ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:3 - ಕೊಡವ ಬೈಬಲ್

³ ಈ ಅದಿಕಾರಿಕ್ ಯೇಸು ಬಂದದ್ ಗೊತ್ತಾನಗುಂಡ್, ಅಂವೊ, ಬಂದಿತ್ ತಾಂಡ ಆಳ್‌ನ ವಾಸಿ ಮಾಡಂಡೂಂದ್ ಬೋಡ್‍ವಕ್ ಯೆಹೂದ್ಯ ಮುಕ್ಯಸ್ತಂಗಳ ಅಂವೊಂಡ ಪಕ್ಕ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:3 Iomraidhean Croise

ಮತ್ತಾಯ 8:5

ಯೇಸು ಕಪೆರ್ನೌಮ್‍ಕ್ ಬಪ್ಪಕ ರೋಮ್ ರಾಜ್ಯತ್‍ರ ಒರ್ ಅದಿಕಾರಿ ಯೇಸುರ ಪಕ್ಕ ಬಂತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:2

ಅಲ್ಲಿ ನೂರ್ ಸಿಪಾಯಿಯಂಗಕ್ ಅದಿಕಾರಿಯಾಯಿತ್ಂಜ ರೋಮ್ ರಾಜ್ಯತ್‍ರ ಒರ್ ಅದಿಕಾರಿಕ್ ಕುಶಿಯುಳ್ಳ ಒರ್ ಆಳ್‍ಕ್ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:4

ಅಯಿಂಗ ಬಂದಿತ್: ನೀನ್ ಕನಿಕರ ಕಾಟ್‍ವಕ್ ಈ ಮನುಷ್ಯ ಯೋಗ್ಯನಾಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:41

ಅಕ್ಕ ಸಬಾಮಂದಿರತ್‍ರ ಅದಿಕಾರಿಯಾಯಿತ್ಂಜ ಯಾಯೀರ ಎಣ್ಣುವ ಒರ್ ಮನುಷ್ಯ ಬಂದಿತ್ ಯೇಸುರ ಕಾಲ್‌ಕ್ ಬೂವಂಜಿ, ಪನ್ನೆರಂಡ್ ಬಯಿತ್ ಉಳ್ಳ ತಾಂಡ ಒರೇ ಮೋವ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಉಂಡ್, ನಿಂಗ ನಾಡ ಮನೆಕ್ ಬಾರಿ ಎಣ್ಣಿಯಂಡ್ ಬೋಡಿಯಂಡತ್. ಯೇಸು ಅನ್ನನೆ ಅಂವೊಂಡ ಕೂಡೆ ಮನೆಕ್ ಪೋಪಕ ಅಲ್ಲಿ ದುಂಬ ಜನ ಇಂಜಗುಂಡ್, ಜನ ಅಂವೊನ ನೆರ್‌ಕ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:38

ಆ ಜನಡ ಗುಂಪ್‍ಯಿಂಜ ಒರ್ ಮನುಷ್ಯ ಕೂತ್ ಕೊಡ್‍ತತ್: ನಾಡ ಮೋಂವೊನ ಕಾಪಾಡ್, ನಾಕ್ ಅಂವೊ ಒರೇ ಮೋಂವೊ.

ಯೋಹಾನ 4:47

ಯೇಸು ಯೂದಾಯ ಪ್ರಾಂತ್ಯತ್ಂಜ ಗಲಿಲಾಯಕ್ ಬಾತ್‍ೕಂದ್ ಕ್‍ೕಟಿತ್, ಅಂವೊ, ಯೇಸುರ ಪಕ್ಕ ಬಂದಿತ್, ಚಾವನೆಕೆ ಉಳ್ಳ ನಾಡ ಮೋಂವೊನ ನೀನ್ ಬಂದಿತ್ ವಾಸಿ ಮಾಡಂಡೂಂದ್ ಕ್‍ೕಟಂಡತ್.

ಫಿಲೆಮೋನ 1:10

ಅದ್ ಎಂತ ಎಣ್ಣ್‌ಚೇಂಗಿ, ನಾನ್ ಕೈದಿಯಾಯಿತ್‌ಪ್ಪಕ ಕ್ರಿಸ್ತಂಡ ನಲ್ಲ ಸುದ್ದಿನ ನಂಬಿತ್, ನಾಡ ಮೋಂವೊಂಡನೆಕೆ ಆಯಿತುಳ್ಳ ಒನೇಸಿಮಂಗಾಯಿತ್ ನಿನ್ನ ಬೋಡುವಿ.