ಫಿಲಿಪ್ಪಿ 2:12 - ಕೊಡವ ಬೈಬಲ್

¹² ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಫಿಲಿಪ್ಪಿ 2:12 Iomraidhean Croise

ಜ್ಞಾನತ್‌ರ ಪಡಿಮ 10:16

ನೀತಿವಂತಂವೊಂಡ ನಯಿಪ್ ಜೀವತ್‌ನೂ, ದುಷ್ಟಂಡ ಆದಾಯ ಪಾಪತ್‌ನೂ ಉಂಟ್ ಮಾಡ್‌ವ.

ಜ್ಞಾನತ್‌ರ ಪಡಿಮ 13:4

ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಮತ್ತಾಯ 11:12

ದೀಕ್ಷಾಸ್ನಾನ ತಪ್ಪ ಯೋಹಾನ ಪರಲೋಕ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕ್ ಸುರು ಮಾಡ್‍ನ ಕಾಲತ್ಂಜ ಇಲ್ಲಿಕತ್ತನೆ, ಪರಲೋಕ ರಾಜ್ಯ ಬಲ್ಯದಾಯಂಡುಂಡ್ ಪಿಂಞ ಜನ ಅದ್‍ನ ಅಯಿಂಗಡ ಅಡಿಕ್ ಕೊಂಡ್ ಬಪ್ಪಕ್ ಪ್ರಯತ್ನಪಟ್ಟಂಡುಂಡ್; ಆಚೇಂಗಿ ಅದ್ಂಡಮೇಲೆ ಕುಶಿಯುಳ್ಳಯಿಂಗಡಗುಂಡ್ ಪರಲೋಕ ರಾಜ್ಯ ಮಿಂಞಕ್ ಪೋಯಂಡುಂಡ್.

ಮತ್ತಾಯ 11:29

ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ.

ಅಪೊಸ್ತಲ 16:29

ಅಕ್ಕ ಅಂವೊ ಬೊಳ್‌ಚತ್‍ನ ಎಡ್‌ತ ಬಪ್ಪಕ್ ಎಣ್ಣಿತ್, ಒಳ್‍ಕ್ ಓಡಿ ಬಂದಿತ್ ನಡ್‍ಗಿಯಂಡ್ ಪೌಲ ಪಿಂಞ ಸೀಲಂಡ ಮಿಂಞತ್ ಅಡ್ಡ ಬುದ್ದತ್.

ಅಪೊಸ್ತಲ 9:6

ಇಕ್ಕ ನೀನ್ ಎದ್ದಿತ್ ಊರ್‌ರ ಒಳ್‍ಕ್ ಪೋ, ನೀನ್ ಎಂತ ಮಾಡಡೂಂದ್ ಉಳ್ಳದ್‍ನ ಅಲ್ಲಿ ನೀಕ್ ಎಣ್ಣುವಾಂದ್ ಎಣ್ಣ್‌ಚಿ.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

1 ಕೊರಿಂಥ 2:3

ನಾನ್ ನಿಂಗಡ ಪಕ್ಕ ಬೋದನೆ ಮಾಡ್‌ವಕ್ ಬಲ ಇಲ್ಲತೆ, ಒಂದು ಮಾಡ್‌ವಕ್ ಕಯ್ಯತೆ, ದುಂಬ ಬೊತ್ತಿತ್ ನಡ್‍ಗಿಯಂಡ್ ಇಂಜ್.

1 ಕೊರಿಂಥ 4:14

ನಿಂಗಕ್ ಞಾಣ ಆಂಡೂಂದ್ ನಾನ್ ಇದ್‍ನೆಲ್ಲಾ ಒಳ್‍ದಿಯಂಡಿಲ್ಲೆ, ನಾಡ ಪ್ರೀತಿರ ಮಕ್ಕಡರನೆಕೆ ಉಳ್ಳಗುಂಡ್ ನಿಂಗಕ್ ಎಚ್ಚರ ಮಾಡಿಯೆ.

2 ಕೊರಿಂಥ 7:15

ನಿಂಗ ಪೋಡಿಲ್ ಪಿಂಞ ನಡ್‍ಗಿಯಂಡ್ ಅಂವೊನ ಸ್ವೀಕಾರ ಮಾಡಿತ್ ನಿಂಗ ಎಲ್ಲಾರು ತಗ್ಗಿತ್ ನಡ್ಂದದ್‍ನ ಅಂವೊ ಗೇನ ಮಾಡ್‌ವಕ, ಅಂವೊಂಡ ಮನಸ್ಸ್‌ಲ್ ನಿಂಗಡ ಮೇಲೆ ಇಂಞು ದುಂಬ ಪ್ರೀತಿ ಆಯಂಡುಂಡ್.

ಎಫೆಸ 6:5

ಅಡಿಯಾಳ್‌ವಳೇ, ನಿಂಗ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಈ ಲೋಕತ್‍ರ ನಿಂಗಡ ಎಜಮಾನಂಗಕ್ ಬೊತ್ತಿತ್, ಪಿಂಞ ನಡ್‍ಗಿಯಂಡ್, ಕಪಟಯಿಲ್ಲತ ಮನಸ್ಸ್‌ಲ್ ನಡ್‌ಕಂಡು.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 1:29

ನಿಂಗಕ್, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಬಾಗ್ಯ ಮಾತ್ರ ಅಲ್ಲ, ಅಂವೊಂಗಾಯಿತ್ ನೊಂಬಲ ಎಡ್‍ತವಕೂ ಬಾಗ್ಯ ಕ್‍ಟ್ಟ್‌ಚಿ.

ಫಿಲಿಪ್ಪಿ 1:5

ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವ ವಿಷಯತ್‍ಲ್ ನಿಂಗ ಅಂವೊನ ನಂಬ್‍ನ ದಿನತ್ಂಜ ಇಲ್ಲಿಕತ್ತನೆ ನಿಂಗ ನಾಡ ಕೂಡೆ ಪಾಲ್‍ದಾರಂಗಳಾಯಿತುಳ್ಳಿರ.

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

ಫಿಲಿಪ್ಪಿ 2:19

ಒಡೆಯನಾನ ಯೇಸುಕ್ ಚಿತ್ತ ಉಂಡೇಂಗಿ, ತಿಮೊಥೆಯನ ನಿಂಗಡ ಪಕ್ಕ ಬೆರಿಯ ಅಯಿಕಂಡೂಂದ್ ಗೇನ ಮಾಡಿತುಳ್ಳ. ಅಂವೊ ನಾಡ ಪಕ್ಕ ಬಂದಿತ್ ನಿಂಗಡ ವಿಷಯತ್‍ನ ಎಣ್ಣಿತ್ ನನ್ನ ಕುಶಿಪಡ್‌ತ್‌ವ.

ಫಿಲಿಪ್ಪಿ 4:1

ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

ಫಿಲಿಪ್ಪಿ 4:15

ಫಿಲಿಪ್ಪಿ ಪಟ್ಟಣತ್‍ರ ದೇವಡ ಮಕ್ಕಳೇ, ದೇವಡ ನಲ್ಲ ಸುದ್ದಿನ ನಾನ್ ಮಕೆದೋನ್ಯತ್ಂಜ ಎಣ್ಣಿಯಂಡ್ ಪೋಪಕ ಪಣ ಸಹಾಯ ಮಾಡ್‌ವ ವಿಷಯತ್‍ಲ್ ನಿಂಗ ಮಾತ್ರ ನಾಕ್ ಅಯಿಚದಲ್ಲತೆ ಬೋರೆ ಏದ್ ಸಬೇಯು ಅಯಿಚಿತ್‌ಲ್ಲೇಂದ್ ನಿಂಗಕೇ ಗೊತ್ತುಂಡ್.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.

ಇಬ್ರಿಯ 4:1

ದೇವ ತಪ್ಪ ಆರಾಮ್‍ರ ಜಾಗಕ್ ಪೋಪಕುಳ್ಳ ವಾಗ್ದಾನ ನಂಗಕ್ ಇಂಞು ಉಳ್ಳಗುಂಡ್, ನಿಂಗಡಲ್ಲಿ ಒಬ್ಬ ಸಹ ಅಲ್ಲಿಕ್ ಎತ್ತ್‌ವಕ್ ಆಪುಲೇಂದ್ ಗೊತ್ತಾಕತನೆಕೆ ಪೋಡಿಲ್ ಬದ್‍ಕಂಡು.

ಇಬ್ರಿಯ 4:11

ಆನಗುಂಡ್, ನಂಗಡಲ್ಲಿ ಒಬ್ಬನು ಅಯಿಂಗಡನೆಕೆ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋಕತನೆಕೆ, ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು. ಆನಗುಂಡ್, ಅಯಿಂಗ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋನನೆಕೆ, ನಂಗಡಲ್ಲಿ ಒಬ್ಬನು ಬುದ್ದ್‌ ಪೋಕತನೆಕೆ ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು.

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.