ಫಿಲಿಪ್ಪಿ 3:20 - ಕೊಡವ ಬೈಬಲ್

²⁰ ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಫಿಲಿಪ್ಪಿ 3:20 Iomraidhean Croise

ಜ್ಞಾನತ್‌ರ ಪಡಿಮ 15:24

ಜೀವತ್‌ರ ಬಟ್ಟೆ ಜ್ಞಾನಿಯಾನಂವೊನ ಕೊಡಿಕ್‌ ಕೊಂಡ್‌ ಪೋಪ. ಅದ್‌ ಚಾವ್‌ರ ಬಟ್ಟೆಯಿಂಜ ತಪ್ಪ್‌ಚಿಡುವ.

ಮತ್ತಾಯ 19:21

ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್‍ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:21

ಅಕ್ಕು, ಈ ಲೋಕತ್‍ರ ಐಶ್ವರ್ಯತ್‍ನ ಪರಲೋಕತ್‍ಲ್ ಉಳ್‍ಕೆ ಮಾಡತೆ ಅಯಿಂಗಕಾಯಿತ್ ಉಳ್‍ಕೆ ಮಾಡ್‌ವಯಿಂಗಕ್ ಇನ್ನನೆ ಆಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:14

ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ನಿನ್ನ ಕಾಕಿತ್ ನೀಕ್ ಬದ್‍ಲ್ ತಪ್ಪಕಯ್ಯುಲೆ. ಅಕ್ಕ ನಿನ್ನ ದೇವ ಆಶೀರ್ವಾದ ಮಾಡ್‌ವ ಪಿಂಞ ನೀತಿವಂತಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪ ಕಾಲತ್‍ಲ್ ನೀಕ್ ಬದ್‍ಲ್ ಕ್‍ಟ್ಟ್‌ವ.

ಅಪೊಸ್ತಲ 1:11

ಅಯಿಂಗ ಅಲ್ಲಿ ಇಂಜಯಿಂಗಳ ನೋಟಿತ್: ಗಲಿಲಾಯತ್‍ರ ಜನಳೇ, ಎನ್ನಂಗ್ ನಿಂಗ ಬಾನತ್‍ನ ನೋಟಿಯಂಡ್ ಉಳ್ಳಿರ? ನಿಂಗಡ ಕಣ್ಣ್‌ರ ಮಿಂಞ ಎನ್ನನೆ ಯೇಸು ಪರಲೋಕಕ್ ಪೋಚೋ, ಅನ್ನನೆ ಯೇಸು ಪರಲೋಕತ್ಂಜ ಬಯ್ಯ ಬಪ್ಪಾಂದ್ ಎಣ್ಣ್‌ಚಿ.

1 ಕೊರಿಂಥ 1:7

ಆನಗುಂಡ್ ನಿಂಗ ದೇವಡ ಏದ್ ವರತ್‍ಲೂ ಕಮ್ಮಿಯಿಲ್ಲತಯಿಂಗಳಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕಾಯಿತ್ ಪಾರಕಾತಂಡುಳ್ಳಿರ.

1 ಕೊರಿಂಥ 15:48

ಬೂಮಿರ ಮಣ್ಣಿಂಜ ಬಂದ ಆದಾಮ ಏದ್ ತರ ತಡೀಲ್ ಇಂಜತೋ, ಅನ್ನನೆ ಎಲ್ಲಾ ಮುನುಷ್ಯಂಗಡ ತಡಿಯು ಉಂಡ್. ಪರಲೋಕತ್‍ರ ಮನುಷ್ಯಂಡ ತಡಿ ಎನ್ನನೆ ಉಂಡೋ ಅದೇ ತರ ಪರಲೋಕತ್‍ಲ್ ಉಳ್ಳಯಿಂಗಳು ಇಪ್ಪ.

2 ಕೊರಿಂಥ 4:18

ನಂಗ ಇಕ್ಕ ಕಣ್ಣ್‌ಕ್ ಕಾಂಬದ್‍ನ ಅಲ್ಲ, ಆಚೇಂಗಿ ಕಾಂಗತದ್‍ನ ನೋಟಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ಇಕ್ಕ ನಂಗ ಕಾಂಬದ್ ಚೆನ್ನ ಕಾಲ ಮಾತ್ರ ಇಪ್ಪ, ಕಾಂಗತದ್ ನಿತ್ಯ ಕಾಲಕ್ ಇಪ್ಪ.

2 ಕೊರಿಂಥ 5:8

ನಂಗ ದೈರ್ಯವಾಯಿತ್ ಇಂಜಿತ್, ಈ ತಡೀನ ಬುಟ್ಟಿತ್ ಪೋಯಿತ್, ಒಡೆಯಂಡ ಕೂಡೆ ವಾಸ ಮಾಡ್‌ವಕ್ ದುಂಬ ಆಸೆ ಪಟ್ಟಂಡುಂಡ್.

ಗಲಾತ್ಯ 4:26

ಆಚೇಂಗಿ, ಇಂಞೊಬ್ಬ ಸ್ವಾವಂತ್ರವಾನ ಸಾರಾಳ ಎಣ್ಣುವವ. ಅವಳ ಪರಲೋಕತ್‍ರ ಯೆರೂಸಲೇಮ್‍ೕಂದ್ ಎಣ್ಣ್‌ವಕ್ ಕಯ್ಯು. ಅವಳೇ ನಂಗಕೆಲ್ಲ ಅವ್ವ.

ಎಫೆಸ 2:19

ಆನಗುಂಡ್, ನಿಂಗ ಇಂಞು ಮಿಂಞಕ್ ಬೋರೆಯಿಂಗಾಂದ್ ಪಿಂಞ ಅನ್ಯ ಜನಾಂದ್ ಇಲ್ಲತೆ, ದೇವಡ ಮಕ್ಕಡ ಕೂಟ್‌ಲ್ ಒರೇ ದೇಶಕ್ ಕೂಡ್‍ನಯಿಂಗಳು, ದೇವಡ ಮನೆಕಾರಂಗಳಾಯಿತ್ ಇಂಜಂಡ್,

ಎಫೆಸ 2:6

ಕ್ರಿಸ್ತ ಯೇಸುರಲ್ಲಿ, ಅಂವೊ ನಂಗಡ ಮೇಲೆ ಬೆಚ್ಚಿತ್ಂಜ ದಯೇರಗುಂಡ್, ತಾಂಡ ಕೃಪೇರ ಬಲ್ಯ ಗನತ್‍ರ ಐಶ್ವರ್ಯತ್‍ನ ಬಪ್ಪ ಕಾಲತ್‍ಲ್ ಕಾಂಬ್‍ಚಿಡುವಕಾಯಿತ್, ದೇವ ನಂಗಳ ಕ್ರಿಸ್ತಂಡ ಕೂಡೆ ಚಾವ್‍ಯಿಂಜ ಎಪ್ಪಿತ್, ಪರಲೋಕತ್‍ಲ್ ಕ್ರಿಸ್ತ ಯೇಸುರಲ್ಲಿ ನಂಗಳ ಅಂವೊಂಡ ಕೂಡೆ ಅಳ್‍ಪ್‍ಚಿಟ್ಟತ್.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಕೊಲೊಸ್ಸೆ 1:5

ನೇರಾನ ಸುದ್ದಿಯಾನ ದೇವಡ ನಲ್ಲ ಸುದ್ದಿ ನಿಂಗಡ ಪಕ್ಕ ಆದ್ಯವಾಯಿತ್ ಬಂದಿತ್ ನಿಂಗಕ್ ಗೊತ್ತಾನ ಕಾಲತ್ಂಜ, ನಿಂಗ ಇನ್ನನೆ ಮಾಡಿಯಂಡ್, ನಿಂಗಕಾಯಿತ್ ಪರಲೋಕತ್‍ಲ್ ಬದ್ರವಾಯಿತ್ ಬೆಚ್ಚಿತುಳ್ಳ ನಿರೀಕ್ಷೆಕಾಯಿತ್ ಪಾರಕಾತಂಡ್ ಉಳ್ಳಿರ.

1 ಥೆಸಲೊನೀಕ 1:10

ಇದ್‍ಲ್ಲತೆ, ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಪುನಃ ಎಪ್ಪ್‌ಚಿಟ್ಟಂವೊನು, ಮನುಷ್ಯಂಗಕ್ ದೇವ ತಪ್ಪ ಶಿಕ್ಷೆಯಿಂಜ ನಂಗಳ ಕಾಪಾಡ್‌ವಂವೊನು ಆಯಿತುಳ್ಳ ದೇವಡ ಮೋಂವೊನಾನ ಯೇಸು ಪರಲೋಕತ್ಂಜ ಪುನಃ ಬಪ್ಪಾನ ನೋಟಿಯಂಡ್ ಪಾರಕಾತಂಡ್ ಉಳ್ಳಿರಾಂದ್ ಸಹ ಅಯಿಂಗ ನಂಗಕ್ ಎಣ್ಣಿಯಂಡುಂಡ್.

1 ಥೆಸಲೊನೀಕ 4:16

ಎನ್ನಂಗೆಣ್ಣ್‌ಚೇಂಗಿ, ಅಕ್ಕ ಒಡೆಯನೇ ಪರಲೋಕತ್ಂಜ ಇಳಿಂಜಿತ್ ಬಪ್ಪ. ಅಕ್ಕ ಅಂವೊ ಬಲ್ಯ ಸ್ವರತ್‍ಲ್ ಹುಕುಮ್ ತಪ್ಪ, ದೇವಡ ಸೈನ್ಯತ್‍ರ ದೂತ ತಕ್ಕ್ ಪರಿಯುವ, ದೇವದೂತ ದೇವಡ ವಾಲಗತ್‌ನ ಊದ್‍ವ. ಆ ವಾಣಿನ ನಂಗ ಕ್‍ೕಪಕ, ಯೇಸುನ ನಂಬಿತ್ ಚತ್ತ್ ಪೋನಯಿಂಗ ಪುನಃ ಜೀವವಾಯಿತ್ ಆದ್ಯ ಎದ್ದಿತ್ ಬಪ್ಪ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 12:22

ಆಚೇಂಗಿ ನಿಂಗ, ಚೀಯೋನ್‌ ಕುಂದ್‍ಕು, ಜೀವವಾಯಿತುಳ್ಳ ದೇವಡ ಪಟ್ಟಣವಾನ ಪರಲೋಕತ್‍ರ ಯೆರೂಸಲೇಮ್‍ಕು, ಕುಶೀಲ್ ದುಂಬ್‍ನ ಆಯಿರ ಆಯಿರ ದೂತಂಗಡ ಪಕ್ಕವು ಬಂದಿತುಳ್ಳರ.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.