ಪ್ರಕಟನೆ 12:3 - ಕೊಡವ ಬೈಬಲ್

³ ಅಕ್ಕ, ಬಾನತ್‍ಲ್ ಇಂಞೊರ್ ಗುರ್‍ತ್‍ನ ಕಾಂಬಕಾಚಿ; ಅದ್ ಚೋಂದಿತ್ ಇಂಜ ಬಲ್ಯ ಘಟಸರ್ಪವಾಯಿತ್ಂಜತ್. ಅದ್ಂಗ್ ಏಳ್ ಮಂಡೆ, ಪತ್ತ್ ಕೊಂಬ್ ಪಿಂಞ ಅದ್ಂಡ ಮಂಡೆರ ಮೇಲೆ ಏಳ್ ಕಿರೀಟ ಇಂಜತ್.

ಪ್ರಕಟನೆ 12:3 Iomraidhean Croise

ಪ್ರಕಟನೆ 12:1

ಬಾನತ್‍ಲ್ ಒರ್ ಬಲ್ಯ ಗುರ್‍ತ್‍ನ ಕಾಂಬಕಾಚಿ; ಅದ್ ಎಂತ ಎಣ್ಣ್‌ಚೇಂಗಿ ಒರ್ ಪೊಣ್ಣಾಳ್ ಸೂರ್ಯನ ಬಟ್ಟೇಯಾಯಿತ್ ಇಟ್ಟಂಡ್ ಇಂಜತ್. ಅವಡ ಕಾಲ್‍ರ ಅಡಿಲ್ ಚಂದ್ರ ಇಂಜತ್, ಪನ್ನೆರಂಡ್ ನಕ್ಷತ್ರ ಉಳ್ಳ ಒರ್ ಕಿರೀಟತ್‍ನ ಅವಡ ಮಂಡೆಕ್ ಇಟ್ಟಿತ್ಂಜತ್.

ಪ್ರಕಟನೆ 12:13

ಘಟಸರ್ಪ ಬೂಮಿಕ್ ಬುದ್ದತ್‍ೕಂದ್ ಗೊತ್ತಾನಗುಂಡ್, ಆ ಕ್‍ಣ್ಣ ಕುಂಞಿನ ಪೆತ್ತ ಪೊಣ್ಣಾಳ್‍ನ ಹಿಂಸೆಪಡ್‍ತ್‌ವಕ್ ಸುರು ಮಾಡ್‍ಚಿ.

ಪ್ರಕಟನೆ 12:17

ಅಕ್ಕ, ಆ ಘಟಸರ್ಪಕ್ ಆ ಪೊಣ್ಣಾಳ್‍ರ ಮೇಲೆ ಬಾರಿ ಚೆಡಿ ಬಂದಿತ್, ದೇವಡ ಆಜ್ಞೆಕ್ ತಗ್ಗಿತ್ ನಡ್‍ಪಯಿಂಗಳು, ಯೇಸು ಕ್ರಿಸ್ತಂಡ ಸಾಕ್ಷಿ ಉಳ್ಳಯಿಂಗಳು ಆನ ಅವಡ ಸಂತಾನಕಾರಂಗಳಾನ ಬೋರೆಯಿಂಗಡ ಕೂಡೆ ಯುದ್ದ ಮಾಡ್‌ವಕ್ ಪೋಚಿ.

ಪ್ರಕಟನೆ 12:4

ಆಂಡ ಬಾಲ್ ಬಾನತ್‍ಲ್ ಉಳ್ಳ ನಕ್ಷತ್ರತ್‌ಲ್ ಮೂಂದ್‍ಲ್ ಒರ್ ಬಾಗತ್‍ನ ಬಲ್‍ಚಿತ್ ಬೂಮಿಕ್ ಇಟ್ಟತ್; ಪೆರುವಕ್ ಉಳ್ಳ ಆ ಪೊಣ್ಣಾಳ್, ಪೆರುವ ಆ ಗಳಿಗೆಲೇ ಆ ಕುಂಞಿನ ಮುಗ್ಗ್‌ವಕ್ ಈ ಘಟಸರ್ಪ ಪೊಣ್ಣಾಳ್‍ರ ಮಿಂಞತ್ ನಿಂದಂಡಿಂಜತ್.

ಪ್ರಕಟನೆ 12:7

ಬಾನತ್‍ಲ್ ಯುದ್ದ ಉಂಟಾಚಿ. ಮಿಕಾಯೇಲ ಎಣ್ಣುವ ದೇವಡ ಸೇನೆರ ಅದಿಪತಿಯು ಅಂವೊಂಡ ದೂತಂಗಳು ಘಟಸರ್ಪತ್‍ರ ಕೂಡೆ ಯುದ್ದ ಮಾಡ್‍ಚಿ. ಫಟಸರ್ಪ ಪಿಂಞ ಅಂವೊಂಡ ಕೂಡೆ ಉಳ್ಳ ದೂತಂಗ ಯುದ್ದ ಮಾಡ್‍ಚೇಂಗಿಯು, ಗೆಲ್ಲುವಕ್ ಕಯಿಂಜಿತ್ತ್‌ಲ್ಲೆ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 13:1

ಪಿಂಞ ಸಮುದ್ರತ್‍ಂಜ ಒರ್ ಮೃಗ ಪೊರಮೆ ಪತ್ತಿತ್ ಬಪ್ಪದ್‍ನ ನೋಟಿಯೆ; ಆ ಮೃಗಕ್ ಏಳ್ ಮಂಡೆ, ಪತ್ತ್ ಕೊಂಬ್ ಇಂಜತ್. ಆ ಪತ್ತ್ ಕೊಂಬ್‍ರ ಮೇಲೆ ಪತ್ತ್ ಕಿರೀಟ ಇಂಜತ್. ಓರೋರ್ ಮಂಡೆರ ಮೇಲೆಯು ದೂಷಣೆ ಎಣ್ಣುವ ಪೆದ ಇಂಜತ್.

ಪ್ರಕಟನೆ 13:2

ನಾನ್ ಕಂಡ ಮೃಗ ಚಿರತೆರನೆಕೆ ಇಂಜತ್; ಅದ್ಂಡ ಕಾಲ್ ಕರಡಿರ ಕಾಲ್‍ರನೆಕೆ ಇಂಜತ್, ಅದ್ಂಡ ಬಾಯಿ ಸಿಂಹತ್‍ರ ಬಾಯಿರನೆಕೆ ಇಂಜತ್; ಅದ್ಂಗ್ ಘಟಸರ್ಪ ತಾಂಡ ಶಕ್ತಿನ, ಸಿಂಹಾಸನತ್‍ನ ಪಿಂಞ ಮಾಹಾ ಅದಿಕಾರತ್‍ನ ಕೊಡ್‍ತತ್.

ಪ್ರಕಟನೆ 13:4

ಆ ಮೃಗಕ್ ಇನ್ನತಾನ ಅದಿಕಾರತ್‍ನ ಕೊಡ್‍ತ ಘಟಸರ್ಪತ್‍ನ ಆರಾದನೆ ಮಾಡ್‍ಚಿ. ಅದಲ್ಲತೆ: ಆ ಮೃಗಕ್ ತಕ್ಕ ಸಮವಾಯಿತ್ ದಾರ್ ಉಂಡ್? ಅದ್ಂಡಕೂಡೆ ಯುದ್ದ ಮಾಡ್‌ವಕ್ ದಾರ್‌ಕ್ ಆಪಾಂದ್ ಎಣ್ಣಿಯಂಡ್ ಮೃಗತ್‍ನ ಸಹ ಆರಾದನೆ ಮಾಡ್‍ಚಿ.

ಪ್ರಕಟನೆ 15:1

ಪಿಂಞ, ಪರಲೋಕತ್‍ಲ್ ಬಲ್ಯದಾಯಿತ್ ಆಶ್ಚರ್ಯವಾನ ಇಂಞೊರ್ ಗುರ್‌ತ್‌ನ ನಾನ್ ಕಂಡಿಯೆ. ಇದ್ ಆಕೀರ್ ಆಯಿತುಳ್ಳ ಏಳ್ ಬಾದೆನೆ ಬೆಚ್ಚಿತ್ಂಜ ಏಳ್ ದೂತಂಗಳಾಯಿತ್ಂಜತ್. ಇದ್‍ನಗುಂಡ್ ದೇವಡ ಚೆಡಿ ತ್‍ೕಂದ್ ಪೋಪ.

ಪ್ರಕಟನೆ 16:13

ಆ ಸಮಯತ್‍ಲ್, ಘಟಸರ್ಪತ್‍ರ ಬಾಯಿಂಜ, ಮೃಗತ್‍ರ ಬಾಯಿಂಜ, ಪಿಂಞ ಕಳ್ಳ ಪ್ರವಾದಿಯಡ ಬಾಯಿಂಜ ಕಪ್ಪೇರನೆಕೆ ಉಳ್ಳ ಮೂಂದ್ ಕೂಳಿಯ ಪೊರಟಿತ್ ಬಪ್ಪಾನ ಕಂಡಿಯೆ.

ಪ್ರಕಟನೆ 17:12

ನೀನ್ ಕಂಡ ಪತ್ತ್ ಕೊಂಬ್ ಪತ್ತ್ ರಾಜಂಗ, ಅಯಿಂಗಕ್ ಇಂಞು ರಾಜ್ಯ ಕ್‍ಟ್ಟಿತ್‌ಲ್ಲೆ. ಈಂಗ ಮೃಗತ್‍ರ ಕೂಡೆ ಒರ್ ಗಂಟೆಕ್ ರಾಜಂಗಡನೆಕೆ ಅದಿಕಾರ ಪಡೆಯುವ.

ಪ್ರಕಟನೆ 17:16

ಆ ಮೃಗತ್‍ರ ಮೇಲೆ ನೀನ್ ನೋಟ್‌ನ ಪತ್ತ್ ಕೊಂಬ್‍ರಯಿಂಗ ಆ ವೇಶಿನ ವಿರೋದ ಮಾಡಿತ್, ಪಾಳ್ ಮಾಡಿತ್, ಅವಳ ಬೆತ್ತಲೆ ಮಾಡಿತ್, ಅವಡ ಯರ್ಚಿನ ತಿಂದಿತ್, ಅವಳ ತಿತ್ತ್‌ಲ್ ಚುಟ್ಟ್‌ರ್‍ವ.

ಪ್ರಕಟನೆ 17:7

ಅಕ್ಕ ದೇವದೂತ: ನೀನ್ ಎನ್ನಂಗ್ ಆಶ್ಚರ್ಯ ಪಡ್‌ವಿಯಾ? ಈ ಪೊಣ್ಣಾಳ್‍ರ ಮರ್ಮತ್‍ನ, ಅವಡ ವಾಹನವಾಯಿತುಳ್ಳ ಏಳ್ ಮಂಡೆ, ಪತ್ತ್ ಕೊಂಬ್ ಉಳ್ಳ ಮೃಗತ್‍ರ ಮರ್ಮತ್‍ನ ನಾನ್ ನೀಕ್ ಎಣ್ಣಿ ತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 19:12

ಅಂವೊಂಡ ಕಣ್ಣ್ ಚುಟ್ಟ್ ಪೋಪ ತಿತ್ತ್‌ರ ಜ್ವಾಲತ್‌ರನೆಕೆ ಇಂಜತ್, ಅಂವೊಂಡ ಮಂಡೆರ ಮೇಲೆ ದುಂಬ ಕಿರೀಟ ಇಂಜತ್; ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ಗೊತ್ತಿಲ್ಲತ ಒರ್ ಪೆದ ಅಂವೊಂಡ ಮೇಲೆ ಒಳ್‍ದಿತ್ಂಜತ್.

ಪ್ರಕಟನೆ 20:2

ಪಿಶಾಚೀಂದ್ ಕಾಕುವ ಸೈತಾನನಾಯಿತ್ಂಜ ಪಳೆಯ ಪಾಂಬಾಯಿತುಳ್ಳ ಘಟಸರ್ಪತ್‍ನ ಪುಡ್‌ಚಿತ್, ಆಯಿರ ಕಾಲಕ್ ಅದ್‍ನ ಕೆಟ್ಟಿ ಬೆಚ್ಚತ್.