ಪ್ರಕಟನೆ 13:10 - ಕೊಡವ ಬೈಬಲ್

¹⁰ ದಾರ್ ಜನಳ ಪುಡ್‌ಚಿತ್ ಅಡಿಯಾಳಾಯಿತ್ ಕೊಂಡ್ ಪೋಪ, ಅಯಿಂಗಳ ಸಹ ಅಡಿಯಾಳಾಯಿತ್ ಪುಡ್‍ಚಂಡ್ ಪೋಪ; ಬಾಳ್‌ಯಿಂಜ ಕೊಲ್ಲ್‌ವಂವೊ ಬಾಳ್‍ರಗುಂಡ್ ಚಾವಂಡು. ಇದ್‍ಲ್ ದೇವಡ ಮಕ್ಕಡ ಪೊರುಮೆ ಪಿಂಞ ನಂಬಿಕೆ ಗೊತ್ತಾಪ.

ಪ್ರಕಟನೆ 13:10 Iomraidhean Croise

ಮತ್ತಾಯ 26:52

ಅಕ್ಕ ಯೇಸು ಅಂವೊಂಗ್: ನೀಡ ಕತ್ತಿನ ಅದ್ಂಡ ಕೊತ್ತೆಲ್ ಇಡ್. ಎನ್ನಂಗೆಣ್ಣ್‌ಚೇಂಗಿ ಕತ್ತಿನ ಎಡ್‍ಪಯಿಂಗ ಕತ್ತಿಯಿಂಜಲೇ ಚಾವಾಂದ್ ಎಣ್ಣ್‌ಚಿ.

ಮತ್ತಾಯ 7:2

ಎನ್ನಂಗೆಣ್ಣ್‌ಚೇಂಗಿ, ನಿಂಗ ಬೋರೆ ಜನತ್‍ನ ಎನ್ನನೆ ತೀರ್ಪ್ ಮಾಡ್‍ವಿರೋ ಅನ್ನನೆ ದೇವ ನಿಂಗಕು ತೀರ್ಪ್ ಮಾಡ್‌ವ. ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:19

ಆಚೇಂಗಿ, ನಿಂಗ ಸ್ತಿರವಾಯಿತ್ ನಿಪ್ಪಕ, ನಿಂಗಡ ಆತ್ಮತ್‌ನ ಕಾಪಾಡ್‍ವಿರ.

ಕೊಲೊಸ್ಸೆ 1:11

ನಿಂಗಕ್ ಬಪ್ಪ ಎಲ್ಲಾನ ಕುಶೀಲ್ ಸಹಿಸುವಕಾಯಿತ್ ನಿಂಗಕ್ ಬೋಂಡಿಯಾನ ಪೊರುಮೆ ಕ್‍ಟ್ಟ್‌ವಕಾಯಿತ್, ಅಂವೊಂಡ ಮಹಿಮೇರೆ ಶಕ್ತಿರನೆಕೆ, ಅಂವೊಂಡ ಎಲ್ಲಾ ಶಕ್ತಿಲ್ ನಿಂಗ ಬಲಪಡಂಡೂಂದು ಸಹ ನಂಗ ಪ್ರಾರ್ಥನೆ ಮಾಡಿಯಂಡುಂಡ್.

ಇಬ್ರಿಯ 6:12

ನಿಂಗ ಸೋಮಾರಿಯಾಯಿತ್ ಬದ್‍ಕತೆ, ದೇವ ವಾಗ್ದಾನ ಮಾಡ್‍ನ ಎಲ್ಲಾ ಆಶೀರ್ವಾದತ್‍ನ ನಂಬಿಕೆ ಪಿಂಞ ತಾಳ್ಮೆರ ಮೂಲಕ ಪಡೆಯುವಯಿಂಗಳ ನೋಟಿತ್ ನಡ್‍ಪಯಿಂಗಳಾಯಿತ್ ಇರಿ.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.

ಪ್ರಕಟನೆ 11:18

ನೀಡ ಜನ ಅಲ್ಲತಯಿಂಗಕ್ ಚೆಡಿ ಬಾತ್, ಅಕ್ಕ ನೀಕ್ ಬಲ್ಯ ಚೆಡಿ ಉಂಟಾಚಿ; ಚತ್ತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವಕು, ಪ್ರವಾದಿಯಳಾನ ನೀಡ ಸೇವಕಂಗಕು, ದೇವಡ ಮಕ್ಕಕು, ನೀಡ ಪೆದತ್‍ರ ಮೇಲೆ ಬಕ್ತಿಯಾಯಿತ್ ಇಂಜ ಬಲ್ಯಯಿಂಗಕು ಚೆರಿಯಯಿಂಗಕು ಫಲ ತಪ್ಪಕು, ಬೂಮಿಕ್ ಕ್‍ೕಡ್ ಮಾಡ್‍ನಯಿಂಗಳ ಪಾಳ್ ಮಾಡ್‌ವಕು, ಸಮಯ ಬಾತ್‍ೕಂದ್ ಎಣ್ಣಿತ್ ದೇವನ ತುದಿಚತ್.

ಪ್ರಕಟನೆ 14:12

ದೇವಡ ಆಜ್ಞೆನ ಪಿಂಞ ಯೇಸುರ ಮೇಲೆ ಉಳ್ಳ ನಂಬಿಕೇನ ಕಾತಂಡ್ ಉಳ್ಳ ದೇವಡ ಮಕ್ಕಡ ಪೊರುಮೆ ಇದ್‍ಲ್ ಗೊತ್ತಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 16:6

ಅಯಿಂಗ ದೇವಡ ಮಕ್ಕಡ ಚೋರೆನ, ಪ್ರವಾದಿಯಡ ಚೋರೆನ ಚೆಲ್ಲ್‌ನಗುಂಡ್, ನೀನ್ ಅಯಿಂಗಕ್ ಕುಡಿಪಕಾಯಿತ್ ಚೋರೆನ ಕೊಡ್‍ತಿಯ; ಅದ್ಂಗ್ ಅಯಿಂಗ ಯೋಗ್ಯವಾಯಿತುಂಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 17:11

ಮಿಂಞ ಇಂಜದು, ಇಲ್ಲತ ಪೋನದುವಾಯಿತುಳ್ಳ ಆ ಮೃಗವೇ ಎಟ್ಟಣೆಂವೊನಾಯಿತುಂಡ್. ಅಂವೊ ಏಳ್ ರಾಜಂಗಡಲ್ಲಿಂಜ ಬಪ್ಪಂವೊನು, ನಾಶವಾಯಿ ಪೋಪಂವೊನು ಆಯಿತುಂಡ್.

ಪ್ರಕಟನೆ 17:8

ನೀನ್ ಕಂಡ ಮೃಗ ಮಿಂಞ ಇಂಜತ್, ಇಕ್ಕ ಇಲ್ಲೆ, ಅದ್ ಪಾತಾಳತ್ಂಜ ಕೊಡಿಕ್ ಪತ್ತಿತ್ ಬಂದಿತ್ ನಾಶ ಆಪ. ಲೋಕ ಸೃಷ್ಟಿ ಆನ ಕಾಲತ್ಂಜ ಜೀವ ಪುಸ್ತಕತ್‍ಲ್ ಪೆದ ಒಳ್‍ದತೆ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳ ಜನ, ಮಿಂಞ ಇಂಜದು, ಇಕ್ಕ ಇಲ್ಲತೆ ಪೋನದು, ಇಂಞು ಮಿಂಞಕ್ ಇಪ್ಪ ಮೃಗತ್‍ನ ನೋಟಿತ್ ಆಶ್ಚರ್ಯಪಡುವ.

ಪ್ರಕಟನೆ 2:19

ನೀಡ ಕ್ರಿಯೇನ, ನೀಡ ಪ್ರೀತಿನ, ನೀಡ ಸೇವೇನ, ನೀಡ ನಂಬಿಕೇನ, ನೀಡ ಪೊರುಮೆನ, ನೀನ್ ಮಿಂಞ ಮಾಡಿಯಂಡಿಂಜ ಕ್ರಿಯೇಕಿಂಜ ಇಕ್ಕ ಮಾಡ್‍ನ ಕ್ರಿಯೆ ದುಂಬ ಉಂಡ್‍ೕಂದ್ ನಾಕ್ ಗೊತ್ತುಂಡ್.

ಪ್ರಕಟನೆ 2:2

ನೀಡ ಕ್ರಿಯೇನ, ನೀಡ ಪ್ರಯತ್ನತ್‍ನ, ನೀಡ ಪೊರುಮೆನ, ಕೊಳ್ಳತಯಿಂಗಳ ನೀನ್ ಸಹಿಸಿಯಂಡ್ ಇಪ್ಪಕ್ ಕಯ್ಯತ ಇಪ್ಪದ್‍ನ, ಪಿಂಞ ಅಪೊಸ್ತಲ ಅಲ್ಲತಯಿಂಗ ನಂಗ ಅಪೊಸ್ತಲಂಗಾಂದ್ ಎಣ್ಣುವದ್‍ನ ಪರೀಕ್ಷೆ ಮಾಡಿತ್ ಅಯಿಂಗ ಪೊಟ್ಟ್ ಪರ್ಂದಂಡ್ ಉಂಡ್‍ೕಂದ್ ನೀನ್ ಗೊತ್ತ್ ಮಾಡ್‍ನದೆಲ್ಲಾ ನಾಕ್ ಗೊತ್ತುಂಡ್.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.