ಫಿಲಿಪ್ಪಿ 3:15 - ಕೊಡವ ಬೈಬಲ್

¹⁵ ಆನಗುಂಡ್, ನಂಗಡಲ್ಲಿ ದೇವಡ ಮೇಲೆ ಚಾಯಿ ನಂಬಿಕೆ ಬೆಚ್ಚಿತುಳ್ಳ ಸ್ತಿರವಾನಯಿಂಗೆಲ್ಲಾ ಇನ್ನನೆ ಗೇನಮಾಡಿಯಂಡಿರಂಡು; ಅನ್ನನೆ ನಿಂಗ ಇದ್‍ನ ಒಪ್ಪ್‌ಲೇಂದ್ ಎಣ್ಣ್‌ಚೇಂಗಿ, ಅದ್‍ನ ಸಹ ದೇವ ನಿಂಗಕ್ ಕಾಟಿತಪ್ಪ.

ಫಿಲಿಪ್ಪಿ 3:15 Iomraidhean Croise

ಮತ್ತಾಯ 5:48

ಆನಗುಂಡ್ ನಿಂಗಳ ಪ್ರೀತಿ ಮಾಡತಯಿಂಗಳ ಸಹ ನಿಂಗ ಪ್ರೀತಿ ಮಾಡಿತ್, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ಪೂರ್ತಿಯಾಯಿತುಳ್ಳನೆಕೆ ನಿಂಗಳು ಪೂರ್ತಿಯಾಯಿತಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:13

ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ, ಅಂವೊಂಡ ಪಕ್ಕ ಬೋಡ್‌ವಯಿಂಗಕ್ ಪವಿತ್ರಾತ್ಮತ್‍ನ ತಪ್ಪದ್ ಎಚ್ಚಕ್ ನೇರ್‍ೕಂದ್ ಎಣ್ಣ್‌ಚಿ.

ಯೋಹಾನ 6:45

ಪ್ರವಾದಿಯಡ ಪುಸ್ತಕತ್‍ಲ್ ಒಳ್‌ದ್‌ನನೆಕೆ, ಅಯಿಂಗೆಲ್ಲಾ ದೇವಡಗುಂಡ್ ಪಡಿಚಿತ್‌ಪ್ಪ. ಆನಗುಂಡ್, ಅಪ್ಪನಾನ ದೇವಡಯಿಂಜ ಪಡಿಚ ಪ್ರತಿ ಒಬ್ಬೊನು ನಾಡ ಪಕ್ಕ ಬಪ್ಪ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

ರೋಮ್ 15:1

ನಂಬಿಕೇಲ್ ಸ್ತಿರವಾಯಿತ್ ಉಳ್ಳ ನಂಗ, ನಂಗಡ ಕುಶಿಕಾಯಿತ್ ಬದ್‍ಕತೆ, ನಂಬಿಕೇಲ್ ಸ್ತಿರವಿಲ್ಲತಯಿಂಗಳ, ಅಯಿಂಗಡ ಬಲಹೀನತ್‍ಲ್ ತಾಂಗಂಡು. ನಂಗಡ ಕುಶಿಕಾಯಿತ್ ಬದ್‍ಕಿಯಂಡ್ ಇಪ್ಪಕ್ಕಾಗ.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

1 ಕೊರಿಂಥ 2:6

ಅನ್ನನೆ ಇಂಜತೇಂಗಿಯು, ಆತ್ಮತ್‍ರ ಬದ್‍ಕ್‍ಲ್ ಬೊಳ್ಂದಿತುಳ್ಳಯಿಂಗಡ ಪಕ್ಕ ಜ್ಞಾನತ್‍ರ ವಿಷಯತ್‍ನ ನಂಗ ಪರಿವ. ಈ ಲೋಕತ್‍ರ ಜ್ಞಾನತ್‍ನ ಅಲ್ಲ, ಪಾಳಾಯಿ ಪೋಪ ಈ ಲೋಕತ್‍ರ ರಾಜಂಗಡ ಜ್ಞಾನವು ಅಲ್ಲ,

ಗಲಾತ್ಯ 5:10

ನಿಂಗ ಬೋರೆ ರೀತಿಲ್ ಒಂದು ಗೇನ ಮಾಡುಲೇಂದ್ ನಿಂಗಡ ಮೇಲೆ ನಾಕ್ ದುಂಬ ನಂಬಿಕೆ ಉಂಡ್. ನಿಂಗಳ ಕಲವಳ ಮಾಡ್‍ನಂವೊ ದಾರಾಯಿತ್ಂಜತೇಂಗಿಯು ಅಂವೊಂಗ್ ದೇವಡ ಶಿಕ್ಷೆ ಕ್‍ಟ್ಟ್‌ವ.

ಎಫೆಸ 1:17

ಯೇಸು ಕ್ರಿಸ್ತಂಡ ಒಡೆಯನು, ಮಹಿಮೇರ ಅಪ್ಪನು ಆಯಿತುಳ್ಳ ದೇವನ, ನಿಂಗ ಚಾಯಿತೆ ಗೊತ್ತಾಪಕುಳ್ಳ ಜ್ಞಾನತ್‍ನ ಪಿಂಞ ಪ್ರಕಟನೆನ ತಪ್ಪ ಪವಿತ್ರಾತ್ಮತ್‍ನ ನಿಂಗಕ್ ತರಂಡೂಂದ್ ಪ್ರಾರ್ಥನೆ ಮಾಡಿಯಂಡುಳ್ಳ.

ಕೊಲೊಸ್ಸೆ 1:28

ಅದ್ಂಗಾಯಿತ್, ಎಲ್ಲಾ ಜ್ಞಾನತ್‍ಲ್ ಕ್ರಿಸ್ತನ ಎಲ್ಲಾರ್‌ಕು ಅರಿಚಿಟ್ಟಂಡ್, ಎಲ್ಲಾರ್‌ಕು ಎಚ್ಚರ ಮಾಡಿಯಂಡ್, ಎಲ್ಲಾರ್‌ಕು ಬೋದನೆ ಮಾಡಿಯಂಡ್ ಉಳ್ಳ. ಒಬ್ಬೊಬ್ಬನ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಬೊಳ್ಂದಂವೊನಾಯಿತ್ ದೇವಡ ಪಕ್ಕ ನಿಪ್ಪ್‌ಚಿಡುವಕಾಯಿತ್ ಇದ್‍ನ ಮಾಡಿಯಂಡುಳ್ಳ.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 4:9

ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡ್‌ವ ವಿಷಯತ್‍ನ ನಾನ್ ನಿಂಗಕ್ ಒಳ್‍ದ್‍ವಕ್ ಅವಸ್ಯ ಇಲ್ಲೆ; ಎಲ್ಲಾರು ಒಬ್ಬೊಬ್ಬನ ಎನ್ನನೆ ಪ್ರೀತಿ ಮಾಡಂಡೂಂದ್ ದೇವ ನಿಂಗಕೇ ಪಡಿಪ್‌ಚಿಟ್ಟಿತಲ್ಲ.

2 ತಿಮೊಥೆಯ 3:17

ಬೋದನೆ ಕೊಡ್‍ಪಕ್, ಕಂಡನೆ ಮಾಡ್‌ವಕ್, ತಪ್ಪ್‌ನ ಸರಿಪಡ್‍ತ್‍ವಕ್, ನೀತಿನ ಪಡಿಪ್‍ಚಿಡ್‍ವಕ್ ಪ್ರಯೋಜನವಾಯಿತುಂಡ್.

ಇಬ್ರಿಯ 5:14

ಗಟ್ಟಿಯಾನ ಆಹಾರ ಬಲ್ಯಂಗಕ್ ಮಾತ್ರ ಆಪ, ಎನ್ನನೆ ಎಣ್ಣ್‌ಚೇಂಗಿ ಅಯಿಂಗ ಅದ್‍ನ ಎಕ್ಕಾಲು ಉಪಯೋಗಿಚಿಡುವಗುಂಡ್, ನಲ್ಲದ್ ಕೆಟ್ಟದ್ ಎಂತದ್‍ೕಂದ್ ಅಯಿಂಗಕ್ ಗೊತ್ತಾಪನೆಕೆ ಅಯಿಂಗ ಪಡಿಚಿತುಂಡ್.

1 ಯೋಹಾನ 2:5

ಆಚೇಂಗಿ ದಾರ್ ಅಂವೊಂಡ ತಕ್ಕ್‌ನ ಮೀರತೆ ನಡ್‍ಪ, ನೇರಾಯಿತ್ ಅಂವೊಂಡಲ್ಲಿ ದೇವಡ ಪ್ರೀತಿ ಪೂರ್ತಿಯಾಯಿತ್‌ಪ್ಪ. ಅನ್ನನೆ ಮಾಡ್‍ಚೇಂಗಿ ಮಾತ್ರ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಗೊತ್ತಾಪ.