ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:4 - ಕೊಡವ ಬೈಬಲ್

⁴ ಯೋಸೇಫ, ದಾವೀದ ರಾಜಂಡ ಸಂತಾನಕಾರನಾಯಿತ್ಂಜಗುಂಡ್, ಗಲಿಲಾಯತ್‍ಲ್ ಉಳ್ಳ ನಜರೇತ್ ಎಣ್ಣುವ ಪಟ್ಟಣತ್ಂಜ ಯೂದಾಯ ನಾಡ್‍ಲ್ ಉಳ್ಳ ದಾವೀದ ಪುಟ್ಟ್‌ನ ಬೇತ್ಲೆಹೇಮ್ ಎಣ್ಣುವ ಪಟ್ಟಣಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:4 Iomraidhean Croise

ಆದ್ಯತ್‌ರ ಪುಸ್ತಕ 35:19

ಅನ್ನನೆ ರಾಹೇಲ ಚತ್ತ್‌ಪೋಚಿ. ಅವಳ ಬೇತ್‌ಲೆಹೇಮ್‌ ಎಣ್ಣುವ ಎಫ್ರಾತಂಗ್‌ ಪೋಪ ಬಟ್ಟೆಲ್‌ ಅವಳ ಪೂತತ್.

ಆದ್ಯತ್‌ರ ಪುಸ್ತಕ 48:7

ನಾನ್‌ ಪದ್ದನ್‌ ಅರಾಮ್ಯಿಂಜ ತಿರಿತ್‌ ಬಪ್ಪಕಾಪಕ, ಕಾನಾನ್‌ ದೇಶತ್‌ಲ್‌ ಎಫ್ರಾತಕ್‌ ಎತ್ತ್‌ವಕ್‌ ಇಂಞು ಚೆನ್ನ ದೂರ ಇಪ್ಪಕ ರಾಹೇಲ ಬಟ್ಟೆಲ್‌ ಚತ್ತ್‌ ಪೋಚಿ. ಅವಳ ಅಲ್ಲೇ ಬೇತ್‌ಲೆಹೇಮ್‌ಂದ್‌ ಕಾಕುವ ಎಫ್ರಾತಕ್‌ ಪೋಪ ಬಟ್ಟೆಲ್‌ ಪೂತಂದ್‌ ಎಣ್ಣ್‌ಚಿ.

ಮತ್ತಾಯ 1:20

ಯೋಸೇಫ ಇನ್ನನೆ ಗೇನ ಮಾಡಿಯಂಡಿಪ್ಪಕ, ಒರ್ ಒಡೆಯಂಡ ದೂತ ಅಂವೊಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಿತ್: ದಾವೀದಂಡ ಸಂತಾನಕಾರನಾನ ಯೋಸೇಫನೇ, ಮರಿಯಳ ನೀಡ ಪೊಣ್ಣಾಯಿತ್ ಕೂಟಿಯೊಕ್ ನೀಕ್ ಪೋಡಿ ಬೋಂಡ. ಅವ ಪವಿತ್ರಾತ್ಮತ್‍ರ ಮೂಲಕ ಕೆಲಕರ್ತಿ ಆಚಿ.

ಮತ್ತಾಯ 2:23

ಆನಗುಂಡ್ ಅಂವೊ ನಜರೇತ್ ಎಣ್ಣುವ ಊರ್‌ಕ್ ಪೋಯಿತ್ ವಾಸಮಾಡ್‍ಚಿ. ಅಂವೊನ ನಜರೇತ್ ಎಣ್ಣುವ ಊರ್‌ಕ್ ಕೂಡ್‍ನಂವೋಂದ್ ಕಾಕ್‍ವಾಂದ್ ಪ್ರವಾದಿಯಂಗ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ನಡ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:3

ಎಲ್ಲಾ ಜನಳು ಅಯಿಂಗಡ ಪೆದತ್‍ನ ಪುಸ್ತಕತ್‍ಲ್ ಒಳ್‍ದ್‍ವಕ್ ಅಯಿಂಗಯಿಂಗಡ ಊರ್‌ಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:5

ಅಂವೊ ಮಂಗಲ ಕಯಿಪಕ್ ನಿಶ್ಚಿತಾರ್ಥವಾಯಿತ್ಂಜ ಮರಿಯನ ಕೂಟಿಯಂಡ್ ಪೋಚಿ. ಅಕ್ಕ ಅವ ಕೆಲಕರ್ತಿಯಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:16

ಯೇಸು ಅಂವೊ ಬೊಳ್ಂದ ನಜರೇತ್ ಊರ್‌ಕ್ ಪೋಯಿತ್, ಸಬ್ಬತ್ ದಿನ ಬಪ್ಪಕ ಪದ್ದತಿರ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಅಂವೊ ಓದ್‍ವಕ್ ಎದ್ದ್ ನಿಂದತ್.

ಯೋಹಾನ 1:46

ಅದ್ಂಗ್ ನತಾನಯೇಲ: ನಜರೇತ್ ಊರಿಂಜ ಎಂತಾಚು ನಲ್ಲದ್ ಬಪ್ಪಕಯ್ಯುವಾಂದ್ ಕ್‍ೕಟತ್. ನೀನೇ ಬಂದಿತ್ ನೋಟ್‍ೕಂದ್ ಫಿಲಿಪ್ಪ ಅಂವೊಂಗ್ ಎಣ್ಣ್‌ಚಿ.

ಯೋಹಾನ 7:42

ಕ್ರಿಸ್ತ, ದಾವೀದ ರಾಜಂಡ ಸಂತಾನತ್ಂಜಲೂ, ದಾವೀದಂಡ ಊರಾನ ಬೇತ್ಲೆಹೇಮಿಂಜಲೂ ಬಪ್ಪಾಂದ್ ದೇವಡ ವಾಕ್ಯತ್‍ಲ್ ಉಂಡಲ್ಲಾಂದ್ ಎಣ್ಣ್‌ಚಿ.