ಪ್ರಕಟನೆ 1:11 - ಕೊಡವ ಬೈಬಲ್

¹¹ ಆ ವಾಣಿ: ನಾನ್ ಅಲ್ಫಾವು ಓಮೆಗಾವು ಆದ್ಯವು ಆಕೀರ್‍ವಾಯುತುಳ್ಳ. ನೀನ್ ಕಂಡಂಡುಳ್ಳದ್‍ನ ಒರ್ ಪುಸ್ತಕತ್‍ಲ್ ಒಳ್‍ದಿತ್ ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ, ಲವೊದಿಕೀಯ ಎಣ್ಣುವ ಪಟ್ಟಣತ್‍ಲ್ ಉಳ್ಳ ಏಳ್ ಸಬೇಕ್ ಅಯಿಕಂಡೂಂದ್ ಎಣ್ಣ್‌ಚಿ.

ಪ್ರಕಟನೆ 1:11 Iomraidhean Croise

ಅಪೊಸ್ತಲ 16:14

ನಂಗ ಎಣ್ಣುವಾನ ಕ್‍ೕಟಯಿಂಗಡಡೆಲ್ ಲುದ್ಯ ಎಣ್ಣುವ ದೇವನ ಆರಾದನೆ ಮಾಡ್‌ವ ಒರ್ ಪೊಣ್ಣಾಳ್ ಇಂಜತ್. ಅವ ಧೂಮ್ರ ರಂಗ್‍ರ ಬಟ್ಟೆ ಮಾರ್‌ವಳು, ಥುವತೈ ಎಣ್ಣ್‌ವ ಊರ್‍ಂಜ ಬಂದವಳು ಆಯಿತ್ಂಜತ್. ಪೌಲಂಡ ತಕ್ಕ್‌ನ ಕ್‍ೕಪಕ್ ಒಡೆಯ ಅವಡ ಹೃದಯತ್‍ನ ತೊರ್ಂದತ್.

ಅಪೊಸ್ತಲ 18:24

ಆ ಸಮಯತ್‍ಲ್, ಅಲೆಕ್ಸಾಂದ್ರಿಯ ಪಟ್ಟಣತ್‍ಲ್ ಪುಟ್ಟ್‌ನ ಅಪೊಲ್ಲೋಸ ಎಣ್ಣ್‌ವ ಒರ್ ಯೆಹೂದ್ಯ ಎಫೆಸ ಪಟ್ಟಣಕ್ ಬಾತ್. ಅಂವೊ ಚಾಯಿ ಓದಿತುಳ್ಳಂವೊನಾಯಿತು, ಯೆಹೂದ್ಯಂಗಡ ದೇವಡ ವಾಕ್ಯತ್‍ನ ಚಾಯಿ ಗೊತ್ತುಳ್ಳಂವೊನಾಯಿತು ಇಂಜತ್.

ಅಪೊಸ್ತಲ 20:17

ನಂಗ ಮಿಲೇತಕ್ ಎತ್ತ್‌ನ ಪಿಂಞ, ಪೌಲ ಎಫೆಸ ಪಟ್ಟಣತ್ ಸಬೆರ ಪೆರಿಯಯಿಂಗಳ ತಾಂಡ ಪಕ್ಕ ಬಪ್ಪಕ್ ಎಣ್ಣಿತ್ ಒಬ್ಬನ ಅಯಿಚತ್.

1 ಕೊರಿಂಥ 15:32

ನಾನ್ ಎಫೆಸ ಪಟ್ಟಣತ್‍ಲ್ ಇಪ್ಪಕ, ಅಲ್ಲಿಯತ್‍ರ ಜನ ನಾಡ ಕೂಡೆ ಕಾಡ್ ಪ್ರಾಣಿಯರನೆಕೆ ಜಗಳ ಮಾಡ್‍ಚೀಂದ್ ಒರ್ ಸಾದಾರಣ ಮನುಷ್ಯಂಡನೆಕೆ ಎಣ್ಣ್‌ವಿ. ಇದ್‍ನಗುಂಡ್ ನಾಕ್ ಎಂತ ಲಾಬ? ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬರತ ಪೋಚೇಂಗಿ, ಬಾರಿ! ನಂಗ ಉಂಡಿತ್, ಕುಡಿಚಿತ್ ನಾಳೆ ಚತ್ತ್ ಪೋಕನಾಂದ್ ಎಣ್ಣ್‌ವಕ್ ಕಯ್ಯು ಅಲ್ಲ?

1 ಕೊರಿಂಥ 16:8

ಆಚೇಂಗಿಯು ಪಂಚಾಶತ್ತಮ ನಮ್ಮೆಕತ್ತನೆ ಎಫೆಸ ಪಟ್ಟಣತ್‍ಲ್ ಇಪ್ಪಿ.

ಎಫೆಸ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ, ಎಫೆಸ ಪಟ್ಟಣತ್‍ಲ್, ಯೇಸು ಕ್ರಿಸ್ತಂಡಲ್ಲಿ ನಂಬಿಕೆ ಇಟ್ಟಿತುಳ್ಳ ದೇವಡ ಮಕ್ಕಕ್ ಒಳ್‍ದ್‍ವ ಕಾಗದ ಇದ್.

ಕೊಲೊಸ್ಸೆ 2:1

ನಿಂಗಕಾಯಿತು, ಲವೊದಿಯಕೆ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತು ಪಿಂಞ ನನ್ನ ಇಲ್ಲಿಕತ್ತನೆ ಕಾಂಗತಯಿಂಗಕಾಯಿತು ನಾನ್ ಎಚ್ಚಕ್ ಪೋರಾಟತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತಾಂಡೂಂದ್ ನಾಡ ಆಸೆ.

1 ತಿಮೊಥೆಯ 1:3

ನಾನ್ ಮಕೆದೋನ್ಯಕ್ ಪೋಯಂಡಿಪ್ಪಕ, ನೀನ್ ಎಫೆಸತ್‍ಲ್ ಇಪ್ಪಂಜಿ, ಕಳ್ಳ ಬೋದನೆ ಮಾಡ್‌ವಯಿಂಗ ಇಂಞು ಮಿಂಞಕ್ ಅದ್‍ನ ಮಾಡತನೆಕೆ ನೀನ್ ಅಯಿಂಗಳ ಎಚ್ಚರ ಮಾಡಂಡೂಂದ್ ನಾನ್ ನೀಕ್ ಒತ್ತಾಯ ಮಾಡ್‍ನ.

ಪ್ರಕಟನೆ 1:17

ನಾನ್ ಅಂವೊನ ಕಾಂಬಕ, ಚತ್ತನೆಕೆ ಅಂವೊಂಡ ಕಾಲ್‌ಕ್ ಬುದ್ದ್ ಪೋನ; ಆಚೇಂಗಿ, ಅಂವೊ ತಾಂಡ ಬಲ್‌ತೆ ಕೈಯಿನ ನಾಡ ಮೇಲೆ ಬೆಚ್ಚಿತ್, ನನ್ನ ನೋಟಿತ್: ನೀನ್ ಬೊತ್ತತೆ, ನಾನ್ ಆದ್ಯವು ಆಕೀರು, ಜೀವ ಉಳ್ಳಂವೊನು ಆಯಿತುಂಡ್.

ಪ್ರಕಟನೆ 1:19

ಇಕ್ಕ, ನೀನ್ ಕಂಡದ್‍ನ, ಇಕ್ಕ ಉಳ್ಳದ್‍ನ ಪಿಂಞ ಇಂಞು ಮಿಂಞಕ್ ಆಪಕುಳ್ಳದ್‍ನ ಒಳ್‍ದ್.

ಪ್ರಕಟನೆ 1:2

ಇಂವೊ ದೇವಡ ವಾಕ್ಯತ್‍ರ ವಿಷಯತ್ ಪಿಂಞ ಯೇಸು ಕ್ರಿಸ್ತಂಡ ಸಾಕ್ಷಿರ ವಿಷಯತ್ ಎಂತಲ್ಲಾ ಕಂಡತೋ ಅದ್‍ನೆಲ್ಲಾ ಅರಿಚಿಟ್ಟಿತುಂಡ್.

ಪ್ರಕಟನೆ 1:20

ನಾಡ ಬಲ್‌ತೆ ಕೈಯಿಲ್ ನೀನ್ ನೋಟ್‌ನ ಏಳ್ ನಕ್ಷತ್ರತ್‍ರ ಮರ್ಮತ್‍ನ ಪಿಂಞ ಕುತ್ತ್ ಬೊಳ್‍ಚತ್‍ರ ಮರ್ಮತ್‍ನ ಒಳ್‍ದ್. ಆ ಏಳ್ ನಕ್ಷತ್ರ, ಏಳ್ ಸಬೆರ ದೂತಂಗ; ನೀನ್ ನೋಟ್‌ನ ಏಳ್ ಕುತ್ತ್ ಬೊಳ್‍ಚ ಏಳ್ ಸಬೇಂದ್ ಎಣ್ಣ್‌ಚಿ.

ಪ್ರಕಟನೆ 1:4

ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಏಳ್ ಸಬೇಕ್ ಯೋಹಾನ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಆಯಿತುಳ್ಳ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್. ಯೇಸು ತಾಂಡ ಸಿಂಹಾಸನತ್‍ರ ಮಿಂಞತ್‌ ವಾಸ ಮಾಡಿಯಂಡುಳ್ಳ ಏಳ್ ಆತ್ಮತ್‍ರಗುಂಡ್,

ಪ್ರಕಟನೆ 1:8

ನಾನ್ ಅಲ್ಫಾವು ಓಮೆಗಾವು, ಆದ್ಯವು ಆಕೀರು, ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಸರ್ವ ಶಕ್ತಿವಂತಂವೊನು ಆಯಿತುಳ್ಳ ಒಡೆಯನಾನ ದೇವ ಎಣ್ಣಿಯಂಡ್ ಉಳ್ಳ.

ಪ್ರಕಟನೆ 10:4

ಆ ಏಳ್ ಗುಡ್‍ಗ್ ಸದ್ದ್ ಮಾಡ್‌ವಕ, ನಾನ್ ಒಳ್‍ದ್‍ವಕ್ ಇಂಜ್. ಆಚೇಂಗಿ ಆ ಏಳ್ ಗುಡ್‍ಗ್: ನೀನ್ ಒಳ್‍ದತೆ ಮುದ್ರೆ ಇಡ್‍ೕಂದ್ ಪರಲೋಕತ್ಂಜ ಒರ್ ವಾಣಿ ನಾಕ್ ಕ್‍ೕಟತ್.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.

ಪ್ರಕಟನೆ 19:9

ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 2:1

ಎಫೆಸ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಏಳ್ ನಕ್ಷತ್ರತ್‍ನ ತಾಂಡ ಬಲ್‌ತೆ ಕೈಯಿಲ್ ಪುಡ್‍ಚಂಡ್, ಏಳ್ ಕುತ್ತ್ ಬೊಳ್‍ಚತ್‍ರ ಮದ್ಯತ್‍ಲ್ ಸುತ್ತಿಯಂಡ್ ಉಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ.

ಪ್ರಕಟನೆ 2:12

ಪೆರ್ಗಮ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದಂಡ್ ಪಕ್ಕವು ಚೂಪಾಯಿತುಳ್ಳ ಬಾಳ್ ಕತ್ತಿನ ಪುಡ್‍ಚಂಡ್ ಉಳ್ಳಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 2:18

ಥುವತೈರ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ತಿತ್ತ್‌ರ ಜ್ವಾಲತ್‌ರನೆಕೆ ಕಣ್ಣ್ ಪಿಂಞ ಮಿನ್ನುವ ಬೊಳಿಯುಳ್ಳ ಪಿಚ್ಚೋಳೆರನೆಕೆ ಉಳ್ಳ ಕಾಲ್‍ರ ಅಡಿಯುಳ್ಳ ದೇವಡ ಮೋಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 2:24

ಥುವತೈರ ಸಬೇಲ್ ಉಳ್ಳ ಬೋರೆಯಿಂಗಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಅವಡ ಬೋದನೆರ ಪ್ರಕಾರ ನಡ್‍ಕತೆ, ಸೈತಾನಂಡ ಆಳತ್‍ರ ಗುಟ್ಟ್‍ೕಂದ್ ಎಣ್ಣಿಯಂಡುಳ್ಳದ್‍ನ ಪಡಿಕತೆ ಉಳ್ಳಿರಲ್ಲ. ನಿಂಗಡ ಮೇಲೆ ಬೋರೆ ಏದ್ ಬಾರತ್‍ನ ನಾನ್ ಇಡುಲೆ.

ಪ್ರಕಟನೆ 2:8

ಸ್ಮುರ್ನ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಆದ್ಯವಾಯಿತ್ ಉಳ್ಳಂವೊನು, ಆಕೀರ್ ಆಯಿತ್ ಉಳ್ಳಂವೊನು, ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಿತ್ ಬದ್‍ಕಿಯಂಡ್ ಇಪ್ಪಂವೊನಾಯಿತುಳ್ಳಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 21:5

ಸಿಂಹಾಸನತ್‍ಲ್ ಅಳ್‌ತಿತ್ ಇಂಜಂವೊ: ನೋಟಿ, ನಾನ್ ಎಲ್ಲಾನ ಪುದಿಯದಾಯಿತ್ ಮಾಡಿಯಂಡುಳ್ಳ್‌ಂದ್ ಎಣ್ಣ್‌ಚಿ, ಪುನಃ ಅಂವೊ: ಈ ತಕ್ಕ್ ಎಲ್ಲಾ ಸತ್ಯವು ನೇರಾನದು ಆಯಿತುಳ್ಳಗುಂಡ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:10

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಈ ಪುಸ್ತಕತ್‍ಲ್ ಒಳ್‍ದ್‍ನ ಪ್ರವಾದನೆರ ವಾಕ್ಯತ್‍ನ ಮುದ್ರೆ ಮಾಡಂಡ, ಎನ್ನಂಗೆಣ್ಣ್‌ಚೇಂಗಿ ಸಮಯ ಬೆರಿಯ ಬಂದ್‌ರ್‌ತ್.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 3:1

ಸಾರ್ದಿಸಿ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದೇವಡ ಏಳ್ ಆತ್ಮತ್‌ನ ಪಿಂಞ ಏಳ್ ನಕ್ಷತ್ರತ್‍ನ ಪುಡ್‌ಚಂಡುಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ. ನೀಡ ಕ್ರಿಯೆ ನಾಕ್ ಗೊತ್ತುಂಡ್, ನೀನ್ ಬದ್‍ಕಿಯಂಡ್ ಉಂಡ್‍ೕಂದ್‌ ಎಲ್ಲಾರು ಎಣ್ಣಿಯಂಡಿಂಜತೇಂಗಿಯು ನೀನ್ ಚತ್ತ್ ಪೋನಂವೊಂಡನೆಕೆ ಉಳ್ಳಿಯ.

ಪ್ರಕಟನೆ 3:14

ಲವೊದಿಕೀಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಬಿಕಸ್ತನು, ಸತ್ಯವಂತನು, ದೇವಡ ಸೃಷ್ಟಿಕ್ ಆದ್ಯವಾಯಿತು ಉಳ್ಳ ಆಮೆನ್ ಎಣ್ಣ್‌ವಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 3:4

ಆಚೇಂಗಿಯು, ತಂಗಡ ಬಟ್ಟೇನ ಅಶುದ್ದ ಮಾಡತ ಇಂಞು ಚೆನ್ನ ಜನ ಸಾರ್ದಿಸಿಲ್ ನೀಕ್ ಉಂಡ್; ಅಯಿಂಗ ಯೋಗ್ಯವಾನಗುಂಡ್, ಬೊಳ್‍ತ ಬಟ್ಟೆ ಇಟ್ಟಿತ್ ನಾಡ ಕೂಡೆ ನಡ್‍ಪ.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.