ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:3 - ಕೊಡವ ಬೈಬಲ್

³ ಅಂದಕ ನಿಂಗ ಇರ್‌ಟ್‌ಲ್ ತಕ್ಕ್ ಪರ್ಂದದ್, ಪೋಲ್ ನೇರತ್‍ರ ಬೊಳಿಲ್ ಗೊತ್ತಾಪ. ಪಿಂಞ ನಿಂಗ ಪಡಿ ಮುಚ್ಚಿತ್ ಗುಟ್ಟಾಯಿತ್ ಕೆಮಿಲ್ ಎಣ್ಣ್‌ವಾನ ಮನೆರ ಕೊಡಿಲ್ ನಿಂದಿತ್ ಎಲ್ಲಾರ್‌ಕು ಕ್‍ೕಪನೆಕೆ ಜೋರಾಯಿತ್ ಪರಿಯುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:3 Iomraidhean Croise

ಮತ್ತಾಯ 10:27

ನಾನ್ ನಿಂಗಕ್ ಇರ್‌ಟ್‌ಲ್ ಪಡಿಪ್‍ಚಿಡ್‍ವಾನ, ನಿಂಗ ಬೊಳಿಲ್ ಎಣ್ಣಿ ಕೊಡಿ. ನಿಂಗಕ್ ಗುಟ್ಟಾಯಿತ್ ಕೆಮಿಲ್ ಎಣ್ಣ್‌ವಾನ ಮನೆರ ಕೊಡಿಲ್ ಪೋಯಿತ್ ಕೂತ್ ಕೊಡ್‌ತಿತ್ ಎಣ್ಣಿ ಕೊಡಿ.

ಮತ್ತಾಯ 12:36

ಮನುಷ್ಯ ಪರಿಯುವ ಓರೋರ್ ಪ್ರಯೋಜನ ಇಲ್ಲತ ತಕ್ಕ್‌ಕೂ ದೇವ ತೀರ್ಪ್ ಮಾಡ್‌ವ ದಿವಸತ್‍ಲ್ ಲೆಕ್ಕ ಕೊಡ್‍ಕಂಡೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 24:17

ಮನೆರ ಕೊಡಿಲ್ ಉಳ್ಳಂವೊ, ಮನೇರೊಳ್‌ಕ್ ಪೋಯಿತ್ ಏದ್ ಒರ್ ಸಾಮಾನ್‌ನ ಎಡ್‌ತ ಬಪ್ಪಕ್ ಪೋಕತೆ ಇರಂಡು. ಬೇಲ್‌ಲ್ ಇಪ್ಪ ಮನುಷ್ಯಂಗ ಅಂವೊಂಡ ಬಟ್ಟೇನ ಎಡ್‌ತ ಬಪ್ಪಕ್ ಪೋಪಕ್ಕಾಗ.