ಫಿಲಿಪ್ಪಿ 4:2 - ಕೊಡವ ಬೈಬಲ್

² ಯುವೊದ್ಯಳ ಪಿಂಞ ಸಂತುಕೆಯಳ, ಒಡೆಯಂಡ ಐಕ್ಯತ್‍ಲ್ ಒಂದಾಯಿತ್ ಇರೀಂದ್ ಕಂಡಿತವಾಯಿತ್ ಎಣ್ಣ್‌ವಿ.

ಫಿಲಿಪ್ಪಿ 4:2 Iomraidhean Croise

ಆದ್ಯತ್‌ರ ಪುಸ್ತಕ 45:24

ಅನ್ನನೆ ಅಂವೊಂಡ ಅಣ್ಣತಮ್ಮಣಂಗಕ್: ನಿಂಗ ಬಟ್ಟೆಲ್‌ ಜಗಳ ಮಾಡತೀಂದ್‌ ಎಣ್ಣಿತ್‌ ಅಯಿಚತ್. ಅಯಿಂಗ ಪೊರ್‌ಟ್ ಪೋಚಿ.

ಮಾರ್ಕ 9:50

ಉಪ್ಪ್ ನಲ್ಲದ್, ಆಚೇಂಗಿ ಉಪ್ಪ್‌ರ ಸತ್ವ ಪೋಚೇಂಗಿ, ಪುನಃ ನಿಂಗಕ್ ಉಪ್ಪ್‌ನ ಎನ್ನನೆ ಸತ್ವ ಮಾಡ್‌ವಕಯ್ಯು? ನಿಂಗ ಉಪ್ಪ್ ಉಳ್ಳಯಿಂಗಳಾಯಿತ್ ಇರಿ, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಬದ್‍ಕ್‍ವಿರ.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

ಫಿಲಿಪ್ಪಿ 3:16

ಆಚೇಂಗಿಯು ನಂಗ ಎಚ್ಚಕ್ ಬೊಳ್‌ಂದಿತುಂಡೋ ಅಚ್ಚಕ್ ಚಾಯಿತೆ ಗೇನ ಮಾಡಿತ್ ನಡ್‌ಕಂಡು.

1 ಥೆಸಲೊನೀಕ 5:13

ಅಯಿಂಗಡ ಸೇವೆಕಾಯಿತ್ ನಿಂಗ, ಅಯಿಂಗಡ ಮೇಲೆ ಪ್ರೀತಿಲ್ ಬಲ್ಯ ಮರ್ಯಾದೆ ಕೊಡ್‌ತಂಡ್ ಇರಂಡೂಂದ್ ನಂಗ ಬೋಡುವ. ನಿಂಗ ಒಬ್ಬೊಬ್ಬಂಡ ಕೂಡೆಯು ಶಾಂತಿಲ್, ಸಮಾದಾನತ್‍ಲ್ ಇಕ್ಕಂಡು.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.