ಪ್ರಕಟನೆ 13:14 - ಕೊಡವ ಬೈಬಲ್

¹⁴ ಮಿಂಞತ್‍ರ ಮೃಗತ್‍ರ ಎದ್‍ಕೆ ಗುರ್‌ತ್ ಕಾರ್ಯ ಕಾಂಬ್‍ಚಿಡುವಕ್ ತಾಂಗ್ ಕ್‍ಟ್ಟ್‌ನ ಅದಿಕಾರತ್‍ರಗುಂಡ್, ಬೂಲೋಕತ್‍ಲ್ ಉಳ್ಳ ಜನಳ ಮೋಸ ಮಾಡಿತ್, ಚತ್ತ್ ಪೋಪನೆಕೆ ಗಾಯ ಆಯಿತ್ ವಾಸಿಯಾನ ಮೃಗಕ್ ಒರ್ ವಿಗ್ರಹತ್‍ನ ಮಾಡಂಡೂಂದ್ ಬೂಮಿಲ್ ವಾಸಮಾಡಿಯಂಡುಳ್ಳಯಿಂಗಕ್ ಎಣ್ಣ್‌ಚಿ.

ಪ್ರಕಟನೆ 13:14 Iomraidhean Croise

2 ಥೆಸಲೊನೀಕ 2:4

ಆ ಮನುಷ್ಯ ದೇವಕ್ ವಿರೋದವಾಯಿತ್ ನಿಂದಂಡ್, ಜನ ದೇವಾಂದ್ ಕಾಕುವ ಎಲ್ಲಾಂಗ್ ಬಲ್ಯದಾಯಿತ್, ಆರಾದನೆ ಮಾಡ್‌ವ ಎಲ್ಲಾಂಗ್ ಬಲ್ಯದಾಯಿತ್ ಅಂವೊ ಅಂವೊನನೇ ಕೊಚ್ಚ್‌ವ. ದೇವನ ಆರಾದನೆ ಮಾಡ್‌ವ ಜಾಗತ್‍ಲ್ ದೇವಡನೆಕೆ ಅಂವೊ ಅಳ್‌ತಂಡ್, ನಾನೇ ದೇವಾಂದ್ ಎಲ್ಲಾ ಜನಕು ಎಣ್ಣಿಯಂಡಿಪ್ಪ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 13:1

ಪಿಂಞ ಸಮುದ್ರತ್‍ಂಜ ಒರ್ ಮೃಗ ಪೊರಮೆ ಪತ್ತಿತ್ ಬಪ್ಪದ್‍ನ ನೋಟಿಯೆ; ಆ ಮೃಗಕ್ ಏಳ್ ಮಂಡೆ, ಪತ್ತ್ ಕೊಂಬ್ ಇಂಜತ್. ಆ ಪತ್ತ್ ಕೊಂಬ್‍ರ ಮೇಲೆ ಪತ್ತ್ ಕಿರೀಟ ಇಂಜತ್. ಓರೋರ್ ಮಂಡೆರ ಮೇಲೆಯು ದೂಷಣೆ ಎಣ್ಣುವ ಪೆದ ಇಂಜತ್.

ಪ್ರಕಟನೆ 13:15

ಆ ಮೃಗತ್‍ರ ವಿಗ್ರಹ ತಕ್ಕ್ ಪರಿಯುವನೆಕೆಯು, ಮೃಗತ್‍ರ ವಿಗ್ರಹತ್‍ನ ಆರಾದನೆ ಮಾಡ್‌ವಕ್ ಒತ್ತತಯಿಂಗಳೆಲ್ಲ ಕೊಲ್ಲ್‌ವಕು, ಮೃಗತ್‍ರ ವಿಗ್ರಹಕ್ ಜೀವ ಕೊಡ್‌ಪಕು ಈ ದಂಡನೆ ಮೃಗಕ್ ಶಕ್ತಿ ಕೊಡ್‌ತಿತ್ಂಜತ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 14:11

ಅಯಿಂಗಡ ಪೊಗೆ, ಎಕ್ಕಾಲು ಕೊಡಿಕ್ ಬಂದಂಡಿಪ್ಪ; ಮೃಗತ್‍ನ ಪಿಂಞ ಅಂವೊಂಡ ವಿಗ್ರಹತ್‍ನ ಆರಾದನೆ ಮಾಡ್‌ವಯಿಂಗಳು ಅದ್ಂಡ ಪೆದತ್‍ನ ಇಟ್ಟಿತುಳ್ಳ ದಾರ್‌ಕು ಬಯಿಟ್ ಪೋಲ್ ಆರಾಮ್ ಕ್‍ಟ್ಟುಲೆ.

ಪ್ರಕಟನೆ 14:9

ಮೂಂದನೆ ದೇವದೂತ ಪೋಯಿತ್: ಬಲ್ಯ ಸ್ವರತ್‍ಲ್, ಮೃಗತ್‍ನ ಪಿಂಞ ಅಂವೊಂಡ ವಿಗ್ರಹತ್‍ನ ಆರಾದನೆ ಮಾಡಿತ್, ತಾಂಡ ನೆತ್ತಿಲ್ ಅಥವ ಕೈಯಿಲ್ ಅದ್ಂಡ ಮುದ್ರೆನ ಇಟ್ಟಿತುಳ್ಳಂವೊಂಗ್ ಇನ್ನನೆ ಆಪ.

ಪ್ರಕಟನೆ 15:2

ತಿತ್ತ್ ಕಲ್‌ಕ್‌ನ ಗಾಜಿರ ಕಡಲ್‍ರನೆಕೆ ಇಂಜ ಒರ್ ಕಡಲ್‍ನ ನಾನ್ ಕಂಡಿಯೆ. ಮೃಗತ್‍ನ ಅದ್ಂಡ ವಿಗ್ರಹತ್‍ನ, ಅದ್ಂಡ ಮುದ್ರೆನೆ ಪಿಂಞ ಅಂವೊಂಡ ಪೆದತ್‍ರ ಲೆಕ್ಕಕ್ ಬಗ್ಗತೆ ಗೆದ್ದಯಿಂಗ ದೇವಡ ವೀಣೇನ ಕೈಯಿಲ್ ಪುಡ್‍ಚಂಡ್ ಗಾಜಿರ ಸಮುದ್ರತ್‍ರ ಪಕ್ಕ ನಿಂದಂಡ್ ಇಪ್ಪಾನ ಕಂಡಿಯೆ.

ಪ್ರಕಟನೆ 16:13

ಆ ಸಮಯತ್‍ಲ್, ಘಟಸರ್ಪತ್‍ರ ಬಾಯಿಂಜ, ಮೃಗತ್‍ರ ಬಾಯಿಂಜ, ಪಿಂಞ ಕಳ್ಳ ಪ್ರವಾದಿಯಡ ಬಾಯಿಂಜ ಕಪ್ಪೇರನೆಕೆ ಉಳ್ಳ ಮೂಂದ್ ಕೂಳಿಯ ಪೊರಟಿತ್ ಬಪ್ಪಾನ ಕಂಡಿಯೆ.

ಪ್ರಕಟನೆ 16:2

ಮೊದಲನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಬೂಮಿರ ಮೇಲೆ ಬೂಕ್‍ಚಿ. ಅಕ್ಕ ಮೃಗತ್‍ರ ಮುದ್ರೆನ ಇಟ್ಟಯಿಂಗಳು ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‌ವಯಿಂಗಳು ಆನ ಮನುಷ್ಯಂಗಡ ಮೇಲ್‌ಲ್ ಬಯಂಕರವಾನ ಬಲ್ಯ ನೊಂಬಲ ತಪ್ಪ ಪುಣ್ಣ್ ಉಂಟಾಚಿ.

ಪ್ರಕಟನೆ 18:23

ಬೊಳ್‍ಚತ್‍ರ ಬೊಳಿ ನೀಡ ಪಕ್ಕ ಕಾಂಬುಲೆ; ಮಂಗಲಕಾರಂಡ ಮಂಗಲಕರ್ತಿರ ಸ್ವರ ಇಂಞು ಮಿಂಞಕ್ ನೀಡಲ್ಲಿ ಕ್‍ೕಪುಲೆ; ನೀಡ ವ್ಯಾಪಾರಿಯ ಬೂಮಿಲ್ ಬಲ್ಯ ಮನುಷ್ಯಂಗಳಾಯಿತ್ಂಜತಲ್ಲಾ? ನೀನ್ ಮಾಡ್‍ನ ಮಾಟತ್ಂಜ ಎಲ್ಲಾ ಜಾತಿಯಳು ಮೋಸ ಆಯಿಪೋಚಿ.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.