ಪ್ರಕಟನೆ 11:3 - ಕೊಡವ ಬೈಬಲ್

³ ನಾನ್ ನಾಡ ದಂಡ್ ಸಾಕ್ಷಿಕಾರಂಗಕ್ ಅದಿಕಾರ ಕೊಡ್‍ಪಿ. ಅಯಿಂಗ ಗೋಣಿಚೀಲತ್‍ನ ಪೊತ್ತಂಡ್ 1,260 ದಿನಕತ್ತನೆ ಪ್ರವಾದನೆ ಎಣ್ಣುವ.

ಪ್ರಕಟನೆ 11:3 Iomraidhean Croise

ಆದ್ಯತ್‌ರ ಪುಸ್ತಕ 37:34

ಅಲ್ಲಿಂಜ ಯಾಕೋಬ ತಾಂಡ ಬಟ್ಟೆನೆಲ್ಲ ಕೀತಿಯಂಡ್, ಅಂವೊಂಡ ನಡುಕ್‌ ಗೋಣಿಚೀಲತ್‌ನ ಸುತ್ತಿಯಂಡ್, ದುಂಬ ದಿವಸ ತಾಂಡ ಮೋಂವೊಂಗಾಯಿತ್‌ ದುಃಖಪಟ್ಟಂಡಿಂಜತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:5

ಇದನ ಕ್‍ೕಟ ನಿನೆವೆ ಜನ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಒಂದೂ ತಿಂಗತೆ ಪಟ್ಟಣಿ ನಿಕ್ಕಂಡೂಂದ್‌ ಎಣ್ಣ್‌ಚಿ. ಪೆರಿಯಯಿಂಗಯಿಂಜ ಸುರು ಮಾಡಿತ್‌ ಚೆರಿಯಯಿಂಗತ್ತನೆ ಎಲ್ಲಾರು ಗೋಣಿಚೀಲತ್‌ರ ಬಟ್ಟೇನ ಕೆಟ್ಟಿಯಂಡತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:8

ಅದಲ್ಲತೆ ಜನಳು ಪ್ರಾಣಿಯಳು ಗೋಣಿಚೀಲ ಬಟ್ಟೆನ ಕೆಟ್ಟಂಡು, ಎಲ್ಲರು ದೇವಕ್‌ ಜೋರಾಯಿತ್‌ ಮೊರೆಯಿಡಂಡು. ಒಬ್ಬೊಬ್ಬನು ತಾಂಡ ಪಾಳ್‌ ಬಟ್ಟೆನ ಪಿಂಞ ಹಿಂಸೆ ಮಾಡ್‌ವದ್‌ನ ಬುಡಂಡು.

ಮತ್ತಾಯ 11:21

ಅಂವೊ ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ: ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ಗೋಣಿಚೀಲತ್‍ರ ಬಟ್ಟೆ ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್.

ಮತ್ತಾಯ 18:16

ಅಂವೊ ನೀಕ್ ಒತ್ತತೆ ಪೋನಕ, ಬೋರೆ ದಂಡ್ ಮೂಂದಾಳ್‍ನ ಕಾಕಿಯಂಡ್ ಪೋ. ಅಕ್ಕ ಅಂವೊ ಮಾಡ್‍ನ ವಿಷಯತ್‍ನ ದಂಡ್ ಅಲ್ಲ ಮೂಂದ್ ಸಾಕ್ಷಿರಗುಂಡ್ ನಿರೂಬಿಚಿಡ್‌ವಕ್ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:13

ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ದುಃಖತ್‍ನ ಕಾಟ್‍ವಕ್ ಗೋಣಿಚೀಲತ್‍ರ ಬಟ್ಟೆ ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:48

ನಿಂಗಳೇ ಇದಂಗೆಲ್ಲ ಸಾಕ್ಷಿ.

ಯೋಹಾನ 15:27

ನಿಂಗಳು ಸಹ ನಾಡ ಕೂಡೆ ಸುರುಯಿಂಜಲೇ ಇಂಜಯಿಂಗ. ಆನಗುಂಡ್ ನಿಂಗಳು ನಾಕ್ ಸಾಕ್ಷಿ ಆಯಿತಿಪ್ಪಿರ.

ಯೋಹಾನ 3:27

ಅದ್ಂಗ್ ಯೋಹಾನ: ದೇವ, ಒಬ್ಬಂಗ್ ಪರಲೋಕತ್ಂಜ ಏದ್‍ನ ಅನುಗ್ರಹ ಮಾಡಿತುಂಡೋ ಅದ್‍ನ ಮಾತ್ರ ಪಡೆಯುವಕ್ ಕಯ್ಯು.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 13:31

ಪಿಂಞ ಅಂವೊ, ಗಲಿಲಾಯಿತ್‌ಂಜ ಯೆರೂಸಲೇಮ್‌ಕ್ ಅಂವೊಂಡ ಕೂಡೆ ಬಂದಯಿಂಗಕ್ ದುಂಬ ದಿವಸ ಅಂವೊ ಜೀವವಾಯಿತ್ ಉಳ್ಳದ್‍ನ ಕಾಂಬ್‌ಚಿಟ್ಟಂಡತ್; ಇಕ್ಕ ಅಯಿಂಗ, ನಂಗಡ ಜನಾಂಗಕ್ ಅಂವೊಂಡ ಸಾಕ್ಷಿಯಳಾಯಿತ್ ಉಂಡ್.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

2 ಕೊರಿಂಥ 13:1

ಇಕ್ಕ ನಾನ್ ನಿಂಗಡ ಪಕ್ಕ ಬಪ್ಪದ್ ಮೂಂದನೆ ಕುರಿ; ಏದ್ ವಿಷಯವಾಚೇಂಗಿಯು ದಂಡ್ ಅಲ್ಲ ಮೂಂದ್ ಸಾಕ್ಷಿರಗುಂಡ್ ಸ್ತಾಪನೆ ಆಪ.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 11:2

ದೇವಾಲಯತ್‍ರ ಪೊರಮೆ ಬಾಗತ್‍ನ ಅಳ್‌ತೆ ಮಾಡತೆ, ಅದ್‍ನ ಯೆಹೂದ್ಯ ಅಲ್ಲತಯಿಂಗಕ್ ಕೊಡ್‌ತಿಯೆ; ಅಯಿಂಗ ಪವಿತ್ರವಾಯಿತುಳ್ಳ ಪಟ್ಟಣತ್‍ನ ನಾಪತ ದಂಡ್ ತಿಂಗ ಚೌಟ್‍ವ.

ಪ್ರಕಟನೆ 11:6

ಈಂಗ ಪ್ರವಾದನೆ ಎಣ್ಣಿಯಂಡುಳ್ಳ ಕಾಲತ್‍ಲ್, ಬಾನತ್‍ನ ಮುಚ್ಚಿತ್ ಮಳೆ ಬಕ್ಕತನೆಕೆ ಮಾಡ್‌ವಕ್ ಈಂಗಕ್ ಅದಿಕಾರ ಉಂಡ್; ಅದಲ್ಲತೆ ಅಯಿಂಗಕ್ ನೀರ್‌ನ ಚೋರೆಯಾಯಿತ್ ಮಾಡ್‌ವಂತ ಶಕ್ತಿಯು, ಅಯಿಂಗಕ್ ಎಕ್ಕೆಕ್ಕ ಬೋಂಡ್‌ವೋ, ಅಕ್ಕ ಎಲ್ಲಾ ಬೂಮಿಕ್ ನಾನಾತರ ಬಾದೆ ಕೊಡ್‌ತಿತ್ ಅಲ್ಲಿ ಉಳ್ಳಯಿಂಗಳ ಹಿಂಸೆ ಮಾಡ್‌ವಕ್ ಅದಿಕಾರ ಉಂಡ್.

ಪ್ರಕಟನೆ 12:6

ಆ ಪೊಣ್ಣಾಳ್ ಮಣಬೂಮಿಕ್ ಓಡಿ ಪೋಚಿ; ಅಲ್ಲಿ ಅವಕ್ 1,260 ದಿವಸಕತ್ತನೆ ಚಾಯಿತೆ ಬದ್‌ಕುವನೆಕೆ ದೇವ ಆ ಜಾಗತ್‍ನ ತಯಾರ್ ಮಾಡಿತ್ ಬೆಚ್ಚಿತ್ಂಜತ್.

ಪ್ರಕಟನೆ 13:5

ಆ ಮೃಗಕ್ ಬಡಾಯಿ ತಕ್ಕ್ ಪರಿಯುವ ಪಿಂಞ ದೂಷಣೆ ಎಣ್ಣುವ ಬಾಯಿನ ಕೊಡ್‌ತಿತ್ಂಜತ್; ಅದಲ್ಲತೆ, ನಾಪತ ದಂಡ್ ತಿಂಗಕತ್ತನೆ ಬೋಂಡಿಯನೆಕೆ ಮಾಡ್‌ವಕ್ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 20:4

ಪಿಂಞ, ನಾನ್ ದುಂಬ ಸಿಂಹಾಸನತ್‍ನ ಕಂಡಿಯೆ. ಅದ್ಂಡಮೇಲೆ ಅಳ್‍ಪಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪ ಅದಿಕಾರತ್‍ನ ಕೊಡ್‌ತಿತ್ಂಜತ್; ಯೇಸುರ ವಿಷಯತ್ ಉಳ್ಳ ಸಾಕ್ಷಿಕಾಯಿತ್, ದೇವಡ ವಾಕ್ಯಕಾಯಿತ್ ಮಂಡೆನ ಕೆತ್ತ್‌ಚಿಡ್‌ವಕ್‌ ಕೊಡ್‌ತಯಿಂಗಡ ಆತ್ಮತ್‌ನ, ಮೃಗತ್‍ನ ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡತೆ, ತಂಗಡ ನೆತ್ತಿಲ್ ಪಿಂಞ ಕೈಯಿಲ್ ಅದ್ಂಡ ಮುದ್ರೆನ ಇಡತಯಿಂಗಳ ನಾನ್ ಕಂಡಿಯೆ. ಅಯಿಂಗ ಜೀವವಾಯಿತ್ ಬಂದಿತ್, ಕ್ರಿಸ್ತಂಡ ಕೂಡೆ ಆಯಿರ ಕಾಲ ರಾಜ್ಯಬಾರ ಮಾಡ್‍ಚಿ.