ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:7 - ಕೊಡವ ಬೈಬಲ್

⁷ ಆಚೇಂಗಿ ಎಲಿಸಬೇತ್ ಗೊಡ್ಡಿಯಾಯಿತ್ಂಜಗುಂಡ್ ಅಯಿಂಗಕ್ ಮಕ್ಕ ಇಂಜಿಲೆ. ಅದಲ್ಲತೆ ದಂಡಾಳ್‍ಕು ದುಂಬ ವಯಸ್ಸಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:7 Iomraidhean Croise

ಆದ್ಯತ್‌ರ ಪುಸ್ತಕ 17:17

ಅಕ್ಕ ಅಬ್ರಹಾಮ ಅಡ್ಡ ಬದ್ದಿತ್: ನೂರ್‌ ವಯಸ್ಸಾನಪಿಂಞ ನಾಕ್‍ ಮೊಂವೊ ಪುಟ್ಟ್‌ವೋ? ತೊಂಬದ್‌ ವಯಸ್ಸಾನ ಸಾರಾಳ್‌ಕ್‌ ಕುಂಞಿನ ಪೆರುವಕಯ್ಯುವಾಂದ್‌ ತಾಂಡ ಹೃದಯತ್‌ಲ್‌ ಗೇನ ಮಾಡಿತ್‌ ಮನಸ್ಸ್‌ಲೇ ತೆಳ್‌ಚತ್.

ಆದ್ಯತ್‌ರ ಪುಸ್ತಕ 18:11

ಅಬ್ರಹಾಮ ಪಿಂಞ ಸಾರಳಂಗ್‌ ದುಂಬ ವಯಸ್ಸಾಯಿತ್‌ಂಜನಗುಂಡ್‌ ಅವಕ್‌ ಮಕ್ಕ ಆಪ ಕಾಲ ದಾಟಿ ಪೋಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 25:21

ಅವಕ್‌ ಮಕ್ಕ ಇಂಜಿತ್‌ಲ್ಲೆ, ಆಂಗ್‌ ಇಸಾಕ ಅವಕಾಯಿತ್, ಯೆಹೋವನ ಬೋಡಿಯಂಡತ್. ಯೆಹೋವ ಅಂವೊಂಡ ಪ್ರಾರ್ಥನೆನ ಕ್‍ೕಟ್‌ತ್. ಅಂವೊಂಡ ಪೊಣ್ಣ್‌ ರೆಬೆಕ್ಕ ಕುಳುಮೆಕಾರ್ತಿ ಆಚಿ.

ಆದ್ಯತ್‌ರ ಪುಸ್ತಕ 30:1

ರಾಹೇಲ ಯಾಕೋಬಂಗ್‌ ಮಕ್ಕಳ ಪೆರತಂಗ್‌ ತಾಂಡ ಅಕ್ಕಂಡ ಮೇಲೆ ಒಟ್ಟೆಕಿಚ್ಚ್‌ಪಟ್ಟಿತ್, ಯಾಕೋಬನ ನೋಟ್ಟಿತ್: ನೀನ್‌ ನಾಕ್‍ ಕುಂಞಿ ತಾ, ಇಲ್ಲೇಂಗಿ ನಾನ್‌ ಚತ್ತ್‌ಪೋಪೀಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:5

ಯೂದಾಯ ದೇಶತ್‍ಲ್ ಹೆರೋದ ರಾಜಂಡ ಕಾಲತ್‍ಲ್ ಅಬೀಯ ಎಣ್ಣುವ ಯಾಜಕ ಒಕ್ಕತ್ಂಜ ಬಂದ ಜಕರಿಯ ಎಣ್ಣುವ ಯಾಜಕ ಇಂಜತ್. ಅಂವೊಂಡ ಪೊಣ್ಣ್ ಆರೋನಂಡ ಒಕ್ಕಕ್ ಕೂಡ್‌ನವ. ಅವಡ ಪೆದ ಎಲಿಸಬೇತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:6

ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:8

ಒರ್ ಕುರಿ, ತಾಂಡ ಯಾಜಕ ಒಕ್ಕತ್‍ರ ಕ್ರಮ ಪ್ರಕಾರ ಜಕರಿಯ ದೇವಾಲಯತ್‍ಲ್ ಯಾಜಕ ಸೇವೆ ಮಾಡಿಯಂಡ್ ಇಪ್ಪಕ,

ರೋಮ್ 4:19

ಅಂವೊ ಸುಮಾರ್ ನೂರ್ ವಯಸಾಯಿತ್ ಇಪ್ಪಕ, ತಾಂಡ ತಡಿಯಿಂಜ ಒರ್ ಕುಂಞಿ ತಪ್ಪಕುಳ್ಳ ಶಕ್ತಿ ಇಲ್ಲೇಂದು, ಅಂವೊಂಡ ಪೊಣ್ಣ್ ಸಾರಳಡ ಗರ್ಬಗೂಡ್ ಚತ್ತ್ ಪೋಯಿತ್‍ೕಂದು ಗೊತ್ತ್ಂಜತ್. ಆಚೇಂಗಿಯು, ಅಂವೊಂಡ ನಂಬಿಕೆ ಕಮ್ಮಿಯಾಯಿತ್‌ಲ್ಲೆ.

ಇಬ್ರಿಯ 11:11

ನಂಬಿಕೇರ ಮೂಲಕ, ಸಾರಳ ಸಹ, ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೋಂದ್ ನಂಬಿತ್, ಕುಂಞಿ ಪೆರುವಕುಳ್ಳ ವಯಸ್ ಆಯಿಪೋಯಿತ್ಂಜತೇಂಗಿಯು, ಕೆಲಕರ್ತಿ ಆಪಕುಳ್ಳ ಶಕ್ತಿನ ಪಡ್ಂದಿತ್ ಕುಂಞಿನ ಪೆತ್ತತ್.