ಪ್ರಕಟನೆ 10:1 - ಕೊಡವ ಬೈಬಲ್

¹ ಪಿಂಞ, ಇಂಞೊರ್ ಶಕ್ತಿವಂತ ದೇವದೂತ ಬಾನತ್ಂಜ ಇಳ್ಂಜಿ ಬಪ್ಪಾನ ನಾನ್ ಕಂಡಿಯೆ; ಮೋಡ ಅಂವೊನ ಮುಚ್ಚಿತ್ಂಜತ್. ಅಂವೊಂಡ ಮಂಡೆರ ಮೇಲೆ ಮಳೆಬಿಲ್ಲ್ ಇಂಜತ್. ಅಂವೊಂಡ ಮೂಡ್ ಸೂರ್ಯಂಡನೆಕೆ ಇಂಜತ್, ಅಂವೊಂಡ ಕಾಲ್ ತಿತ್ತ್‌ರ ಕಂಬತ್‍ರನೆಕೆ ಇಂಜತ್.

ಪ್ರಕಟನೆ 10:1 Iomraidhean Croise

ಮತ್ತಾಯ 17:2

ಅಲ್ಲಿ ಅಯಿಂಗಡ ಮಿಂಞತ್‍ಲೇ, ಯೇಸುರ ರೂಪ ಬದ್‍ಲಾಚಿ; ಅಂವೊಂಡ ಮೂಡ್ ಸೂರ್ಯಂಡನೆಕೆ ಬೊಳಿಯುವಕ್ ಸುರ್ ಆಚಿ; ಅಂವೊಂಡ ಬಟ್ಟೆ ಬಲ್ಯ ಬೊಳಿರನೆಕೆ ಬೊಳ್‍ಂದಂಡಿಂಜತ್

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:27

ಅಕ್ಕ ಮನುಷ್ಯಕುಮಾರ ಮೋಡತ್‍ರ ಮದ್ಯತ್‍ಲ್ ಬಲ್ಯ ಶಕ್ತಿಕೂಡಿಯಂಡ್ ಮಹಿಮೆಲ್ ಬಪ್ಪದ್‍ನ ಅಯಿಂಗೆಲ್ಲಾ ಕಾಂಬ.

ಅಪೊಸ್ತಲ 26:13

ಓ ರಾಜನೇ, ಮಜ್ಜಣ ನೇರತ್‍ಲ್ ನಾನ್ ಪೋಯಂಡಿಂಜ ಬಟ್ಟೇಲ್, ಪರಲೋಕತ್ಂಜ ಸೂರ್ಯಂಡ ಬೊಳಿಕಿಂಜ ಬಲ್ಯದಾಯಿತ್ ಉಳ್ಳ ಒರ್ ಬೊಳಿ ನಾಡ ಸುತ್ತ್‌ಲ್ ಪಿಂಞ ನಾಡ ಕೂಡೆ ಪ್ರಯಾಣ ಮಾಡ್‍ನಯಿಂಗಡ ಸುತ್ತ್‌ಲ್ ಮಿನ್ನುವದ್‍ನ ನಾನ್ ಕಂಡಿಯೆ.

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.

ಪ್ರಕಟನೆ 18:1

ಇದಾನ ಪಿಂಞ, ಇಂಞೊರ್ ದೇವದೂತ ದುಂಬ ಬಲ್ಯ ಅದಿಕಾರ ಉಳ್ಳಂವೊನಾಯಿತ್ ಪರಲೋಕತ್ಂಜ ಇಳ್ಂಜಿತ್ ಬಪ್ಪದ್‍ನ ಕಂಡಿಯೆ; ಅಂವೊಂಡ ಮಹಿಮೇರಗುಂಡ್ ಬೂಲೋಕ ಪ್ರಕಾಶತ್‍ಲ್ ಮಿನ್ನ್‌ಚಿ.

ಪ್ರಕಟನೆ 18:21

ಅಕ್ಕ, ಶಕ್ತಿವಂತ ದೂತ ಒಬ್ಬ ಒರ್ ಬಲ್ಯ ಬೀಜುವ ಕಲ್ಲ್‌ರನೆಕೆ ಉಳ್ಳ ಒರ್ ಕಲ್ಲ್‌ನ ಎಡ್‍ತಿತ್ ಸಮುದ್ರತ್‍ಲ್ ಚಾಡ್‍ಚಿ: ಇನ್ನನೆ ಬಾಬೇಲ್ ಎಣ್ಣುವ ಮಹಾ ಪಟ್ಟಣ ಬೆರಿಯ ಅಡಿಕ್ ಪೋಯಿರುವ, ಇಂಞು ಮಿಂಞಕ್ ದಾರೂ ಕಾಂಗತನೆಕೆ ಆಪಾಂದ್ ಎಣ್ಣ್‌ಚಿ.

ಪ್ರಕಟನೆ 20:1

ದೇವದೂತ ಒಬ್ಬ ಪರಲೋಕತ್ಂಜ ಪಾತಾಳತ್‍ರ ಬೀತ್‌ಕೈನ ಪಿಂಞ ಬಲ್ಯ ಸರ್ಪಣಿನ ಕೈಯಿಲ್ ಪುಡ್‍ಚಂಡ್ ಬಾನತ್ಂಜ ಇಳ್ಂಜಿತ್ ಬಪ್ಪಾನ ಕಂಡಿಯೆ.

ಪ್ರಕಟನೆ 4:3

ಅಳ್‍ತಂಡಿಂಜಂವೊ, ಕಾಂಬಕ್ ವಜ್ರ ಪಿಂಞ ಪದ್ಮರಾಗ ಕಲ್ಲ್‌ರನೆಕೆ ಮಿನ್ನಿಯಂಡಿಂಜತ್. ಆ ಸಿಂಹಾಸನತ್‍ರ ಸುತ್ತ್‌ಲ್ ಮಳೆಬಿಲ್ಲ್ ಇಂಜತ್. ಅದ್ ಕಾಂಬಕ್ ಪಚ್ಚೆ ಕಲ್ಲ್‌ರನೆಕೆ ಇಂಜತ್.

ಪ್ರಕಟನೆ 5:2

ಪಿಂಞ, ಪುಸ್ತಕತ್‍ನ ತೊರ್‌ಪಕು ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯವಾನಂವೊ ದಾರ್‍ೕಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತಂಡಿಂಜ ಒರ್ ಶಕ್ತಿವಂತಂವೊನಾನ ದೇವದೂತನ ಸಹ ನಾನ್ ಕಂಡಿಯೆ.

ಪ್ರಕಟನೆ 8:13

ಪಿಂಞ ಒರ್ ಗರುಡ ಗಾಳಿಲ್ ಪಾರಿಯಂಡ್ ಬಂದಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಂಡ್: ಇಂಞು ಮಿಂಞಕ್ ವಾಲಗ ಕೊಂಬ್‍ನ ಊದ್‍ವ ಮೂಂದ್ ದೂತಂಗ ವಾಲಗ ಊದ್‍ವಕಾಪಕ, ಬೂಮಿಲ್ ವಾಸ ಮಾಡಿಯಂಡುಳ್ಳ ಮನುಷ್ಯಂಗಕ್, ಅಯ್ಯೋ! ಅಯ್ಯೋ! ಅಯ್ಯೋಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.