ಪ್ರಕಟನೆ 16:8 - ಕೊಡವ ಬೈಬಲ್

⁸ ನಾಲೆನ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಸೂರ್ಯಂಡ ಮೇಲೆ ಬೂಕ್‍ಚಿ. ಅಕ್ಕ, ತಿತ್ತ್‌ರಗುಂಡ್ ಮನುಷ್ಯಂಗಳ ಬೇವಿಚಿಡ್‌ವಕ್ ಅದ್ಂಗ್ ಅದಿಕಾರ ಕ್‍ಟ್ಟ್‌ಚಿ.

ಪ್ರಕಟನೆ 16:8 Iomraidhean Croise

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 4:8

ಸೂರ್ಯ ಉದಿಚದು ದೇವ ಅಲ್ಲಿಂಜ ಬಿಸಿ ಕಾತ್‌ನ ಅಯಿಚತ್. ಪಿಂಞ ಸೂರ್ಯಂಡ ಬೆದ್‌ ನೇರೆ ಯೋನಂಡ ಮಂಡೆಕ್‌ ಬುದ್ದತ್. ಅಕ್ಕ ಅಂವೊಂಗ್‌ ದುಂಬ ಬೆಜಾರ್‌ ಆಯಿತ್, ಚತ್ತ್‌ ಪೋಪಕುಳ್ಳ ಮನಸ್ ಬಾತ್. ಅಕ್ಕ ಅಂವೊ, ನಾನ್‌ ಬದ್‌ಕ್‌ವಕಿಂಜ ಚಾವದೇ ನಲ್ಲದ್‍ೕಂದ್‌ ಎಣ್ಣ್‌ಚಿ.

ಮತ್ತಾಯ 13:6

ಆಚೇಂಗಿ ಬೆದ್ ಬಪ್ಪಕ ಮೊಳೆಕೆ ಒಣಂಗಿ ಪೋಚಿ. ಎನ್ನಂಗೆಣ್ಣ್‌ಚೇಂಗಿ ಆ ಗಿಡತ್‌ರ ಬೇರ್ ಆಳವಾಯಿತ್ ಪೋಯಿತ್ಂಜಿಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:25

ಇದ್‍ಲ್ಲತೆ ಸೂರ್ಯ ಚಂದ್ರ ನಕ್ಷತ್ರತ್‌ಲ್ ವಿಚಿತ್ರ ಗುರ್‍ತ್‍ನ ಕಾಂಬಕಾಪ. ಗರ್ಜನೆ ಮಾಡಿಯಂಡ್ ಬಪ್ಪ ಸಮುದ್ರತ್‍ರ ತೆರೆ ಪಿಂಞ ಬಿರ್‌ಗಾಳಿಕ್ ಬೂಲೋಕತ್‍ಲ್ ಉಳ್ಳ ದೇಶವೆಲ್ಲ ಬೊತ್ತಿತ್ ಎಂತ ಮಾಡಂಡೂಂದ್ ಗೊತ್ತಾಪುಲೆ.

ಅಪೊಸ್ತಲ 2:20

ಒಡೆಯಂಡ ಬಲ್ಯ ಪ್ರಕಾಶವಾನ ದಿವಸ ಬಪ್ಪಕ್ ಮಿಂಞ ಸೂರ್ಯ ಇರ್‌ಟಾಯಿರ್‍ವ, ಚಂದ್ರ ಚೋರೆರನೆಕೆ ಚೋಂದ್ ಪೋಪ.

ಪ್ರಕಟನೆ 14:18

ತಿತ್ತ್‌ರ ಮೇಲೆ ಅದಿಕಾರ ಉಳ್ಳ ಬೋರೆ ಒರ್ ದೇವದೂತ ಬಲಿಪೀಠತ್‍ರ ಪಕ್ಕತ್ಂಜ ಪೊರಟಿತ್ ಬಂದಿತ್, ಚೂಪಾಯಿತುಳ್ಳ ಕೊಯಿಕತ್ತಿನ ಪುಡ್‌ಚಂಡುಳ್ಳಂವೊನ ನೋಟಿತ್: ಬೂಮಿರ ದ್ರಾಕ್ಷಿ, ಪಣ್ಣಾಯಿ ಪೋಚಿ, ಚೂಪಾಯಿತುಳ್ಳ ನೀಡ ಕೊಯಿಕತ್ತಿನ ನ್‍ೕಟಿತ್, ದ್ರಾಕ್ಷಿ ಕೊಲೆನ ಕೆತ್ತುವಿಯಾಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಪ್ರಕಟನೆ 6:12

ಅಂವೊ ಆರನೆ ಮುದ್ರೆನ ಪೊಳಿಪದ್‍ನ ನೋಟಿಯೆ; ಇದಾ, ಬೂಮಿ ಬಲ್ಯದಾಯಿತ್ ಗ್‍ಡ್‍ಗ್‍ಚಿ, ಸೂರ್ಯ ಒರ್ ಕರ್ತ ಗೋಣಿಚೇಲೆರನೆಕೆ ಕರ್ತಿತ್ ಪೋಚಿ, ಚಂದ್ರ ಚೋರೆರನೆಕೆ ಆಯಿಪೋಚಿ.

ಪ್ರಕಟನೆ 7:16

ಅಯಿಂಗಕ್ ಇಂಞು ಮಿಂಞಕ್ ಕೆಲ ಪಯಿಪುಲೆ, ಬಾಯಾರಿಕೆ ಆಪುಲೆ; ಬೆದ್ ಈಂಗಡ ಮೇಲೆ ಮುಟ್ಟುಲೆ ಪಿಂಞ ತಿತ್ತ್ ಈಂಗಳ ಚುಡುಲೆ.

ಪ್ರಕಟನೆ 8:12

ನಾಲನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಮೂಂದ್‍ಲ್ ಒರ್ ಬಾಗ ಸೂರ್ಯ, ಮೂಂದ್‍ಲ್ ಒರ್ ಬಾಗ ಚಂದ್ರ ಪಿಂಞ ಮೂಂದ್‍ಲ್ ಒರ್ ಬಾಗ ನಕ್ಷತ್ರ ಪಾಳಾಯಿ ಪೋಚಿ. ಒರೋಂದ್‍ಲ್ ಮೂಂದ್‍ಲ್ ಒರ್ ಬಾಗ ಕರ್ತಿತ್ ಇರ್‌ಟಾಯಿ ಪೋಚಿ. ಅಕ್ಕ ಪೋಲ್‍ಲ್, ಮೂಂದ್‍ಲ್ ಒರ್ ಬಾಗ ಬೊಳಿ ಇಂಜಿತ್ತ್‌ಲ್ಲೆ, ಬಯಿಟ್ ಸಹ ಬೊಳಿ ಇಂಜಿತ್ತ್‌ಲ್ಲೆ.

ಪ್ರಕಟನೆ 9:2

ಅಂವೊ ಪಾತಾಳತ್‍ನ ತೊರ್ಂದತ್. ಅಕ್ಕಣೆ, ಆ ಆಳವಾನ ಕುಂಡ್‍ಂಜ ಬಲ್ಯ ಪೊಗೆ ಕೊಡಿಕ್ ಬಾತ್. ಆ ಆಳವಾನ ಕುಂಡ್‍ರ ಪೊಗೆಯಿಂಜ ಸೂರ್ಯವು ಬಾನವು ಕರ್ತದಾಚಿ.