ಪ್ರಕಟನೆ 15:7 - ಕೊಡವ ಬೈಬಲ್

⁷ ಅಕ್ಕ, ಅಲ್ಲಿಯಿಂಜ ನಾಲ್ ಜೀವಿಯಡ ಕೂಟ್‌ಲ್ ಒಬ್ಬ, ಎಕ್ಕಾಲು ಬದ್‍ಕಿಯಂಡಿಪ್ಪ ದೇವಡ ಬಲ್ಯ ಚೆಡಿರಗುಂಡ್ ದುಂಬಿತ್ಂಜ ಪೊನ್ನ್‌ರ ಏಳ್ ಪಾತ್ರತ್‍ನ ಆ ಏಳ್ ದೂತಂಗಕ್ ಕೊಡ್‍ತತ್.

ಪ್ರಕಟನೆ 15:7 Iomraidhean Croise

1 ಥೆಸಲೊನೀಕ 1:9

ಎನ್ನಂಗೆಣ್ಣ್‌ಚೇಂಗಿ, ನಂಗ ನಿಂಗಡ ಪಕ್ಕ ಬಪ್ಪಕ, ನಿಂಗ ನಂಗಳ ಎನ್ನನೆ ಸತ್ಕಾರ ತಂದಿರಾಂದ್ ಅಯಿಂಗಳೇ ನಂಗಕ್ ಎಣ್ಣ್‌ಚಿ. ನಿಂಗ ಎನ್ನನೆ ವಿಗ್ರಹತ್‍ನ ಪೂಜೆ ಮಾಡ್‌ವಾನ ಬುಟ್ಟಿತ್, ಜೀವವುಳ್ಳ ಸತ್ಯವಾನ ದೇವನ ಆರಾದನೆ ಮಾಡ್‌ವಕ್ ತಿರಿತುಳ್ಳಿರಾಂದ್ ಅಯಿಂಗಳೇ ಎಣ್ಣ್‌ಚಿ.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.

ಪ್ರಕಟನೆ 10:6

ಬಾನತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ, ಬೂಮಿನ ಪಿಂಞ ಅದ್‍ಲ್ ಉಳ್ಳದ್‍ನ, ಸಮುದ್ರತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ ಸೃಷ್ಟಿ ಮಾಡಿತ್, ಎಕ್ಕಾಲು ಬದ್‍ಕಿಯಂಡ್ ಇಪ್ಪಂವೊಂಡ ಮೇಲೆ ಆಣೆ ಇಟ್ಟಿತ್ ಇನ್ನನೆ ಎಣ್ಣ್‌ಚಿ.

ಪ್ರಕಟನೆ 14:10

ದೇವಡ ಬಲ್ಯ ಚೆಡಿರ ಪಾತ್ರತ್‍ಲ್ ಏದು ಕಲ್‍ಕ್‍ತ ದೇವಡ ಗಟ್ಟಿಯಾನ ಬಲ್ಯ ಚೆಡಿರ ಕಳ್ಳ್‌ನ ಕುಡಿಚಿತ್, ಪವಿತ್ರವಾನ ದೂತಂಗಡ ಮಿಂಞತ್, ಕೊರಿಕುಟ್ಟಿಯಾನವೊಂಡ ಮಿಂಞತ್ ತಿತ್ತ್‌ರ ಜ್ವಾಲತ್‌ರಗುಂಡ್ ಗಂಧಕತ್‍ರಗುಂಡ್ ಕಷ್ಟಪಟ್ಟಂಡ್ ಇಪ್ಪ.

ಪ್ರಕಟನೆ 15:1

ಪಿಂಞ, ಪರಲೋಕತ್‍ಲ್ ಬಲ್ಯದಾಯಿತ್ ಆಶ್ಚರ್ಯವಾನ ಇಂಞೊರ್ ಗುರ್‌ತ್‌ನ ನಾನ್ ಕಂಡಿಯೆ. ಇದ್ ಆಕೀರ್ ಆಯಿತುಳ್ಳ ಏಳ್ ಬಾದೆನೆ ಬೆಚ್ಚಿತ್ಂಜ ಏಳ್ ದೂತಂಗಳಾಯಿತ್ಂಜತ್. ಇದ್‍ನಗುಂಡ್ ದೇವಡ ಚೆಡಿ ತ್‍ೕಂದ್ ಪೋಪ.

ಪ್ರಕಟನೆ 16:2

ಮೊದಲನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಬೂಮಿರ ಮೇಲೆ ಬೂಕ್‍ಚಿ. ಅಕ್ಕ ಮೃಗತ್‍ರ ಮುದ್ರೆನ ಇಟ್ಟಯಿಂಗಳು ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‌ವಯಿಂಗಳು ಆನ ಮನುಷ್ಯಂಗಡ ಮೇಲ್‌ಲ್ ಬಯಂಕರವಾನ ಬಲ್ಯ ನೊಂಬಲ ತಪ್ಪ ಪುಣ್ಣ್ ಉಂಟಾಚಿ.

ಪ್ರಕಟನೆ 17:1

ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೂತಂಗಡಲ್ಲಿ ಒಬ್ಬ, ನಾಡ ಪಕ್ಕ ಬಂದಿತ್ ನಾಡ ಕೂಡೆ ತಕ್ಕ್ ಪರ್ಂದತ್. ನೀನ್ ಬಾ! ದುಂಬ ನೀರ್‌ರ ಮೇಲೆ ಅಳ್‌ತಂಡ್, ಮಹಾ ವೇಶಿಯಾಯಿತಿಂಜವಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ನ ನಾನ್ ನೀಕ್ ಕಾಟಿತಪ್ಪಿ.

ಪ್ರಕಟನೆ 21:9

ಪಿಂಞ ಆಕೀರ್‌ಲ್ ಏಳ್ ಬಾದೆರಗುಂಡ್ ದುಂಬಿತ್ಂಜ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೇವದೂತಂಗಡಲ್ಲಿ ಒಬ್ಬ ನಾಡ ಪಕ್ಕ ಬಂದಿತ್: ಇಲ್ಲಿ ಬಾ! ನಾನ್, ಕೊರಿಕುಟ್ಟಿಯಾನವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 4:10

ಅಕ್ಕ ಇರುವತ ನಾಲ್ ಪೆರಿಯಯಿಂಗಳು, ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊಂಡ ಮಿಂಞತ್ ಅಡ್ಡ ಬುದ್ದಿತ್, ಎಕ್ಕಾಲು ಬದ್‍ಕಿಯಂಡುಳ್ಳಂವೊನ ಆರಾದನೆ ಮಾಡಿತ್, ಅಯಿಂಗಡ ಕಿರೀಟತ್‍ನ ಸಿಂಹಾಸನತ್‍ರ ಮಿಂಞ ಬೆಚ್ಚಿತ್,

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ: