ಮಲಾಕಿ 3:2 - ಕೊಡವ ಬೈಬಲ್

² ಆಚೇಂಗಿಯು ಅಂವೊ ಬಪ್ಪ ದಿವಸತ್‌ನ ದಾರ್‌ ಸೈಸುವಕಯ್ಯು? ಅಂವೊ ಪ್ರತ್ಯಕ್ಷ ಆಪಕ ದಾರ್‌ಕ್‌ ನಿಪ್ಪಕಯ್ಯು? ಅಂವೊ ಬೊಳ್ಳಿನ ಚುಟ್ಟಿತ್‌ ಶುದ್ದ ಮಾಡ್‌ವಂವೊನೆಕೆಯು ಇಲ್ಲತ ಪೋಚೇಂಗಿ ಬಟ್ಟೆ ಒಲೀಪ್ಪಂವೊಂಡ ಸೋಪ್ಪ್‌ರನೆಕ್ಕಯ ಇಪ್ಪ.

ಮಲಾಕಿ 3:2 Iomraidhean Croise

ಆದ್ಯತ್‌ರ ಪುಸ್ತಕ 19:28

ಸೊದೋಮ್‌ ಗೊಮೋರ ಪಟ್ಟಣತ್‌ರ ಕಡೆಕು ಪಿಂಞ ಎಲ್ಲಾ ಸಮತಟ್ಟ್‌ ಬೂಮಿರ ಕಡೆಕು ನೋಟ್‌ವಕ, ಒರ್‌ ಪೊಗೆ ಕೊಳಪೆಯಿಂಜ ಬಪ್ಪ ಪೊಗೆರನೆಕೆ ಆ ಪಟ್ಟಣತ್‌ಂಜ ಪೊಗೆ ಬಪ್ಪದ್‌ನ ಕಂಡತ್.

ಜ್ಞಾನತ್‌ರ ಪಡಿಮ 25:4

ಬೊಳ್ಳಿಯಿಂಜ ಕಚ್ಚಡತ್‌ನ ನೀಕಿರ್, ಅದ್‌ಲ್ಲಿಂಜ ತಟ್ಟ ಒರ್‌ ಪಾತ್‌ರತ್‌ನ ಮಾಡುವಕಯ್ಯು.

ಮಲಾಕಿ 4:1

ಇದಾ, ಕಡಾಯ ತೊಲೆ ತಿತ್ತ್‌ಲ್‌ ಕತ್ತ್‌ವನೆಕೆ ಒರ್‌ ದಿವಸ ಬಪ್ಪ. ಅಕ್ಕ ಆಂಗಾರಿಯ ಎಲ್ಲಾರು, ವಂಚನೆ ಮಾಡುವಯಿಂಗ ಎಲ್ಲಾರು ಒಣಂಗ್‌ನ ಎಲ್ಕಂಡರನೆಕೆ ಇಪ್ಪ. ಬಪ್ಪ ಆ ದಿವಸ ಅಯಿಂಗಳ ಚುಟ್ಟ್‌ರ್‌ವ. ಅದ್‌ ಬೇರ್‌ ಪಿಂಞ ಕೊಂಬ್‌ನ ಸತ ಅಯಿಂಗಕ್‌ ಉಳಿಕೆ ಮಾಡುಲೆ.

ಮತ್ತಾಯ 25:10

ಅಯಿಂಗ ಎಣ್ಣೆ ಎಡ್‌ತ ಬಪ್ಪಕ್ ಪೋಯಿತಿಪ್ಪಕ ಮಂಗಲಕಾರ ಬಾತ್. ತಯಾರ್ ಆಯಿತ್ಂಜಯಿಂಗ ಅಂವೊಂಡ ಕೂಡೆ ಮಂಗಲತ್‍ರ ಮನೆಕ್ ಪೋಚಿ; ಅಲ್ಲಿಂಜ ಪಡಿ ಇಟ್ಟ್‌ರ್‌ತ್.

ಮಾರ್ಕ 9:3

ಬೂಲೋಕತ್‍ಲ್ ಏದ್ ಮಡಿವಾಳಂಗೂ ಅಚ್ಚಕ್ ಬೊಳ್‌ತಿತೆ ಒಲಿಪಕ್ ಕಯ್ಯತಚ್ಚಕ್ ಯೇಸುರ ಬಟ್ಟೆ ಬೊಳ್‌ತಿತ್, ಮಿನ್ನ್‌ವಕ್ ಸುರ್ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:17

ಅಂವೊಂಡ ಕೈಯಿಲ್ ಒರ್ ಪಾತ್‍ಮೊರ ಉಂಡ್, ಅದ್‍ನಗುಂಡ್ ಅಂವೊ ತಾಂಡ ಕಳತ್‌ನ ಶುದ್ದ ಮಾಡಿತ್ ಪಿಲ್ಲ್‌ಕಾಳ್‌ನ ಗೋದಿ ಕಾಳ್‌ಯಿಂಜ ಬೋರೆ ಮಾಡಿತ್ ತಾಂಡ ಗೋದಿ ಕಾಳ್‌ನ ಪತ್ತಾಯ ಕೋಂಬರೆಲ್ ದುಂಬ್‌ಚಿಡ್‌ವ; ಪಿಲ್ಲ್‌ಕಾಳ್‌ನ ಕೆಡತ ತಿತ್ತ್‌ಲ್ ಚುಡ್‌ವಾಂದ್ ಎಣ್ಣಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:9

ಇಕ್ಕಲೆ ಕೊಡಲಿನ ಮರತ್‍ರ ಬೇರ್‌ರ ಪಕ್ಕ ಬೆಚ್ಚಿತುಂಡ್. ಆನಗುಂಡ್ ನಲ್ಲ ಪಣ್ಣ್ ತರತ ಮರತ್‌ನೆಲ್ಲಾ ಕೆತ್ತಿತ್ ತಿತ್ತ್‌ಕ್ ಇಡ್‍ವಾಂದ್ ಅಂವೊ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:23

ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 8:55

ಆಚೇಂಗಿಯು ಅಂವೊನ ನಿಂಗಕ್ ಗೊತ್ತ್‌ಲ್ಲೆ, ನಾಕ್ ಅಂವೊನ ಗೊತ್ತುಂಡ್; ಅಂವೊನ ನಾಕ್ ಗೊತ್ತ್‌ಲ್ಲೇಂದ್ ನಾನ್ ಎಣ್ಣ್‌ಚೇಂಗಿ, ನಾನ್ ನಿಂಗಡನೆಕೆ ಪೊಟ್ಟ್‌ಮಾರಿಯಾಯಿತ್‌ಪ್ಪಿ. ನಾಕ್ ಅಂವೊನ ಗೊತ್ತುಂಡ್, ಅಂವೊಂಡ ತಕ್ಕ್‌ಕ್ ನಾನ್ ಬಗ್ಗಿತ್ ನಡ್‍ಂದಿಯೆ.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಪ್ರಕಟನೆ 19:8

ಶುದ್ದವಾಯಿತುಳ್ಳ ಮಿನ್ನುವ ನಾರ್ ಬಟ್ಟೇನ ಅವ ಇಡ್‌ವಕಾಯಿತ್ ಕೊಡ್‍ತತ್. ಆ ನಾರ್ ಬಟ್ಟೆ ಎಣ್ಣುವದ್ ಪವಿತ್ರವಾನ ದೇವಡ ಮಕ್ಕಡ ನೀತಿಯೇ.

ಪ್ರಕಟನೆ 2:23

ಅವಡ ಮಕ್ಕಳ ಚಾವನೆಕೆ ಕೊಲ್ಲುವಿ; ಅಕ್ಕ ನಾನ್ ಮಾತ್ರ ಹೃದಯತ್‍ರ ಪಿಂಞ ಮನಸ್ಸ್‌ರ ಆಳತ್‍ನ ಚಾಯಿ ಪರೀಕ್ಷೆ ಮಾಡ್‌ವಂವೊನಾಯಿತ್ ಉಳ್ಳ್‌ಂದ್ ಎಲ್ಲಾ ಸಬೇಕು ಗೊತ್ತಾಪ. ಅದಲ್ಲತೆ ನಿಂಗಡಲ್ಲಿ ಒಬ್ಬೊಬ್ಬಂಗು ಅಯಿಂಗಯಿಂಗಡ ಕ್ರಿಯೇಕ್ ತಕ್ಕಂತ ಫಲತ್‍ನ ತಪ್ಪಿ.

ಪ್ರಕಟನೆ 6:17

ಅಂವೊಂಡ ಬಲ್ಯ ಚೆಡಿರ ಬಲ್ಯ ದಿವಸ ಬಾತ್, ದಾರ್‌ಕ್ ನಿಪ್ಪಕ್ ಕಯ್ಯೂಂದ್ ಎಣ್ಣ್‌ಚಿ.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.