ಪ್ರಕಟನೆ 12:12 - ಕೊಡವ ಬೈಬಲ್

¹² ಆನಗುಂಡ್, ಪರಲೋಕವೇ, ಅದ್‍ಲ್ ವಾಸ ಮಾಡಿಯಂಡ್ ಉಳ್ಳಯಿಂಗಳೇ, ಕುಶಿ ಪಡಿರಿ. ಬೂಮಿಲ್ ಸಮುದ್ರತ್‍ಲ್ ವಾಸಮಾಡಿಯಂಡುಳ್ಳಯಿಂಗಳೇ, ನಿಂಗಕ್ ಅಯ್ಯೋ! ಸೈತಾನ ತಾಂಗ್ ಚೆನ್ನ ಸಮಯ ಮಾತ್ರ ಉಂಡ್‍ೕಂದ್ ಗೊತ್ತಾನಗುಂಡ್, ದುಂಬ ಚೆಡಿಲ್, ನಿಂಗಡ ಪಕ್ಕ ಇಳಿಂಜಗುಂಡ್, ನಿಂಗಕ್ ಬಲ್ಯ ಕಷ್ಟ ಆಪಾಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 12:12 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14

ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.

ಇಬ್ರಿಯ 10:37

ಇಂಞು ಚೆನ್ನ ಸಮಯತ್‍ಲ್ ಬಪ್ಪಾಂದ್ ಎಣ್ಣ್‌ನಂವೊ ಬಪ್ಪ, ತಡೆ ಮಾಡುಲೆ.

2 ಪೇತ್ರ 3:8

ಆಚೇಂಗಿ ನಾಡ ಪ್ರೀತಿರ ಜನಳೇ, ಒಡೆಯಂಗ್ ಒರ್ ದಿವಸ ಆಯಿರ ಕಾಲತ್‍ರನೆಕೆಯು, ಆಯಿರ ಕಾಲ ಒರ್ ದಿವಸತ್‍ರನೆಕೆಯು ಉಂಡ್‍ೕಂದ್ ಉಳ್ಳ ವಿಷಯತ್‍ನ ನಿಂಗ ಮರ್ಂದ್ ಪೋಪಕ್ಕಾಗ.

ಪ್ರಕಟನೆ 10:6

ಬಾನತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ, ಬೂಮಿನ ಪಿಂಞ ಅದ್‍ಲ್ ಉಳ್ಳದ್‍ನ, ಸಮುದ್ರತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ ಸೃಷ್ಟಿ ಮಾಡಿತ್, ಎಕ್ಕಾಲು ಬದ್‍ಕಿಯಂಡ್ ಇಪ್ಪಂವೊಂಡ ಮೇಲೆ ಆಣೆ ಇಟ್ಟಿತ್ ಇನ್ನನೆ ಎಣ್ಣ್‌ಚಿ.

ಪ್ರಕಟನೆ 11:10

ಈ ದಂಡ್ ಪ್ರವಾದಿಯಳು ಬೂಮಿರ ಜನತ್‍ನ ಹಿಂಸೆ ಮಾಡ್‍ನಗುಂಡ್, ಅಯಿಂಗಕಾಯಿತ್ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳಯಿಂಗ ದುಂಬ ಕುಶಿಪಟ್ಟಿತ್ ಕೊಂಡಾಡಿತ್ ಒಬ್ಬೊಂಗೊಬ್ಬ ಇನಾಮ್‍ನ ಅಯಿಪ.

ಪ್ರಕಟನೆ 11:14

ದಂಡನೆ ಅಪಾಯ ಕಯಿಂಜತ್, ಇದಾ ಮೂಂದನೆ ಕಷ್ಟ ಬೆರಿಯ ಬಂದಂಡುಂಡ್.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 13:6

ಅದ್ ದೂಷಣೆ ಮಾಡ್‌ವಕಾಯಿತ್ ಬಾಯಿ ತೊರ್‌ಪಂಜಿ ದೇವಡ ಪೆದತ್‍ನ, ಅಂವೊ ವಾಸ ಮಾಡ್‌ವ ಜಾಗತ್‍ನ, ಪರಲೋಕತ್‍ಲ್ ಉಳ್ಳಯಿಂಗಳ ಎಲ್ಲಾ ದೂಷಣೆ ಮಾಡ್‍ಚಿ.

ಪ್ರಕಟನೆ 18:20

ಓ ಪರಲೋಕವೇ, ಪವಿತ್ರವಾನ ಅಪೊಸ್ತಲಂಗಳೇ, ಪ್ರವಾದಿಯಳೇ, ಇವ ನಿಂಗಕ್ ಮಾಡ್‍ನಂಗಾಯಿತ್ ದೇವ ನ್ಯಾಯತೀರ್ಪ್ ಮಾಡ್‍ನಗುಂಡ್, ಇವಕಾಯಿತ್ ನಿಂಗ ಕುಶಿ ಪಡಿರಿ.

ಪ್ರಕಟನೆ 8:13

ಪಿಂಞ ಒರ್ ಗರುಡ ಗಾಳಿಲ್ ಪಾರಿಯಂಡ್ ಬಂದಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಂಡ್: ಇಂಞು ಮಿಂಞಕ್ ವಾಲಗ ಕೊಂಬ್‍ನ ಊದ್‍ವ ಮೂಂದ್ ದೂತಂಗ ವಾಲಗ ಊದ್‍ವಕಾಪಕ, ಬೂಮಿಲ್ ವಾಸ ಮಾಡಿಯಂಡುಳ್ಳ ಮನುಷ್ಯಂಗಕ್, ಅಯ್ಯೋ! ಅಯ್ಯೋ! ಅಯ್ಯೋಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 9:12

ಆದ್ಯ ಬಲ್ಯ ಅಪಾಯ ಕಯಿಂಜಿ ಪೋಚಿ; ನೋಟಿ, ಇದಾನ ಪಿಂಞ ಇಂಞು ದಂಡ್ ಬಲ್ಯ ಅಪಾಯ ಬಪ್ಪಕುಂಡ್.