ಪ್ರಕಟನೆ 13:4 - ಕೊಡವ ಬೈಬಲ್

⁴ ಆ ಮೃಗಕ್ ಇನ್ನತಾನ ಅದಿಕಾರತ್‍ನ ಕೊಡ್‍ತ ಘಟಸರ್ಪತ್‍ನ ಆರಾದನೆ ಮಾಡ್‍ಚಿ. ಅದಲ್ಲತೆ: ಆ ಮೃಗಕ್ ತಕ್ಕ ಸಮವಾಯಿತ್ ದಾರ್ ಉಂಡ್? ಅದ್ಂಡಕೂಡೆ ಯುದ್ದ ಮಾಡ್‌ವಕ್ ದಾರ್‌ಕ್ ಆಪಾಂದ್ ಎಣ್ಣಿಯಂಡ್ ಮೃಗತ್‍ನ ಸಹ ಆರಾದನೆ ಮಾಡ್‍ಚಿ.

ಪ್ರಕಟನೆ 13:4 Iomraidhean Croise

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

2 ಥೆಸಲೊನೀಕ 2:4

ಆ ಮನುಷ್ಯ ದೇವಕ್ ವಿರೋದವಾಯಿತ್ ನಿಂದಂಡ್, ಜನ ದೇವಾಂದ್ ಕಾಕುವ ಎಲ್ಲಾಂಗ್ ಬಲ್ಯದಾಯಿತ್, ಆರಾದನೆ ಮಾಡ್‌ವ ಎಲ್ಲಾಂಗ್ ಬಲ್ಯದಾಯಿತ್ ಅಂವೊ ಅಂವೊನನೇ ಕೊಚ್ಚ್‌ವ. ದೇವನ ಆರಾದನೆ ಮಾಡ್‌ವ ಜಾಗತ್‍ಲ್ ದೇವಡನೆಕೆ ಅಂವೊ ಅಳ್‌ತಂಡ್, ನಾನೇ ದೇವಾಂದ್ ಎಲ್ಲಾ ಜನಕು ಎಣ್ಣಿಯಂಡಿಪ್ಪ.

ಪ್ರಕಟನೆ 12:3

ಅಕ್ಕ, ಬಾನತ್‍ಲ್ ಇಂಞೊರ್ ಗುರ್‍ತ್‍ನ ಕಾಂಬಕಾಚಿ; ಅದ್ ಚೋಂದಿತ್ ಇಂಜ ಬಲ್ಯ ಘಟಸರ್ಪವಾಯಿತ್ಂಜತ್. ಅದ್ಂಗ್ ಏಳ್ ಮಂಡೆ, ಪತ್ತ್ ಕೊಂಬ್ ಪಿಂಞ ಅದ್ಂಡ ಮಂಡೆರ ಮೇಲೆ ಏಳ್ ಕಿರೀಟ ಇಂಜತ್.

ಪ್ರಕಟನೆ 12:4

ಆಂಡ ಬಾಲ್ ಬಾನತ್‍ಲ್ ಉಳ್ಳ ನಕ್ಷತ್ರತ್‌ಲ್ ಮೂಂದ್‍ಲ್ ಒರ್ ಬಾಗತ್‍ನ ಬಲ್‍ಚಿತ್ ಬೂಮಿಕ್ ಇಟ್ಟತ್; ಪೆರುವಕ್ ಉಳ್ಳ ಆ ಪೊಣ್ಣಾಳ್, ಪೆರುವ ಆ ಗಳಿಗೆಲೇ ಆ ಕುಂಞಿನ ಮುಗ್ಗ್‌ವಕ್ ಈ ಘಟಸರ್ಪ ಪೊಣ್ಣಾಳ್‍ರ ಮಿಂಞತ್ ನಿಂದಂಡಿಂಜತ್.

ಪ್ರಕಟನೆ 13:11

ಪಿಂಞ ಇಂಞೊರ್ ಮೃಗ ಬೂಮಿಯಿಂಜ ಬಪ್ಪದ್‍ನ ಕಂಡಿಯೆ; ಅದ್ ಒರ್ ಕೊರಿ ಕುಟ್ಟಿರನೆಕೆ ಇಂಜತ್. ಅದ್ಂಗ್ ದಂಡ್ ಕೊಂಬ್ ಇಂಜತ್. ಘಟಸರ್ಪ ಪಾಂಬ್‍ರನೆಕೆ ತಕ್ಕ್ ಪರ್ಂದತ್.

ಪ್ರಕಟನೆ 13:15

ಆ ಮೃಗತ್‍ರ ವಿಗ್ರಹ ತಕ್ಕ್ ಪರಿಯುವನೆಕೆಯು, ಮೃಗತ್‍ರ ವಿಗ್ರಹತ್‍ನ ಆರಾದನೆ ಮಾಡ್‌ವಕ್ ಒತ್ತತಯಿಂಗಳೆಲ್ಲ ಕೊಲ್ಲ್‌ವಕು, ಮೃಗತ್‍ರ ವಿಗ್ರಹಕ್ ಜೀವ ಕೊಡ್‌ಪಕು ಈ ದಂಡನೆ ಮೃಗಕ್ ಶಕ್ತಿ ಕೊಡ್‌ತಿತ್ಂಜತ್.

ಪ್ರಕಟನೆ 13:2

ನಾನ್ ಕಂಡ ಮೃಗ ಚಿರತೆರನೆಕೆ ಇಂಜತ್; ಅದ್ಂಡ ಕಾಲ್ ಕರಡಿರ ಕಾಲ್‍ರನೆಕೆ ಇಂಜತ್, ಅದ್ಂಡ ಬಾಯಿ ಸಿಂಹತ್‍ರ ಬಾಯಿರನೆಕೆ ಇಂಜತ್; ಅದ್ಂಗ್ ಘಟಸರ್ಪ ತಾಂಡ ಶಕ್ತಿನ, ಸಿಂಹಾಸನತ್‍ನ ಪಿಂಞ ಮಾಹಾ ಅದಿಕಾರತ್‍ನ ಕೊಡ್‍ತತ್.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 18:18

ಅವ ಬೇವಕ ಬಪ್ಪ ಪೊಗೇ‍ನ ಕಂಡಿತ್: ಈ ಪಟ್ಟಣಕ್ ಸಮವಾನ ಪಟ್ಟಣ ಏದ್ ಉಂಡ್‍ೕಂದ್ ಎಣ್ಣಿಯಂಡ್ ಜೋರಾಯಿತ್ ಮೊರಡ್‍ವ.

ಪ್ರಕಟನೆ 9:20

ಇನ್ನನೆಲ್ಲಾ ಆಚೇಂಗಿಯು, ಈ ಹಿಂಸೆರಗುಂಡ್ ಚಾವತೆ ಬಾಕಿ ಇಂಜ ಜನ, ಪೊನ್ನ್, ಬೊಳಿ, ಚೆಂಬ್, ಕಲ್ಲ್, ಮರ ಇನ್ನತಾನಗುಂಡ್ ಮಾಡ್‍ನ ಕಾಂಬಕು, ಕ್‍ೕಪಕು, ನಡ್‌ಪಕು ಕಯ್ಯತ ವಿಗ್ರಹಕ್ ಪೂಜೆ ಮಾಡತನೆಕೆ ಪಿಂಞ ಕೂಳಿಯಂಗಕ್ ಪೂಜೆ ಮಾಡತನೆಕೆ ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್‌ಲ್ಲೆ.