ಫಿಲಿಪ್ಪಿ 2:4 - ಕೊಡವ ಬೈಬಲ್

⁴ ನಂಗಡ ಸುಕತ್‌ನ ಮಾತ್ರ ನೋಟತೆ, ಬೋರೆಯಿಂಗಡ ಸುಕತ್‌ನ ಸಹ ನೋಟಂಡು.

ಫಿಲಿಪ್ಪಿ 2:4 Iomraidhean Croise

ಎಸ್ತೆರ್‌ 2:22

ಈ ವಿಷಯ ಮೋರ್ದೆಕೈಕ್‌ ಗೊತ್ತಾಯಿತ್, ರಾಣಿಯಾನ ಎಸ್ತೇರಂಗ್‌ ಅರಿಚಿಟ್ಟತ್; ಈ ವಿಷಯತ್‌ನ ಮೋರ್ದೆಕೈಯನೇ ಎಣ್ಣ್‌ಚೀಂದ್‌ ಎಸ್ತೇರ್‌ ರಾಜಂಗ್‌ ಎಣ್ಣ್‌ಚಿ.

ಮತ್ತಾಯ 18:6

ಆಚೇಂಗಿ ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ರ ಆಳತ್‍ಲ್ ಅಂವೊನ ಮುಳ್‍ಕ್‍ವದ್ ಅಂವೊಂಗ್ ನಲ್ಲದಾಯಿತ್‌ಪ್ಪ.

ರೋಮ್ 12:15

ಕುಶೀಲ್ ಉಳ್ಳಯಿಂಗಡ ಕೂಡೆ ಕುಶೀಲ್ ಇರಿ, ಮೊರಟಂಡುಳ್ಳಯಿಂಗಡ ಕೂಡೆ ಮೊರಡಿ.

ರೋಮ್ 15:1

ನಂಬಿಕೇಲ್ ಸ್ತಿರವಾಯಿತ್ ಉಳ್ಳ ನಂಗ, ನಂಗಡ ಕುಶಿಕಾಯಿತ್ ಬದ್‍ಕತೆ, ನಂಬಿಕೇಲ್ ಸ್ತಿರವಿಲ್ಲತಯಿಂಗಳ, ಅಯಿಂಗಡ ಬಲಹೀನತ್‍ಲ್ ತಾಂಗಂಡು. ನಂಗಡ ಕುಶಿಕಾಯಿತ್ ಬದ್‍ಕಿಯಂಡ್ ಇಪ್ಪಕ್ಕಾಗ.

1 ಕೊರಿಂಥ 10:24

ನಿಂಗ ದಾರೂ, ನಿಂಗಡ ಸ್ವಂತ ಪ್ರಯೋಜನಕಾಯಿತ್ ಮಾತ್ರ ಮಾಡತೆ, ಬೋರೆಯಿಂಗ ದೇವಡ ಮೇಲೆ ಉಳ್ಳ ನಂಬಿಕೇಲ್ ಬೊಳಿಯುವಕಾಯಿತ್ ಮಾಡಂಡು.

2 ಕೊರಿಂಥ 11:29

ಒಬ್ಬ ಬಲ ಇಲ್ಲತಂವೊನಾಚೇಂಗಿ, ನಾನ್ ಸಹ ಬಲ ಇಲ್ಲತಂವೊನಾಯಿತ್ ಪೋಪಿಯಲ್ಲಾ? ಒಬ್ಬ ಬಟ್ಟೆ ತಪ್ಪಿ ಪೋಚೇಂಗಿ, ನಾಡ ಮನಸ್ಸ್ ಕಷ್ಟಪಡತೆ ಇಪ್ಪಕಯ್ಯುವಾ?

2 ಕೊರಿಂಥ 6:3

ಈ ಸೇವೇನ ದಾರೂ ಕುತ್ತ ಪರಿಯತನೆಕೆ, ನಂಗಡಗುಂಡ್ ಒಬ್ಬನು ಬೂವತನೆಕೆ ಎಲ್ಲಾ ವಿಷಯತ್‍ಲು ದೇವಡ ಸೇವಕಂಗಳಾಯಿತ್ ಬದ್‍ಕಿಯಂಡುಂಡ್.

ಫಿಲಿಪ್ಪಿ 2:21

ಬೋರೆ ಎಲ್ಲಾರು ಯೇಸು ಕ್ರಿಸ್ತಂಡ ವಿಷಯತ್‍ನ ಮಾಡತೆ ಅಯಿಂಗಯಿಂಗಡ ವಿಷಯತ್‍ನ ಮಾಡಿಯಂಡುಂಡ್.

ಯಾಕೋಬ 2:8

ನಿಂಗ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‍ವಿರೋ ಅನ್ನನೆ ನೆರಮನೆಕಾರಳ ಪ್ರೀತಿ ಮಾಡ್‌ವಿರಾಂದ್ ಉಳ್ಳ ದೇವಡ ವಾಕ್ಯವಾನ ದೇವಡ ರಾಜ್ಯತ್‍ರ ಪ್ರಮಾಣತ್‍ನ ಮಾಡ್‍ಚೇಂಗಿ, ಅಕ್ಕ ನಿಂಗ ನಲ್ಲದ್ ಮಾಡ್‍ನನೆಕೆ.