಂಡಿಂಜನೆಕೆ ಇಂಜತಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:30

ಅದಲ್ಲತೆ ಮೋಶೆ ಪಿಂಞ ಎಲೀಯ ಎಣ್ಣುವ ದಂಡ್ ಮನುಷ್ಯಂಗ ದುಂಬ್‍ನ ಮಹಿಮೆಲ್ ಪಿಂಞ ಕೀರ್ತಿಲ್ ಕಾಂಬ್‌ಚಿಟ್ಟಿತ್, ಯೇಸುರ ಕೂಡೆ ತಕ್ಕ್ ಪರ್‌ದಂಡ್,

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.

ಪ್ರಕಟನೆ 15:1

ಪಿಂಞ, ಪರಲೋಕತ್‍ಲ್ ಬಲ್ಯದಾಯಿತ್ ಆಶ್ಚರ್ಯವಾನ ಇಂಞೊರ್ ಗುರ್‌ತ್‌ನ ನಾನ್ ಕಂಡಿಯೆ. ಇದ್ ಆಕೀರ್ ಆಯಿತುಳ್ಳ ಏಳ್ ಬಾದೆನೆ ಬೆಚ್ಚಿತ್ಂಜ ಏಳ್ ದೂತಂಗಳಾಯಿತ್ಂಜತ್. ಇದ್‍ನಗುಂಡ್ ದೇವಡ ಚೆಡಿ ತ್‍ೕಂದ್ ಪೋಪ.

ಪ್ರಕಟನೆ 16:19

ಅಕ್ಕ, ಮಹಾ ಪಟ್ಟಣ ಮೂಂದ್ ಬಾಗವಾಯಿತ್ ಒಡಂದತ್, ದೇವಡ ಮಕ್ಕ ಅಲ್ಲತಯಿಂಗಡ ಪಟ್ಟಣವೆಲ್ಲ ಬುದ್ದತ್. ದೇವಡ ಬಲ್ಯ ಚೆಡಿರ ಕಳ್ಳ್ ದುಂಬ್‍ನ ಪಾತ್ರತ್‍ನ, ಮಹಾ ಬಾಬೆಲಂಗ್ ಕೊಡ್‍ಪಕ್ ದೇವಡ ಗೇನಕ್ ಕೊಂಡ್ ಬಾತ್.

ಪ್ರಕಟನೆ 18:1

ಇದಾನ ಪಿಂಞ, ಇಂಞೊರ್ ದೇವದೂತ ದುಂಬ ಬಲ್ಯ ಅದಿಕಾರ ಉಳ್ಳಂವೊನಾಯಿತ್ ಪರಲೋಕತ್ಂಜ ಇಳ್ಂಜಿತ್ ಬಪ್ಪದ್‍ನ ಕಂಡಿಯೆ; ಅಂವೊಂಡ ಮಹಿಮೇರಗುಂಡ್ ಬೂಲೋಕ ಪ್ರಕಾಶತ್‍ಲ್ ಮಿನ್ನ್‌ಚಿ.

ಪ್ರಕಟನೆ 19:2

ತಾಂಡ ವ್ಯಬಿಚಾರತ್‍ರಗುಂಡ್ ಬೂಮಿನ ಪಾಳ್ ಮಾಡ್‍ನ, ಮಹಾ ವ್ಯಬಿಚಾರಿಕ್ ದೇವ ಶಿಕ್ಷೆ ಕೊಡ್‍ತತ್. ಅಂವೊಂಡ ಸೇವಕಂಗಡ ಚೋರೆಕಾಯಿತ್ ಅವಡ ಪಕ್ಕ ಅಂವೊ ಬದ್‍ಲ್ ಮಾಡ್‍ನಗುಂಡ್, ಅಂವೊಂಡ ನ್ಯಾಯತೀರ್ಪ್ ಸತ್ಯವಾನದು ನೀತಿಯುಳ್ಳದಾಯಿತು ಉಂಡ್.

ಪ್ರಕಟನೆ 19:9

ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 21:15

ನಾಡ ಕೂಡೆ ತಕ್ಕ್ ಪರ್‌ದಂಡ್ ಇಂಜಂವೊ, ಆ ಪಟ್ಟಣತ್‍ನ, ಅದ್ಂಡ ಬಾಯಿಕಂಡಿ‍ನ ಅಳ್‌ತೆ ಮಾಡ್‌ವಕಾಯಿತ್ ಪೊನ್ನ್‌ರ ಅಳ್‌ತೆ ಕೋಲ್‍ನ ಕೈಯಿಲ್ ಪುಡ್‍ಚಂಡ್ ಇಂಜತ್.

ಪ್ರಕಟನೆ 21:9

ಪಿಂಞ ಆಕೀರ್‌ಲ್ ಏಳ್ ಬಾದೆರಗುಂಡ್ ದುಂಬಿತ್ಂಜ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೇವದೂತಂಗಡಲ್ಲಿ ಒಬ್ಬ ನಾಡ ಪಕ್ಕ ಬಂದಿತ್: ಇಲ್ಲಿ ಬಾ! ನಾನ್, ಕೊರಿಕುಟ್ಟಿಯಾನವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 4:1

ಇದಾನ ಪಿಂಞ ನಾನ್ ನೋಟ್‍ವಕ, ಇದಾ, ಪರಲೋಕತ್‍ಲ್ ತೊರಂದಿತ್ ಬೆಚ್ಚಿತ್ಂಜ ಒರ್ ಪಡಿನ ಕಂಡಿಯೆ. ಮಿಂಞ ವಾಲಗತ್‍ರ ಸದ್ದ್‌ರನೆಕೆ ನಾಡ ಕೂಡೆ ತಕ್ಕ್ ಪರ್ಂದ ವಾಣಿ: ಇಲ್ಲಿಕ್ ಪತ್ತಿತ್ ಬಾ, ಮಿಂಞಕ್ ನಡ್‍ಪಕುಳ್ಳದ್‍ನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.