ಪ್ರಕಟನೆ 1:18 - ಕೊಡವ ಬೈಬಲ್

¹⁸ ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.

ಪ್ರಕಟನೆ 1:18 Iomraidhean Croise

ಮತ್ತಾಯ 11:23

ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ. ನೀಡ ಪಕ್ಕ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲ ಸೊದೋಮ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅದ್ ಇಕ್ಕಕತ್ತನೆ ಪಾಳಾಕತನೆಕೆ ಇಪ್ಪಕಿಂಜತ್.

ಮತ್ತಾಯ 16:19

ನಾನ್ ನೀಕ್ ಪರಲೋಕ ರಾಜ್ಯತ್‍ರ ಬೀತ್‌ಕೈನ ತಪ್ಪಿ; ನೀನ್ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿಯೋ ಅದ್ ಪರಲೋಕತ್‌ಲು ಕೆಟ್ಟಿತ್‌ಪ್ಪ, ನೀನ್ ಈ ಲೋಕತ್‍ಲ್ ಎಂತಾನ ಉತ್ತ್‌ವಿಯೋ ಅದ್ ಪರಲೋಕತ್‍ಲ್ ಸಹ ಉತ್ತಿತ್‌ಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:5

ಪೋಡಿಲ್ ಆ ಪೊಣ್ಣಾಳ್‍ವ ನೆಲಕ್ ಮಂಡೆ ಬಗ್ಗಿತ್ ನಿಂದಂಡಿಪ್ಪಕ, ಆ ದಂಡಾಳು ಅಯಿಂಗಳ ನೋಟಿತ್: ಜೀವವಾಯಿತ್ ಬದ್‍ಕಿಯಂಡುಳ್ಳಂವೊನ ಎನ್ನಂಗ್ ಚತ್ತಯಿಂಗಡ ಜಾಗತ್‍ಲ್ ತ್‍ೕ‌ಡಿಯೇಂಡುಳ್ಳಿರ?

ಯೋಹಾನ 11:25

ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ.

ಯೋಹಾನ 14:19

ಇಂಞು ಚೆನ್ನ ಸಮಯ ಆನ ಪಿಂಞ ಈ ಲೋಕತ್‍ರ ಜನ ನನ್ನ ಕಾಂಬುಲೆ. ಆಚೇಂಗಿ ನಿಂಗ ಕಾಂಬಿರ. ನಾನ್ ಬದ್‍ಕಿಯಂಡುಳ್ಳಗುಂಡ್, ನಿಂಗಳು ಬದ್‍ಕ್‍ವಿರ.

ರೋಮ್ 6:9

ಚತ್ತಯಿಂಗಡ ಮದ್ಯತ್ಂಜ ಎದ್ದಿತ್ ಬಂದ ಕ್ರಿಸ್ತ ಇಂಞು ಮಿಂಞಕ್ ಚಾವುಲೆ; ಚಾವ್ ಅಂವೊನ ಆಳುವಕ್ ಕಯ್ಯುಲೇಂದ್ ನಂಗಕ್ ಗೊತ್ತುಂಡ್.

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಕೊಲೊಸ್ಸೆ 3:3

ಎನ್ನಂಗೆಣ್ಣ್‌ಚೇಂಗಿ, ನಿಂಗ ಈ ಬದ್‍ಕ್‍ಕ್ ಚತ್ತ್ ಪೋಯಿತುಳ್ಳಿರ, ನಿಂಗಡ ನೇರಾನ ಜೀವ ಕ್ರಿಸ್ತಂಡ ಕೂಡೆ ದೇವಡಲ್ಲಿ ಒಳ್‌ಪ್‌ಚಿಟ್ಟಿತ್ ಉಂಡ್.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 7:16

ಯೇಸು ತಡೀರ ಮೂಲಕ ನ್ಯಾಯಪ್ರಮಾಣತ್‍ರಗುಂಡ್ ಯಾಜಕನಾಯಿತ್ ಆಯಿತ್‌ಲ್ಲೆ, ಆಚೇಂಗಿ, ನಾಶ ಆಕತ ಜೀವತ್‍ರ ಶಕ್ತಿರ ಪ್ರಕಾರ ಯಾಜಕನಾಚಿ.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

ಪ್ರಕಟನೆ 10:6

ಬಾನತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ, ಬೂಮಿನ ಪಿಂಞ ಅದ್‍ಲ್ ಉಳ್ಳದ್‍ನ, ಸಮುದ್ರತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ ಸೃಷ್ಟಿ ಮಾಡಿತ್, ಎಕ್ಕಾಲು ಬದ್‍ಕಿಯಂಡ್ ಇಪ್ಪಂವೊಂಡ ಮೇಲೆ ಆಣೆ ಇಟ್ಟಿತ್ ಇನ್ನನೆ ಎಣ್ಣ್‌ಚಿ.

ಪ್ರಕಟನೆ 15:7

ಅಕ್ಕ, ಅಲ್ಲಿಯಿಂಜ ನಾಲ್ ಜೀವಿಯಡ ಕೂಟ್‌ಲ್ ಒಬ್ಬ, ಎಕ್ಕಾಲು ಬದ್‍ಕಿಯಂಡಿಪ್ಪ ದೇವಡ ಬಲ್ಯ ಚೆಡಿರಗುಂಡ್ ದುಂಬಿತ್ಂಜ ಪೊನ್ನ್‌ರ ಏಳ್ ಪಾತ್ರತ್‍ನ ಆ ಏಳ್ ದೂತಂಗಕ್ ಕೊಡ್‍ತತ್.

ಪ್ರಕಟನೆ 2:8

ಸ್ಮುರ್ನ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಆದ್ಯವಾಯಿತ್ ಉಳ್ಳಂವೊನು, ಆಕೀರ್ ಆಯಿತ್ ಉಳ್ಳಂವೊನು, ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಿತ್ ಬದ್‍ಕಿಯಂಡ್ ಇಪ್ಪಂವೊನಾಯಿತುಳ್ಳಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 20:13

ಸಮುದ್ರ ತಾಂಡಲ್ಲಿ ಇಂಜ ಚತ್ತಯಿಂಗಳ ಒಪ್ಪ್‌ಚಿಟ್ಟತ್. ಚಾವೂ, ಪಾತಾಳವೂ ತಾಂಡಲ್ಲಿ ಇಂಜ ಚತ್ತಯಿಂಗಳ ಒಪ್ಪ್‌ಚಿಟ್ಟತ್. ಎಲ್ಲಾರ್‌ಕು ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.

ಪ್ರಕಟನೆ 20:14

ಅಕ್ಕ, ಚಾವ್ ಪಿಂಞ ಪಾತಾಳತ್‍ನ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್. ಇದ್ ದಂಡೆನೆ ಚಾವ್.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.

ಪ್ರಕಟನೆ 4:9

ಇಂಞು, ಸಿಂಹಾಸನತ್‍ಲ್ ಅಳ್‌ತಂಡ್, ಕಾಲಕಾಲಕು ಬದ್‍ಕ್‍ವಂವೊಂಗ್ ಆ ಜೀವ ಪ್ರಾಣಿಯ ಎಕ್ಕೆಲ್ಲಾ ಮಹಿಮೆನ, ಗನತ್‍ನ, ತುದಿನ ಅರ್ಪಿಚಿಟ್ಟತೋ,

ಪ್ರಕಟನೆ 5:14

ಅಕ್ಕ ನಾಲ್ ಜೀವ ಪ್ರಾಣಿಯಳು ಆಮೆನ್‍ಂದ್ ಎಣ್ಣ್‌ಚಿ. ಇರುವತ ನಾಲ್ ಪೆರಿಯಯಿಂಗಳು ಪುನಃ ಅಡ್ಡ ಬುದ್ದಿತ್ ಎಕ್ಕಾಲು ಜೀವವಾಯಿತ್ ಇಪ್ಪಂವೊನ ಆರಾದನೆ ಮಾಡ್‍ಚಿ.

ಪ್ರಕಟನೆ 6:8

ನಾನ್ ನೋಟ್‍ವಕ, ಇದಾ, ಒರ್ ಮಂಗ್‍ನ ಕುದ್‍ರೆನ ಕಂಡಿಯೆ. ಅದ್ಂಡಮೇಲೆ ಇಂಜಂವೊಂಗ್ ಚಾವ್‍ೕಂದ್ ಪೆದ, ಪಾತಾಳ ಅಂವೊಂಡ ಬಯ್ಯಕ್ ಪೋಚಿ. ಬಾಳ್‍ರಗುಂಡ್, ಬರಕಾಲತ್‍ರಗುಂಡ್, ಬೂಮಿರ ದುಷ್ಟ ಮೃಗತ್‍ರಗುಂಡ್, ಬೂಮಿಲ್ ವಾಸ ಮಾಡಿಯಂಡುಳ್ಳ ನಾಲ್‍ಲ್ ಒರ್ ಬಾಗ ಜನತ್‍ನ ಕೊಲೆ ಮಾಡ್‌ವಕುಳ್ಳ ಅದಿಕಾರತ್‍ನ ಕೊಡ್‌ತಿತ್ಂಜತ್.

ಪ್ರಕಟನೆ 9:1

ಅಂಜನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಬಾನತ್ಂಜ ಒರ್ ನಕ್ಷತ್ರ ಬೂಮಿಕ್ ಬುದ್ದಾನ ನಾನ್ ಕಂಡಿಯೆ. ಅಂವೊಂಗ್ ಪಾತಾಳತ್‍ರ ಬೀತ್‌ಕೈನ ಕೊಡ್‌ತಿತ್ಂಜತ್.