ಫಿಲಿಪ್ಪಿ 2:30 - ಕೊಡವ ಬೈಬಲ್

³⁰ ಎನ್ನಂಗೆಣ್ಣ್‌ಚೇಂಗಿ, ನಿಂಗ ನಾಕ್ ಮಾಡ್‌ವಕುಳ್ಳ ಸೇವೇಲ್, ನಿಂಗ ಮಾಡ್‌ವಕ್ ಕಯ್ಯತದ್‍ನ ಪೂರ್ತಿ ಮಾಡ್‌ವಕಾಯಿತ್, ಅಂವೊ ಅಂವೊಂಡ ಜೀವತ್‍ನ ಕೂಡೆ ನೋಟತೆ, ಕ್ರಿಸ್ತಂಡ ಸೇವೆ ಮಾಡ್‍ನಗುಂಡ್ ಚತ್ತ್ ಪೋಪನೆಕೆ ಇಂಜತ್.

ಫಿಲಿಪ್ಪಿ 2:30 Iomraidhean Croise

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ರೋಮ್ 16:4

ಅಯಿಂಗ ನನ್ನ ಕಾಪಾಡ್‌ವಕಾಯಿತ್ ಅಯಿಂಗಡ ಜೀವತ್‍ನ ಕೊಡ್‍ಪನೆಕೆ ಬೋಳೆನ ಕೊಡ್‍ತತ್; ಅಯಿಂಗಡ ವಿಷಯತ್ ನಾನ್ ಮಾತ್ರ ಅಲ್ಲ, ಯೆಹೂದ್ಯಂಗ ಅಲ್ಲತಯಿಂಗಡ ಮದ್ಯತ್‍ಲ್ ಉಳ್ಳ ಎಲ್ಲಾ ಸಬೇಕಾರಳು ನಲ್ಲರಿಕೆರ ಚಾಯಿ ತಕ್ಕ್ ಎಣ್ಣಿಯಂಡುಂಡ್.

1 ಕೊರಿಂಥ 15:53

ಕಾಂಗತೆ ಆಯಿಪೋಪ ತಡಿ ಕಾಂಗತೆ ಪೋಕತ ತಡೀನ ಪಿಂಞ ಪಾಳಾಯಿ ಪೋಪ ತಡಿ ಪಾಳಾಯಿ ಪೋಕತ ತಡೀನ ಇಡ್‍ವನೆಕೆ ಆಪ.

1 ಕೊರಿಂಥ 16:10

ತಿಮೊಥೆಯ ನಿಂಗಡ ಪಕ್ಕ ಬಾತೇಂಗಿ, ಅಂವೊ ನಿಂಗಡ ಕೂಡೆ ದೈರ್ಯತ್‍ಲ್ ಇಪ್ಪಕ್ ಸಹಾಯ ಮಾಡಿ, ಅಂವೊ ನಾಡನೆಕೆ ದೇವಡ ಸೇವೆ ಮಾಡಿಯಂಡುಂಡ್.

1 ಕೊರಿಂಥ 16:17

ಸ್ತೆಫನ, ಫೊರ್ತುನಾತ ಪಿಂಞ ಅಖಾಯಿಕ ಎಣ್ಣ್‌ವಯಿಂಗ ಕೊರಿಂಥ ಪಟ್ಟಣತ್ಂಜ ಇಲ್ಲಿ ಬಂದಾಂಗ್ ನಾಕ್ ದುಂಬ ಕುಶಿಯುಂಡ್. ನಿಂಗ ನಾಕ್ ಎಂತ ಮಾಡಂಡೂಂದ್ ಗೇನಮಾಡಿಯಂಡಿಂಜಿರೋ ಅದ್‍ನೆಲ್ಲಾ ಅಯಿಂಗ ನಾಕ್ ಮಾಡಿತ್.

2 ಕೊರಿಂಥ 12:15

ಆನಗುಂಡ್, ನಾನ್ ನಿಂಗಡಲ್ಲಿ ಎಚ್ಚಕ್ ಜಾಸ್ತಿಯಾಯಿತ್ ಪ್ರೀತಿ ಮಾಡಿಯಂಡ್ ಉಂಡೋ, ಅಚ್ಚಕ್ ಕಮ್ಮಿಯಾಯಿತ್ ನಿಂಗ ನನ್ನ ಪ್ರೀತಿ ಮಾಡ್‍ಚೇಂಗಿಯು, ನಿಂಗಕಾಯಿತ್ ನಾಡ ಪಕ್ಕ ಉಳ್ಳದ್‍ನ ಕೊಡ್‌ಪಕು, ನನ್ನ ಸಹ ಕೊಡ್‌ಪಕು ದುಂಬ ಕುಶಿ ಪಡುವಿ.

2 ಕೊರಿಂಥ 4:12

ಇನ್ನನೆ ಚಾವ್ ನಂಗಡಲ್ಲಿಯು, ಜೀವ ನಿಂಗಡಲ್ಲಿಯು ಕ್ರಿಯೆ ಮಾಡಿಯಂಡುಂಡ್.

ಫಿಲಿಪ್ಪಿ 2:17

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ನಂಬಿಕೇರ ಆರಾದನೆನ ನಿಂಗ ದೇವಕ್ ಅರ್ಪಿಚಿಡುವಕಾಯಿತ್, ನಾಡ ಜೀವತ್‍ನ ನೀರ್‌ರನೆಕೆ ದೇವಕ್ ಬೂಕಿತ್ ಕಳಂದತೇಂಗಿಯು ಅದ್‍ಲ್ ನಾನ್ ಕುಶಿ ಪಡುವಿ. ಅನ್ನನೆ ನಡ್ಂದತೇಂಗಿ ಆ ಕುಶೀನ ನಿಂಗೆಲ್ಲಾರು ಪಾಲ್ ಮಾಡಂಡೂಂದ್ ನಾನ್ ಎಣ್ಣ್‌ವಿ.

ಫಿಲಿಪ್ಪಿ 2:27

ಅಂವೊಂಗ್ ನೇರಾಯಿತು ಸೌಕ್ಯ ಇಲ್ಲತೆ ಚತ್ತ್ ಪೋಪನೆಕೆ ಇಂಜತ್. ಆಚೇಂಗಿ ದೇವ ಅನ್ನನೆ ಮಾಡಿತ್‌ಲ್ಲೆ, ದೇವ ಅಂವೊಂಗ್ ಕನಿಕರ ಕಾಂಬ್‍ಚಿಟ್ಟತ್. ಅಂವೊಂಗ್ ಮಾತ್ರ ಅಲ್ಲ ನಾಕ್ ಸಹ ಪುನಃ ಪುನಃ ದುಃಖ ಬರತನೆಕೆ ದೇವ ದಯೆ ಕಾಂಬ್‍ಚಿಟ್ಟತ್.

ಫಿಲಿಪ್ಪಿ 4:10

ನಾಡ ಕಷ್ಟತ್‍ಲ್ ನಾಕ್ ಸಹಾಯ ಮಾಡ್‌ವಕ್ ಪುನಃ ನಿಂಗ ಮನಸ್ಸ್ ಮಾಡ್‍ನಗುಂಡ್ ದೇವಡ ಪಕ್ಕ ನಾನ್ ಕುಶೀಲ್ ಉಳ್ಳ; ಇನ್ನನೆ ಮಾಡ್‌ವಕ್ ನಿಂಗ ಗೇನಮಾಡಿಯಂಡಿಂಜಿರ, ಆಚೇಂಗಿ ಅದ್ಂಗುಳ್ಳ ಸಮಯ ಮಾತ್ರ ನಿಂಗಕ್ ಕ್‍ಟ್ಟಿತ್ಂಜಿತ್‌ಲ್ಲೆ.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

ಫಿಲೆಮೋನ 1:13

ಕ್ರಿಸ್ತಂಡ ನಲ್ಲ ಸುದ್ದಿರಗುಂಡ್ ಕೈದಿಯಾಯಿತುಳ್ಳ ನಾಕ್ ಸೇವೆ ಮಾಡ್‌ವಕಾಯಿತ್ ನೀಕ್ ಬದ್‍ಲಾಯಿತ್ ಅಂವೊನ ನಾಡ ಪಕ್ಕ ಬೆಕ್ಕಂಡೂಂದ್ ನಾಡ ಆಸೆ.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.