ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:2 - ಕೊಡವ ಬೈಬಲ್

² ನಾಪದ್ ದಿವಸ ಸೈತಾನ ಅಂವೊನ ಸೋದನೆ ಮಾಡ್‍ಚಿ. ಆ ದಿವಸತ್‍ಲ್ ಅಂವೊ ಒಂದು ತಿಂದಿತ್‌ಲ್ಲೆ. ಆ ದಿವಸವೆಲ್ಲ ಆನ ಪಿಂಞ ಅಂವೊಂಗ್ ಕೆಲ ಪಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:2 Iomraidhean Croise

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಎಸ್ತೆರ್‌ 4:16

ನೀನ್‌ ಪೋಯಿತ್‌ ಶೂಷನ್‌ ಪಟ್ಟಣತ್‌ಲ್‌ ಕ್‌ಟ್ಟುವ ಎಲ್ಲಾ ಯೆಹೂದ್ಯಂಗಳ ಕೂಟಿತ್, ನಾಕಾಯಿತ್‌ ಬಯಿಟ್ ಪಿಂಞ ಪೊಲಾಕ ಎಣ್ಣ್‌ಚೇಂಗಿ ಮೂಂದ್‌ ದಿವಸ ಕೂಳ್‌ ನೀರ್‌ ಬುಟ್ಟಿತ್‌ ಪಟ್ಟಣಿ ನಿಕ್ಕಂಡು. ಅನ್ನನೆ ನಾನ್‌ ಪಿಂಞ ನಾಡ ಪಣಿಕಾರ್ತಿಯ ಪಟ್ಟಣಿ ನಿಪ್ಪ. ಇದಾನಪಿಂಞ ಕಾನೂನ್‌ಕ್‌ ವಿರುದ್ದವಾಯಿತ್‌ ಇಂಜತೇಂಗಿಯು ನಾನ್‌ ರಾಜಂಡ ಪಕ್ಕ ಪೋಪಿ. ಚಾವದಾವೇಂಗಿ ಚಾವೀಂದ್‌ ಎಣ್ಣಿತ್‌ ಅಯಿಚತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:7

ಇದಲ್ಲತೆ ಅಂವೊನು ಅಂವೊಂಡ ಅದಿಕಾರಿಯಳು ತೀರ್ಮಾನ ಮಾಡ್‌ನ ಆಜ್ಞೆಯಾಯಿತ್‌ ಕೊಡ್‌ತ ಆಜ್ಞೆರ ವಿವರ ಎಂತ ಎಣ್ಣ್‌ಚೇಂಗಿ: ನಿನೆವೆರ ಜನ, ಪ್ರಾಣಿಯ, ಎತ್ತ್‌ಕಡ್‌ಚಿಯ, ಆಡ್‌ಕೊರಿಯ ಸಹ ಏದ್‌ ರಸವು ನೋಟ್‌ವಕ್ಕಾಗ, ತಿಂಬಕು ಕುಡಿಪಕು ಆಗ.

ಮತ್ತಾಯ 21:18

ಪೊಲಾಕ ಯೇಸು, ಯೆರೂಸಲೇಮ್‌ಕ್ ಪೋಯಂಡಿಪ್ಪಕ ಅಂವೊಂಗ್ ದುಂಬ ಕೆಲಪಯಿಪಕ್ ಸುರ್ ಆಚಿ.

ಮತ್ತಾಯ 4:2

ಯೇಸು ನಾಪದ್ ದಿವಸ ಪೋಲ್ ಬಯಿಟ್ ಒಂದು ತಿಂಗತೆ ಪಟ್ಟಣಿ ನಿಂದಂಡಿಂಜಗುಂಡ್, ಅಂವೊಂಗ್ ದುಂಬ ಕೆಲ ಪಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:3

ಅಕ್ಕ ಸೈತಾನ ಯೇಸುನ ನೋಟಿತ್: ನೀನ್ ನೇರಾಯಿತ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಯೋಹಾನ 4:6

ಯಾಕೋಬಂಡ ಕಣತರೆ ಅಲ್ಲಿ ಇಂಜತ್; ಯೇಸು ಪ್ರಯಾಣತ್‍ರಗುಂಡ್ ದುಂಬ ತಳ್ಂದ್ ಪೋಯಿತ್ಂಜತ್, ಆನಗುಂಡ್, ಆ ಕಣತರೆರ ಪಕ್ಕ ಅಂವೊ ಅಳ್‌ತತ್. ಅಕ್ಕ ಮಜ್ಜಣ ಪನ್ನೆರಂಡ್ ಗಂಟೆ ಆಯಿತ್ಂಜತ್.

ಇಬ್ರಿಯ 2:18

ಅನ್ನನೆ, ಅಂವೊ ತಾನೆ ಪರೀಕ್ಷೆಪಟ್ಟಿತ್ ಕಷ್ಟಪಟ್ಟಗುಂಡ್, ನಂಗಕ್ ಪರೀಕ್ಷೆ ಬಪ್ಪಕ, ಸಹಾಯ ಮಾಡ್‌ವಕ್ ಶಕ್ತಿವಂತಂವೊನಾಯಿತುಂಡ್.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.