ಮಾರ್ಕ 7:3 - ಕೊಡವ ಬೈಬಲ್

³ ಎನ್ನಂಗೆಣ್ಣ್‌ಚೇಂಗಿ ಫರಿಸಾಯಂಗ ಪಿಂಞ ಯೆಹೂದ್ಯಂಗೆಲ್ಲರು, ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿರ ಪ್ರಕಾರ ಕೈಯಿನ ಕತ್ತತೆ ಉಂಬಕಿಂಜಿಲೆ.

ಮಾರ್ಕ 7:3 Iomraidhean Croise

ಮಾರ್ಕ 7:13

ಇನ್ನನೆ ನಿಂಗಡ ಆಚಾರತ್‍ರಗುಂಡ್ ದೇವಡ ವಾಕ್ಯತ್‍ನ ಅವಮಾನಮಾಡ್‌ವಿರ. ಅನ್ನನೆ ನಿಂಗ ಬೋರೆ ವಿಷಯತತ್‌ಲ್ ಸಹ ಮಾಡಿಯಂಡುಂಡ್.

ಮಾರ್ಕ 7:5

ಅದ್ಂಗ್ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಂವೊನ ನೋಟಿತ್: ಎನ್ನಂಗ್ ನೀಡ ಶಿಷ್ಯಂಗ ಪೂರ್ವ ಕಾಲತ್‍ರ ಪೆರಿಯಯಿಂಗ ಎಣ್ಣ್‌ನ ಪದ್ದತಿರ ಪ್ರಕಾರ ಮಾಡತೆ, ಕೈಯಿನ ಕತ್ತತೆ ಉಂಬಾಂದ್ ಯೇಸುನ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:38

ಯೇಸು ಉಂಬಕಿಂಜಿ ಮಿಂಞ ಕೈ ಕತ್ತತೆ ಉಂಬಕ್ ಅಳ್‌ತದ್‌ನ ಕಂಡಿತ್ ಆ ಫರಿಸಾಯಂಗ್ ಆಶ್ಚರ್ಯ ಆಚಿ.

ಯೋಹಾನ 2:6

ಆ ಜಾಗತ್‍ಲ್, ಯೆಹೂದ್ಯಂಗ ತಂಗಡ ಪದ್ದತಿರ ಪ್ರಕಾರ ಅಯಿಂಗಳ ಶುದ್ದ ಮಾಡ್‌ವಕಾಯಿತ್ ನೀರ್ ಬೆಪ್ಪಕುಳ್ಳ ಆರ್ ಕಲ್ಲ್‌ರ ಬರಣಿ ಇಂಜತ್. ಓರೋರ್ ಬರಣಿಯು ದಂಡ್ ಅಲ್ಲ ಮೂಂದ್ ಬಿಂದಿಗೆ ನೀರ್ ದುಂಬ್‌ವಚ್ಚಕ್ ಬಲ್ಯದಾಯಿತ್ಂಜತ್.

ಗಲಾತ್ಯ 1:14

ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

1 ಪೇತ್ರ 1:18

ನಿಂಗಡ ಮುತ್ತಜ್ಜಂಗಡ ಪದ್ದತಿರ ಪ್ರಕಾರ, ಪ್ರಯೋಜನ ಇಲ್ಲತ ನಿಂಗ ಮಾಡಿಯಂಡ್ ಬಂದ, ಪಾಳಾಯಿ ಪೋಪ ಪೊನ್ನ್ ಬೊಳ್ಳಿರಗುಂಡ್ ನಿಂಗಡ ಪಾಪತ್‍ರ ಶಿಕ್ಷೆಯಿಂಜ ನಿಂಗಳ ಬುಡ್‍ತಿತ್‌ಲ್ಲೆ.