ಪ್ರಕಟನೆ 13:3 - ಕೊಡವ ಬೈಬಲ್

³ ಅದ್ಂಡ ಏಳ್ ಮಂಡೆಲ್ ಒರ್ ಮಂಡೆಕ್ ಗಾಯ ಆಯಿತ್ ಚಾವನೆಕೆ ಇಂಜತ್; ಆಚೇಂಗಿಯು, ಚಾವನೆಕೆ ಇಂಜ ಆ ಗಾಯ ವಾಸಿ ಆಚಿ. ಬೂಲೋಕತ್‍ಲ್ ಉಳ್ಳಯಿಂಗ ಎಲ್ಲಾರು ಈ ಮೃಗತ್‍ನ ಆಶ್ಚರ್ಯತ್‍ಲ್ ನೋಟ್‌ಚಿ.

ಪ್ರಕಟನೆ 13:3 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:1

ಆ ಸಮಯತ್‍ಲ್ ಕೈಸರನಾನ ಔಗುಸ್ತ ರೋಮ್ ದೇಶತ್‍ಲ್ ಜನಸಂಖ್ಯೆ ಕಣಕ್ ಎಡ್‍ಪಕ ಎಲ್ಲಾಡ ಪೆದತ್‍ರ ಲೆಕ್ಕ ಕೊಡ್‍ಪಕ್ ಆಜ್ಞೆ ಮಾಡ್‍ಚಿ.

ಯೋಹಾನ 12:19

ಅಕ್ಕ, ಫರಿಸಾಯಂಗ: ನಿಂಗ ನೋಟಿರ, ನಿಂಗಡ ಪ್ರಯತ್ನ ಎಲ್ಲಾ ಒಂದಾಂಗು ಪ್ರಯೋಜನ ಇಲ್ಲೇಂದ್ ಗೊತ್ತ್‌ಲ್ಲೆಯಾ? ಈ ಲೋಕವೇ ಯೇಸುರ ಬಯ್ಯಕ್ ಪೋಯಂಡುಂಡ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡ್ ಇಂಜತ್.

ಅಪೊಸ್ತಲ 8:13

ಅಕ್ಕ ಸೀಮೋನ ಸಹ, ನಂಬಿತ್, ದೀಕ್ಷಾಸ್ನಾನ ಎಡ್‍ತತ್. ಪಿಂಞ ಫಿಲಿಪ್ಪಂಡ ಕೂಡೆ ಎಕ್ಕಾಲು ಇಂಜಂಡ್, ಫಿಲಿಪ್ಪ ಮಾಡ್‍ನ ಬಲ್ಯ ಗುರ್‌ತ್ ಪಿಂಞ ಅದ್ಬುತ ಕಾರ್ಯತ್‍ನೆಲ್ಲ ಕಂಡಿತ್, ಆಶ್ಚರ್ಯ ಪಟ್ಟತ್.

ಪ್ರಕಟನೆ 13:12

ಈ ಮೃಗ ಮಿಂಞತ್‍ರ ಮೃಗತ್‍ರ ಮಿಂಞತ್ ಇದ್ಂಡ ಅದಿಕಾರತ್‍ನೆಲ್ಲಾ ಕಾಂಬ್‍ಚಿಟ್ಟತ್. ಚತ್ತ್ ಪೋಪನೆಕೆ ಗಾಯ ಇಂಜಿತ್ ವಾಸಿ ಆನ ಮೃಗತ್‍ನ ಈ ಲೋಕವು ಅದ್‍ಲ್ ವಾಸಮಾಡಿಯಂಡುಳ್ಳಯಿಂಗಳು ಆರಾದನೆ ಮಾಡ್‌ವನೆಕೆ ಮಾಡ್‍ಚಿ.

ಪ್ರಕಟನೆ 13:14

ಮಿಂಞತ್‍ರ ಮೃಗತ್‍ರ ಎದ್‍ಕೆ ಗುರ್‌ತ್ ಕಾರ್ಯ ಕಾಂಬ್‍ಚಿಡುವಕ್ ತಾಂಗ್ ಕ್‍ಟ್ಟ್‌ನ ಅದಿಕಾರತ್‍ರಗುಂಡ್, ಬೂಲೋಕತ್‍ಲ್ ಉಳ್ಳ ಜನಳ ಮೋಸ ಮಾಡಿತ್, ಚತ್ತ್ ಪೋಪನೆಕೆ ಗಾಯ ಆಯಿತ್ ವಾಸಿಯಾನ ಮೃಗಕ್ ಒರ್ ವಿಗ್ರಹತ್‍ನ ಮಾಡಂಡೂಂದ್ ಬೂಮಿಲ್ ವಾಸಮಾಡಿಯಂಡುಳ್ಳಯಿಂಗಕ್ ಎಣ್ಣ್‌ಚಿ.

ಪ್ರಕಟನೆ 17:10

ಅದ್ ಏಳ್ ರಾಜಂಗಳ ಕಾಟ್‍ವ; ಅದ್‍ಲ್ ಅಂಜ್ ಜನ ಬುದ್ದ್ ಪೋಚಿ, ಒಬ್ಬ ಮಾತ್ರ ಉಂಡ್. ಇಂಞೊಬ್ಬ ಇಂಞು ಬಂದಿತ್‌ಲ್ಲೆ; ಅಂವೊ ಬಂದ ಪಿಂಞ ಚೆನ್ನ ಕಾಲ ಸ್ತಿರವಾಯಿತ್ ಇಕ್ಕಂಡು.

ಪ್ರಕಟನೆ 17:11

ಮಿಂಞ ಇಂಜದು, ಇಲ್ಲತ ಪೋನದುವಾಯಿತುಳ್ಳ ಆ ಮೃಗವೇ ಎಟ್ಟಣೆಂವೊನಾಯಿತುಂಡ್. ಅಂವೊ ಏಳ್ ರಾಜಂಗಡಲ್ಲಿಂಜ ಬಪ್ಪಂವೊನು, ನಾಶವಾಯಿ ಪೋಪಂವೊನು ಆಯಿತುಂಡ್.

ಪ್ರಕಟನೆ 17:13

ಅಯಿಂಗ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್, ಅಯಿಂಗಡ ಶಕ್ತಿನ ಅದಿಕಾರತ್‍ನ ಆ ಮೃಗಕ್ ಕೊಡ್‍ಪ.

ಪ್ರಕಟನೆ 17:17

ದೇವ ತಾಂಡ ತಕ್ಕ್‌ನ ನೆರೆವೇರಿಚಿಡುವಕತ್ತನೆ, ಅಯಿಂಗಡ ಯೋಚನೆ ನೆರೆವೇರುವಕ್, ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್, ಅಯಿಂಗಡ ರಾಜ್ಯತ್‍ನ ಮೃಗಕ್ ಕೊಡ್‍ಪಕಾಯಿತ್ ಅಯಿಂಗಡ ಹೃದಯತ್‍ನ ಒಂದ್ ಮಾಡ್‍ಚಿ.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.

ಪ್ರಕಟನೆ 17:8

ನೀನ್ ಕಂಡ ಮೃಗ ಮಿಂಞ ಇಂಜತ್, ಇಕ್ಕ ಇಲ್ಲೆ, ಅದ್ ಪಾತಾಳತ್ಂಜ ಕೊಡಿಕ್ ಪತ್ತಿತ್ ಬಂದಿತ್ ನಾಶ ಆಪ. ಲೋಕ ಸೃಷ್ಟಿ ಆನ ಕಾಲತ್ಂಜ ಜೀವ ಪುಸ್ತಕತ್‍ಲ್ ಪೆದ ಒಳ್‍ದತೆ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳ ಜನ, ಮಿಂಞ ಇಂಜದು, ಇಕ್ಕ ಇಲ್ಲತೆ ಪೋನದು, ಇಂಞು ಮಿಂಞಕ್ ಇಪ್ಪ ಮೃಗತ್‍ನ ನೋಟಿತ್ ಆಶ್ಚರ್ಯಪಡುವ.