ಪ್ರಕಟನೆ 14:2 - ಕೊಡವ ಬೈಬಲ್

² ಇದ್‍ಲ್ಲತೆ, ಬಲ್ಯ ನೀರ್ ಚಾಡಿತ್ ಬಪ್ಪ ಸದ್ದ್‌ರನೆಕೆ, ಬಲ್ಯ ತೆಡ್‌ರ ಸದ್ದ್‌ಲ್ ಒರ್ ವಾಣಿ ಪರಲೋಕತ್ಂಜ ಬಂದದ್ ನಾಕ್ ಕ್‍ೕಟತ್; ನಾನ್ ಕ್‍ೕಟ ಸದ್ದ್, ವೀಣೇಲ್ ಸಂಗೀತ ಮಾಡ್‌ವ ಅಯಿಂಗಡ ವೀಣೇರ ಸಂಗೀತವಾಯಿತ್ ಇಂಜತ್.

ಪ್ರಕಟನೆ 14:2 Iomraidhean Croise

1 ಕೊರಿಂಥ 13:1

ನಾನ್ ಮನುಷ್ಯಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ದೇವದೂತಂಗಡ ಬಾಷೆಲ್ ತಕ್ಕ್ ಪರ್ಂದತೇಂಗಿಯು, ನಾಕ್ ಜನಡಮೇಲೆ ಪ್ರೀತಿ ಇಲ್ಲತೆಪೋಚೇಂಗಿ, ಆ ತಕ್ಕ್, ಕಂಚ್ ಪಾತ್ರ ಮಾಡ್‌ವ ಸದ್ದ್‌ರನೆಕೆ, ಅಥವ ಗಂಟೆ ಪೊಜ್ಜನೆಕೆ ಇಪ್ಪ.

ಪ್ರಕಟನೆ 1:10

ಒಡೆಯಂಡ ದಿವಸತ್‍ಲ್ ಪವಿತ್ರಾತ್ಮಂಡ ಶಕ್ತಿ ನನ್ನ ಅಂವೊಂಡ ಪುಡ್‍ತತ್‍ಲ್ ಬೆಚ್ಚತ್. ಅಕ್ಕ ನಾಡ ಬಯ್ಯ ವಾಲಗತ್‍ರ ಸದ್ದ್‌ರನೆಕೆ ಒರ್ ಜೋರಾನ ಬಲ್ಯ ವಾಣಿ ನಾಕ್ ಕ್‍ೕಟತ್.

ಪ್ರಕಟನೆ 1:15

ಅಂವೊಂಡ ಕಾಲ್‍ರ ಅಡಿ ಪಿಚ್ಚೋಳೆನ ತಿತ್ತ್‌ಲ್ ಇಡ್‍ವಕ ಪಳಪಳಾಂದ್ ಇಪ್ಪನೆಕೆ ಇಂಜತ್; ಅಂವೊಂಡ ಸ್ವರ ಒಕ್ಕಿಯಂಡ್ ಬಪ್ಪ ದುಂಬ ನೀರ್‌ರ ಸದ್ದ್‌ರನೆಕೆ ಇಂಜತ್.

ಪ್ರಕಟನೆ 11:12

ನಿಂಗ ಇಲ್ಲಿಕ್ ಪತ್ತಿತ್ ಬಾರೀಂದ್ ಒರ್ ಬಲ್ಯ ವಾಣಿ ಪರಲೋಕತ್ಂಜ ಅಯಿಂಗಕ್ ಕ್‍ೕಟತ್, ಅಕ್ಕ ಅಯಿಂಗ ಮೋಡತ್‍ಲ್ ಪತ್ತಿತ್ ಪರಲೋಕಕ್ ಪೋಚಿ; ಅಯಿಂಗಡ ವಿರೋದಿಯಂಗ ಇದ್‍ನ ನೋಟಿಯಂಡ್ ಇಂಜತ್.

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.

ಪ್ರಕಟನೆ 15:2

ತಿತ್ತ್ ಕಲ್‌ಕ್‌ನ ಗಾಜಿರ ಕಡಲ್‍ರನೆಕೆ ಇಂಜ ಒರ್ ಕಡಲ್‍ನ ನಾನ್ ಕಂಡಿಯೆ. ಮೃಗತ್‍ನ ಅದ್ಂಡ ವಿಗ್ರಹತ್‍ನ, ಅದ್ಂಡ ಮುದ್ರೆನೆ ಪಿಂಞ ಅಂವೊಂಡ ಪೆದತ್‍ರ ಲೆಕ್ಕಕ್ ಬಗ್ಗತೆ ಗೆದ್ದಯಿಂಗ ದೇವಡ ವೀಣೇನ ಕೈಯಿಲ್ ಪುಡ್‍ಚಂಡ್ ಗಾಜಿರ ಸಮುದ್ರತ್‍ರ ಪಕ್ಕ ನಿಂದಂಡ್ ಇಪ್ಪಾನ ಕಂಡಿಯೆ.

ಪ್ರಕಟನೆ 18:22

ವೀಣೆಕಾರ, ಸಂಗೀತಕಾರ, ಪಾಂಗೊಳ ಊದ್‍ವಯಿಂಗ, ವಾಲಗ ಊದ್‍ವಯಿಂಗಡ ಸ್ವರ ನೀಡಯಿಂಜ ಕ್‍ೕಪುಲೆ; ಏದ್ ತರ ವ್ಯಾಪಾರಿಯು ನೀಡ ಕೂಡೆ ಇಪ್ಪುಲೆ. ಬೀಜುವ ಕಲ್ಲ್‌ರ ಸದ್ದ್ ಇಂಞು ಮಿಂಞಕ್ ನೀಡಲ್ಲಿ ಕ್‍ೕಪುಲೆ.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ:

ಪ್ರಕಟನೆ 6:1

ಕೊರಿಕುಟ್ಟಿಯಾನಂವೊ ಮುದ್ರೆಲ್ ಒರ್ ಮುದ್ರೆನ ಪೊಳಿಪದ್‍ನ ನಾನ್ ಕಂಡಿಯೆ. ಅಕ್ಕ ನಾಲ್ ಜೀವ ಪ್ರಾಣಿಯಡಡೆಲ್ ಒರ್ ಜೀವ ಪ್ರಾಣಿ ನನ್ನ ನೋಟಿತ್: ನೀನ್ ಬಂದ್ ನೋಟ್‍ೕಂದ್ ತೆಡ್ ಬಡಿಪ ಸದ್ದ್‌ಲ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 8:7

ಆದ್ಯ ದೂತ ವಾಲಗ ಕೊಂಬ್ ಊದ್‍ವಕಾಪಕ: ಚೋರೆಲ್ ಕಲ್‌ಕ್‌ನ ಆಲಿಕಾಯಿ ಪಿಂಞ ತಿತ್ತ್ ಬಾತ್, ಅದ್‍ನ ಬೂಮಿರ ಮೇಲೆ ಚಾಡ್‍ಚಿ. ಆನಗುಂಡ್, ಮೂಂದ್‍ಲ್ ಒರ್ ಬಾಗ ಬೂಮಿ ಬೆಂಜಿ ಪೋಚಿ; ಮೂಂದ್‍ಲ್ ಒರ್ ಬಾಗ ಮರ ಬೆಂಜಿ ಪೋಚಿ. ಎಲ್ಲಾ ಪಚ್ಚೆ ಪಿಲ್ಲ್ ಚುಟ್ಟ್ ಪೋಚಿ.