ಫಿಲಿಪ್ಪಿ 2:25 - ಕೊಡವ ಬೈಬಲ್

²⁵ ನಾಡ ತಮ್ಮಣನು, ನಾಡ ಕೂಡೆ ಸೇವೆ ಮಾಡ್‌ವಂವೊನು, ಒರ್ ಪಟ್ಟಾಳಕಾರನೆಕೆ ನಾಡ ಕೂಡೆ ನಿಪ್ಪಂವೊನು, ನಾಕ್ ಸಹಾಯ ಮಾಡ್‌ವಕ್ ನಿಂಗ ಅಯಿಚಂವೊನು ಆಯಿತುಳ್ಳ ಎಪಫ್ರೊದೀತನ ನಿಂಗಡ ಪಕ್ಕ ಪುನಃ ಅಯಿಕಂಡೂಂದ್ ಗೇನ ಮಾಡ್‍ನ.

ಫಿಲಿಪ್ಪಿ 2:25 Iomraidhean Croise

ಜ್ಞಾನತ್‌ರ ಪಡಿಮ 25:13

ಕೊಯ್ಯಿಪಣಿರ ಕಾಲತ್‌ ಮಂಜಿರ ತಂಪ್ ಎನ್ನನೆ ಇಪ್ಪೊ, ಅನ್ನನೆ ನಂಬಿಕಸ್ತನಾನ ದೂತನು ಇಪ್ಪ. ಅಂವೊ ತಾಂಡ ಒಡೆಯಂಡ ಆತ್ಮತ್‌ನ ತಂಪಾಯಿತ್‌ ಮಾಡುವ.

ಯೋಹಾನ 13:16

ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ: ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೆ. ಸುದ್ದಿ ಎಡ್‌ತ ಪೋಪಂವೊ, ಅಂವೊನ ಅಯಿಚಂವೊಗಿಂಜ ಬಲ್ಯಂವೊನಾಯಿಯತ್‌ಪ್ಪುಲೆ.

ಯೋಹಾನ 17:18

ನೀನ್ ನನ್ನ ಲೋಕಕ್ ಅಯಿಚನೆಕೆ ನಾನ್ ಅಯಿಂಗಳ ಲೋಕಕ್ ಅಯಿಪಿ.

ರೋಮ್ 16:3

ಕ್ರಿಸ್ತ ಯೇಸುರಲ್ಲಿ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಕೂಡೆ ಸೇವ ಮಾಡ್‍ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲಂಗು ನಾಡ ವಂದನೆ ಎಣ್ಣಿ.

ರೋಮ್ 16:9

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಡ ಕೂಡೆ ಸೇವೆ ಮಾಡ್‍ನ ಉರ್ಬಾ ಎಣ್ಣ್‌ವಂವೊಂಗು, ನಾಡ ಪ್ರೀತಿರ ಸ್ತಾಖು ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

1 ಕೊರಿಂಥ 3:9

ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

2 ಕೊರಿಂಥ 2:13

ಆಚೇಂಗಿಯು, ಅಲ್ಲಿ ನಾಡ ಪ್ರೀತಿರ ತಮ್ಮಣನಾನ ತೀತನ ಕಾಂಗತಗುಂಡ್, ನಾಡ ಮನಸ್ಸ್‌ಕ್ ಸಮಾದಾನ ಇಲ್ಲತಾಚಿ. ಆನಗುಂಡ್, ನಾನ್ ಪೊರಟಿತ್ ಪೋಪೀಂದ್ ಅಯಿಂಗಕ್ ಎಣ್ಣಿತ್, ಮಕೆದೋನ್ಯ ಪ್ರಾಂತ್ಯಕ್ ಪೋಯೆ.

ಫಿಲಿಪ್ಪಿ 2:26

ಅಂವೊ ನಿಂಗಳ ಕಾಂಗಂಡೂಂದ್ ದುಂಬ ಆಸೇಲ್ ಇಂಜತ್. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ಸೌಕ್ಯ ಇಲ್ಲತದ್ ನಿಂಗಕ್ ಗೊತ್ತಾನಗುಂಡ್ ಅಂವೊ ದುಂಬ ವ್ಯಸನ ಪಟ್ಟತ್.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

ಫಿಲಿಪ್ಪಿ 4:3

ನಾಡ ಕೂಡೆ ಸೇವೇಲ್ ಇಂಜ ಸತ್ಯತ್‍ರ ಕೂಟಾಳಿಯೇ, ಈ ದಂಡ್ ಪೊಣ್ಣಾಳ್‍ವಳ ಸಮಾದಾನತ್‍ಲ್ ಇಪ್ಪಕ್ ಸಹಾಯ ಮಾಡ್‍ೕಂದ್ ನಿನ್ನ ಬೋಡುವಿ. ಎನ್ನಂಗೆಣ್ಣ್‌ಚೇಂಗಿ, ಕ್ಲೇಮೆನ್ಸ್ ಪಿಂಞ ಬೋರೆ ನಾಡ ಕೂಡೆ ಸೇವೆ ಮಾಡ್‌ವಯಿಂಗ ಕ್ರಿಸ್ತಂಡ ನಲ್ಲ ಸುದ್ದಿನ ನೇರಾಯಿತು ಎಣ್ಣ್‌ವಕ್ ದುಂಬ ಕಷ್ಟಪಟ್ಟತ್, ಅಯಿಂಗಡ ಪೆದಯೆಲ್ಲಾ ಜೀವ ಪುಸ್ತಕತ್‍ಲ್ ಒಳ್‍ದಿತ್ ಉಂಡ್.

ಕೊಲೊಸ್ಸೆ 1:7

ಅದ್‍ನ ನಿಂಗ ನಂಗಡ ಕೂಡೆ ಸೇವೆ ಮಾಡ್‌ವ ಪ್ರೀತಿರ ಎಪಫ್ರಯಿಂಜ ಪಡಿಚಿರ. ಅಂವೊ ನಿಂಗಕಾಯಿತ್ ಕ್ರಿಸ್ತಂಡಲ್ಲಿ ನೇರಾನ ಸೇವಕನಾಯಿತುಂಡ್.

ಕೊಲೊಸ್ಸೆ 4:11

ಯೇಸೂಂದ್ ಪೆದ ಉಳ್ಳ ಯೂಸ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಯೆಹೂದ್ಯಂಗಡಡೆ‍ಲ್ ಈಂಗ ಮಾತ್ರ ನಾಡ ಕೂಡೆ ದೇವಡ ರಾಜ್ಯತ್‍ರ ಸೇವೇನ ಮಾಡಿಯಂಡ್, ನಾಕ್ ದುಂಬ ಒತ್ತಾಸೆ ತಂದಂಡುಂಡ್.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.