ಪ್ರಕಟನೆ 1:12 - ಕೊಡವ ಬೈಬಲ್

¹² ಅಕ್ಕ ನಾಡ ಕೂಡೆ ತಕ್ಕ್ ಪರ್ಂದಂಡುಳ್ಳ ಸದ್ದ್‌ನ ಕಾಂಬಕಾಯಿತ್ ಬಯ್ಯಕ್ ತಿರಿತ್ ನೋಟಿಯೆ. ಅನ್ನನೆ ನಾನ್ ಬಯ್ಯಕ್ ತಿರಿತ್ ನೋಟ್‍ವಕ, ಪೊನ್ನ್‌ರ ಏಳ್ ಕುತ್ತ್ ಬೊಳ್‌ಚತ್‍ನ ಅಲ್ಲಿ ಕಂಡಿಯೆ.

ಪ್ರಕಟನೆ 1:12 Iomraidhean Croise

ಪ್ರಕಟನೆ 1:13

ಆ ಏಳ್ ಕುತ್ತ್ ಬೊಳ್‍ಚತ್‍ರ ಮದ್ಯತ್‍ಲ್ ಮನುಷ್ಯಕುಮಾರಂಡನೆಕೆ ಒಬ್ಬನ ಕಂಡಿಯೆ. ಅಂವೊ ಕಾಲ್‍ಕತ್ತನೆ ಉಳ್ಳ ಬಟ್ಟೇನ ಇಟ್ಟಿತ್, ತಾಂಡ ಎದೇಲ್ ಪೊನ್ನ್‌ರ ಪಟ್ಟಿನ ಕೆಟ್ಟಿತ್ಂಜತ್.

ಪ್ರಕಟನೆ 1:19

ಇಕ್ಕ, ನೀನ್ ಕಂಡದ್‍ನ, ಇಕ್ಕ ಉಳ್ಳದ್‍ನ ಪಿಂಞ ಇಂಞು ಮಿಂಞಕ್ ಆಪಕುಳ್ಳದ್‍ನ ಒಳ್‍ದ್.

ಪ್ರಕಟನೆ 1:20

ನಾಡ ಬಲ್‌ತೆ ಕೈಯಿಲ್ ನೀನ್ ನೋಟ್‌ನ ಏಳ್ ನಕ್ಷತ್ರತ್‍ರ ಮರ್ಮತ್‍ನ ಪಿಂಞ ಕುತ್ತ್ ಬೊಳ್‍ಚತ್‍ರ ಮರ್ಮತ್‍ನ ಒಳ್‍ದ್. ಆ ಏಳ್ ನಕ್ಷತ್ರ, ಏಳ್ ಸಬೆರ ದೂತಂಗ; ನೀನ್ ನೋಟ್‌ನ ಏಳ್ ಕುತ್ತ್ ಬೊಳ್‍ಚ ಏಳ್ ಸಬೇಂದ್ ಎಣ್ಣ್‌ಚಿ.

ಪ್ರಕಟನೆ 2:1

ಎಫೆಸ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಏಳ್ ನಕ್ಷತ್ರತ್‍ನ ತಾಂಡ ಬಲ್‌ತೆ ಕೈಯಿಲ್ ಪುಡ್‍ಚಂಡ್, ಏಳ್ ಕುತ್ತ್ ಬೊಳ್‍ಚತ್‍ರ ಮದ್ಯತ್‍ಲ್ ಸುತ್ತಿಯಂಡ್ ಉಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ.

ಪ್ರಕಟನೆ 4:1

ಇದಾನ ಪಿಂಞ ನಾನ್ ನೋಟ್‍ವಕ, ಇದಾ, ಪರಲೋಕತ್‍ಲ್ ತೊರಂದಿತ್ ಬೆಚ್ಚಿತ್ಂಜ ಒರ್ ಪಡಿನ ಕಂಡಿಯೆ. ಮಿಂಞ ವಾಲಗತ್‍ರ ಸದ್ದ್‌ರನೆಕೆ ನಾಡ ಕೂಡೆ ತಕ್ಕ್ ಪರ್ಂದ ವಾಣಿ: ಇಲ್ಲಿಕ್ ಪತ್ತಿತ್ ಬಾ, ಮಿಂಞಕ್ ನಡ್‍ಪಕುಳ್ಳದ್‍ನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.