ಫಿಲಿಪ್ಪಿ 1:25 - ಕೊಡವ ಬೈಬಲ್

²⁵ ನಾಕ್ ಇದ್ ಚಾಯಿತೆ ಗೊತ್ತುಳ್ಳಗುಂಡ್, ನಾನ್ ನಿಂಗಕಾಯಿತ್ ಕಂಡಿತವಾಯಿತ್ ಬದ್‌ಕಿತ್, ನಿಂಗಡ ಕೂಡೆ ಇಂಜಿತ್ ನಿಂಗ ಮಿಂಞಕ್ ಪೋಪಾನ ನೋಟಿತ್, ನಿಂಗಡ ಕುಶೀರ ನಂಬಿಕೆ ದುಂಬ ಆಪನೆಕೆ ಸಹಾಯ ಮಾಡ್‌ವಿ.

ಫಿಲಿಪ್ಪಿ 1:25 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 20:25

ನೋಟಿ: ಇಚ್ಚಕ್ ದಿವಸ ನಿಂಗಡ ಕೂಡೆ ವಾಸ ಮಾಡಿತ್, ದೇವಡ ರಾಜ್ಯತ್‍ರ ಸತ್ಯತ್‍ನ ಬೋದನೆ ಮಾಡ್‍ನ ನನ್ನ ಇಂಞು ಮಿಂಞಕ್ ನಿಂಗಡಲ್ಲಿ ಒಬ್ಬನು ನಾಡ ಮೂಡ್‍ನ ಕಾಂಬ್‍ಲೇಂದ್ ನಾಕ್ ಇಕ್ಕ ಗೊತ್ತುಂಡ್.

ರೋಮ್ 15:13

ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ನಿಂಗಡ ನಿರೀಕ್ಷೆ ಬಲ್ಯದಾಪಕಾಯಿತ್, ನಿರಿಕ್ಷೇರ ದೇವ, ನಂಬಿಕೇರ ಮೂಲಕ ಕ್‍ಟ್ಟುವ ಎಲ್ಲಾ ಕುಶೀರಗುಂಡ್ ಸಮಾದಾನತ್‍ರಗುಂಡ್ ನಿಂಗಳ ದುಂಬ್‌ಚಿಡಡ್.

ರೋಮ್ 15:18

ಯೆಹೂದ್ಯಂಗ ಅಲ್ಲತಯಿಂಗಳ ನಾಡ ತಕ್ಕ್ ಪಿಂಞ ನಾಡಗುಂಡ್ ದೇವ ಮಾಡ್‍ನ ಕ್ರಿಯೆರ ಶಕ್ತಿರ ಮೂಲಕ ಅಂವೊಂಗ್ ತಗ್ಗಿತ್ ನಡ್‍ಪನೆಕೆ ಮಾಡಿತ್, ದೇವಡ ಆತ್ಮತ್‍ರ ಶಕ್ತಿರಗುಂಡ್ ಮಾಡ್‍ನ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯ ಅಲ್ಲತೆ ಬೋರೆ ಒರ್ ವಿಷಯತ್‍ನ ಎಣ್ಣ್‌ವಕ್ ನಾಕ್ ದೈರ್ಯ ಇಲ್ಲೆ.

ರೋಮ್ 15:29

ನಾನ್ ನಿಂಗಡ ಪಕ್ಕ ಬಪ್ಪಕ ಕ್ರಿಸ್ತಂಡ ಪೂರ್ತಿ ಆಶೀರ್ವಾದತ್‍ರ ಅಳ್‌ತೆಲ್ ಬಪ್ಪೀಂದ್ ನಾಕ್ ಗೊತ್ತುಂಡ್.

ರೋಮ್ 5:2

ಇಕ್ಕ ನಂಗ ಸ್ತಿರವಾಯಿತ್ ನಿಂದಂಡುಳ್ಳ ಈ ಕೃಪೇರ ಒಳ್‍ಕ್ ಪೋಪಕುಳ್ಳ ಬಟ್ಟೇನ ನಂಬಿಕೇರ ಮೂಲ ಪಡ್ಂದಿತ್, ದೇವಡ ಮಹಿಮೆಲ್ ನಂಗ ಪಾಲ್‍ದಾರಂಗಳಾಪಾಂದ್ ಉಳ್ಳ ನಿರಿಕ್ಷೇಲ್ ಹೊಗಳಿಯಂಡುಂಡ್.

2 ಕೊರಿಂಥ 1:24

ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.

ಫಿಲಿಪ್ಪಿ 1:24

ನಾನ್ ಕ್ರಿಸ್ತಂಡ ಪಕ್ಕ ಪೋಪದೇ ನಾಡ ಬಲ್ಯ ಆಸೆ, ಆಚೇಂಗಿ ನಾನ್ ನಿಂಗಕಾಯಿತ್ ಬದ್‍ಕಿತಿಪ್ಪದೇ ನಲ್ಲದ್.

ಫಿಲಿಪ್ಪಿ 2:24

ನಾನೇ ನಿಂಗಡ ಪಕ್ಕ ಬೆರಿಯ ಬಪ್ಪೀಂದ್ ಒಡೆಯಂಡ ಮೇಲೆ ನಾಕ್ ನಂಬಿಕೆ ಉಂಡ್.

ಫಿಲೆಮೋನ 1:22

ನೀಡ ಪ್ರಾರ್ಥನೆನ ದೇವ ಕ್‍ೕಟಿತ್ ನನ್ನ ನೀಡ ಪಕ್ಕ ಬಪ್ಪಕ್ ಅನುಗ್ರಹ ಮಾಡ್‌ವಾಂದ್ ನಾನ್ ನಂಬಿಯಂಡ್ ಉಳ್ಳ. ಆನಗುಂಡ್ ನಾಕ್ ಒರ್ ಕೋಂಬರೆನ ನೀನ್ ತಯಾರ್ ಮಾಡ್.

1 ಪೇತ್ರ 1:8

ನಿಂಗ ಅಂವೊನ ಕಂಡಿತಿಲ್ಲೆ, ಆಚೇಂಗಿಯು ನಿಂಗ ಅಂವೊನ ಪ್ರೀತಿ ಮಾಡ್‌ವಿರ; ಇಕ್ಕ ನಿಂಗ ಅಂವೊನ ಕಾಂಗತ ಪೋನಕ ಸಹ, ನಿಂಗ ಅಂವೊನ ನಂಬುವಿರ. ನಿಂಗ ಎಣ್ಣುವಕಯ್ಯತನೆಕೆ, ಮಹಿಮೆಲ್ ದುಂಬ್‍ನ ಅಚ್ಚಕ್ ಕುಶೀಲ್ ಇಪ್ಪಿರ.