ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:3 - ಕೊಡವ ಬೈಬಲ್

³ ಅಲ್ಲಿ ಒರ್ ವಿದವೆ ಇಂಜತ್. ಅವ ಅಂವೊಂಡ ಪಕ್ಕ ಅಕ್ಕಕ್ಕ ಪೋಯಿತ್: ನಾಕು ನಾಡ ವಿರೋದಿಕೂ ತೊಂದರೆ ಉಳ್ಳ ವಿಷಯತ್‍ಲ್ ನಾಕ್ ನ್ಯಾಯ ಕ್‍ಟ್ಟ್‌ವನೆಕೆ ಮಾಡ್‍ೕಂದ್, ಆ ನ್ಯಾಯಾದಿಪತಿನ ಬೋಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:3 Iomraidhean Croise

ಮತ್ತಾಯ 5:25

ದಾರೇಂಗಿ ನಿಂಗಡ ಪಕ್ಕ ಬಂದಿತ್ ನಿಂಗ ತಪ್ಪ್‌ಮಾಡಿತುಳ್ಳಿರಾಂದ್ ನಿಂಗಳ ನ್ಯಾಯಾದಿಪತಿರ ಪಕ್ಕ ಕಾಕಿಯಂಡ್ ಪೋಪಕ, ಆ ವಿಷಯತ್‍ನ ಬಟ್ಟೇಲೇ ಸಮಾದಾನ ಮಾಡಿಯೊಳಿ. ಇಲ್ಲತಪೋಚೇಂಗಿ ನೀಡ ವಿರೋದಿ ನಿನ್ನ ನ್ಯಾಯಾದಿಪತಿಕ್ ಒಪ್ಪ್‌ಚಿಟ್ಟಿತ್, ಪಿಂಞ ಅಂವೊ ನಿನ್ನ ಅದಿಕಾರಿಕ್ ಒಪ್ಪ್‌ಚಿಟ್ಟಿತ್, ನಿನ್ನ ಜೈಲ್‌ಕ್ ಇಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:2

ಒರ್ ಊರ್‌ಲ್ ಒರ್ ನ್ಯಾಯಾದಿಪತಿ ಇಂಜತ್. ಅಂವೊ ದೇವಕು ಬೊತ್ತ್‌ವಕಿಂಜಿಲೆ, ಮನುಷ್ಯಂಗು ಬೆಲೆ ಕೊಡ್‌ಪಕಿಂಜಿಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:4

ದುಂಬ ದಿವಸ ಅವಡ ತಕ್ಕ್ ಕ್‍ೕಪಕ್ ಅಂವೊಂಗ್ ಮನಸ್ಸ್ ಇಲ್ಲತ್ಂಜತ್. ಆಚೇಂಗಿಯು ಅವ ಎಕ್ಕಾಲು ಅಂವೊಂಡ ಪಕ್ಕ ಕ್‍ೕಟಂಡಿಂಜಗುಂಡ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:5

ಕಡೇಕ್ ಅಂವೊ: ನಾನ್ ದೇವಕ್ ಬೊತ್ತ್‌ವಂವೊನಲ್ಲ ಮನುಷ್ಯನ ಲೆಕ್ಕ ಮಾಡ್‌ವಂವೂನೂ ಅಲ್ಲ, ಆಚೇಂಗಿಯು ಈ ವಿದವೆ ನನ್ನ ದುಂಬ ತೊಂದರೆ ಮಾಡಿಯಂಡುಳ್ಳಗುಂಡ್, ಪುನಃ ಅವ ನಾಡ ಪಕ್ಕ ಬಂತ್ ನನ್ನ ತೊಂದರೆ ಮಾಡತನೆಕೆ ನಾನ್ ಅವಡ ವಿಷಯತ್‍ನ ನೋಟಿತ್ ಅವಕ್ ನ್ಯಾಯ ತಪ್ಪೀಂದ್ ಅಂವೊಂಡ ಮನಸ್ಸ್‌ಲ್ ಗೇನ ಮಾಡ್‍ಚಿ.