ಪ್ರಕಟನೆ 14:1 - ಕೊಡವ ಬೈಬಲ್

¹ ಪಿಂಞ ನಾನ್ ನೋಟ್‍ವಕ, ಇದಾ, ಚೀಯೋನ್‌ ಕುಂದ್‌ರ ಕೊಡಿಲ್ ಕೊರಿಕುಟ್ಟಿಯಾನಂವೊನ ಪಿಂಞ ಅಂವೊಂಡ ಕೂಡೆ ಅಂವೊಂಡ ಅಪ್ಪನಾನ ದೇವಡ ಪೆದತ್‍ನ ನೆತ್ತಿರ ಮೇಲೆ ಒಳ್‍ದಿತ್ಂಜ 1,44,000 ಜನಳ ಕಂಡಿಯೆ.

ಪ್ರಕಟನೆ 14:1 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:8

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರ್ ಮನುಷ್ಯಂಗಡ ಮಿಂಞತ್ ಅಂವೊ ನಾಡಂವೋಂದ್ ಎಣ್ಣ್‌ವ, ಮನುಷ್ಯಕುಮಾರ, ಅಂವೊನ ದೇವದೂತಂಗಡ ಮಿಂಞತ್ ನಾಡಂವೋಂದ್ ಎಣ್ಣುವ.

ರೋಮ್ 9:33

ಇದ್: ನೋಟಿ, ತಡ್‍ಪಕುಳ್ಳ ಕಲ್ಲ್‌ನ ಪಿಂಞ ಬೂವಕ್ ಮಾಡ್‌ವ ಬಂಡೆ ಕಲ್ಲ್‌ನ ಚೀಯೋನ್‌ ಪಟ್ಟಣತ್‍ಲ್ ಬೆಚ್ಚಿಯೆ; ಅಂವೊಂಡ ಮೇಲೆ ನಂಬಿಕೆ ಬೆಪ್ಪಂವೊ ದಾರಾಯಿತ್ ಇಂಜತೇಂಗಿಯು ಅಂವೊಂಗ್ ಞಾಣ ಆಪುಲೇಂದ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ಪ್ರಕಟನೆ 14:14

ಪಿಂಞ ನಾನ್ ನೋಟ್‍ವಕ, ಇದಾ, ಬೊಳ್‍ತ ಮೋಡತ್‍ನ, ಆ ಮೋಡತ್‍ರ ಮೇಲೆ ಮನುಷ್ಯಕುಮಾರಂಡನೆಕೆ ತಾಂಡ ಮಂಡೆಲ್ ಪೊನ್ನ್‌ರ ಕಿರೀಟತ್‍ನ ಇಟ್ಟಂಡ್, ತಾಂಡ ಕೈಯಿಲ್ ಚೂಪಾಯಿತುಳ್ಳ ಕೊಯಿಕತ್ತಿನ ಪುಡ್‍ಚಂಡ್ ಅಳ್‍ತಂಡಿಂಜ ಒಬ್ಬನ ಕಂಡಿಯೆ.

ಪ್ರಕಟನೆ 14:3

ಅಯಿಂಗ, ಸಿಂಹಾಸನತ್‍ರ ಮಿಂಞತ್‍ಲ್, ನಾಲ್ ಜೀವಿಯಡ ಮಿಂಞತ್‍ಲ್, ಪೆರಿಯಯಿಂಗಡ ಮಿಂಞತ್‍ಲ್ ಪುದಿಯ ಪಾಟ್‍ನ ಪಾಡ್‌ಚಿ. ಬೂಲೋಕತ್ಂಜ ವಿಮೋಚನ ಕ್‍ಟ್ಟಿತ್ ಬಂದ 1,44,000 ಜನಳ ಬುಟ್ಟಿತ್ ಆ ಪಾಟ್‍ನ ಬೋರೆ ದಾರೂ ಪಡಿಪಕ್ ಕಯ್ಯುವಕಿಂಜಿಲೆ.

ಪ್ರಕಟನೆ 15:5

ಇದಾನ ಪಿಂಞ ನಾನ್ ನೋಟ್‍ವಕ: ಪರಲೋಕತ್‍ಲ್ ಉಳ್ಳ ದೇವಡ ಸಾಕ್ಷಿರ ಗುಡಾರವಾನ ಆಲಯ ತೊರ್ಂದತ್.

ಪ್ರಕಟನೆ 22:4

ಅಯಿಂಗ ದೇವಡ ಮೂಡ್‍ನ ಕಾಂಬ, ಅಯಿಂಗಡ ನೆತ್ತಿರ ಮೇಲೆ ಅಂವೊಂಡ ಪೆದ ಒಳ್‍ದಿತ್ ಇಪ್ಪ.

ಪ್ರಕಟನೆ 3:12

ದಾರ್ ಗೆಲ್ಲುವ, ಅಂವೊನ ನಾನ್ ದೇವಾಲಯತ್‍ಲ್ ಕಂಬವಾಯಿತ್ ಮಾಡ್‌ವಿ, ಅದ್‍ಂಜ ಅಂವೊ ಎಕ್ಕಲೂ ಪೋಪದೇಯಿಲ್ಲೆ; ನಾಡ ದೇವಡ ಪೆದತ್‍ನ, ನಾಡ ದೇವನಗುಂಡ್ ಪರಲೋಕತ್ಂಜ ಇಳಿಂಜಿ ಬಪ್ಪ ಪುದಿಯ ಯೆರೂಸಲೇಮ್‍ೕಂದ್ ಎಣ್ಣುವ ನಾಡ ದೇವಡ ಪಟ್ಟಣತ್‍ರ ಪೆದತ್‍ನ ಪಿಂಞ ನಾಡ ಪುದಿಯ ಪೆದತ್‍ನ ಅಂವೊಂಡ ಮೇಲೆ ಒಳ್‍ದ್‍ವಿ.

ಪ್ರಕಟನೆ 4:1

ಇದಾನ ಪಿಂಞ ನಾನ್ ನೋಟ್‍ವಕ, ಇದಾ, ಪರಲೋಕತ್‍ಲ್ ತೊರಂದಿತ್ ಬೆಚ್ಚಿತ್ಂಜ ಒರ್ ಪಡಿನ ಕಂಡಿಯೆ. ಮಿಂಞ ವಾಲಗತ್‍ರ ಸದ್ದ್‌ರನೆಕೆ ನಾಡ ಕೂಡೆ ತಕ್ಕ್ ಪರ್ಂದ ವಾಣಿ: ಇಲ್ಲಿಕ್ ಪತ್ತಿತ್ ಬಾ, ಮಿಂಞಕ್ ನಡ್‍ಪಕುಳ್ಳದ್‍ನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 6:8

ನಾನ್ ನೋಟ್‍ವಕ, ಇದಾ, ಒರ್ ಮಂಗ್‍ನ ಕುದ್‍ರೆನ ಕಂಡಿಯೆ. ಅದ್ಂಡಮೇಲೆ ಇಂಜಂವೊಂಗ್ ಚಾವ್‍ೕಂದ್ ಪೆದ, ಪಾತಾಳ ಅಂವೊಂಡ ಬಯ್ಯಕ್ ಪೋಚಿ. ಬಾಳ್‍ರಗುಂಡ್, ಬರಕಾಲತ್‍ರಗುಂಡ್, ಬೂಮಿರ ದುಷ್ಟ ಮೃಗತ್‍ರಗುಂಡ್, ಬೂಮಿಲ್ ವಾಸ ಮಾಡಿಯಂಡುಳ್ಳ ನಾಲ್‍ಲ್ ಒರ್ ಬಾಗ ಜನತ್‍ನ ಕೊಲೆ ಮಾಡ್‌ವಕುಳ್ಳ ಅದಿಕಾರತ್‍ನ ಕೊಡ್‌ತಿತ್ಂಜತ್.