ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:2 - ಕೊಡವ ಬೈಬಲ್

² ಯೇಸುರ ಸೇವೇನ ಆದಿಯಿಂಜಲೆ ಕಣ್ಣಾರೆ ಕಂಡಿತ್ ದೇವಡ ವಾಕ್ಯತ್‍ನ ನಂಗಕ್ ಬೋದನೆ ಮಾಡ್‍ನಯಿಂಗ ಒಪ್ಪ್‌ಚಿಟ್ಟ ಪ್ರಕಾರ ಅಯಿಂಗ ಒಳ್‍ದ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:2 Iomraidhean Croise

ಮಾರ್ಕ 1:1

ಇದ್ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿರ ತೊಡಕ.

ಮಾರ್ಕ 16:20

ಶಿಷ್ಯಂಗ ಎಲ್ಲಾ ಜಾಗಕ್ ಪೋಯಿತ್ ಪ್ರಚಾರ ಮಾಡ್‍ಚಿ. ದೇವ ಅಯಿಂಗಡ ಕೂಡೆ ಇಂಜತ್, ಅಯಿಂಗ ಬೋದನೆ ಮಾಡ್‍ವದ್ ಸತ್ಯಾಂದ್ ಅಯಿಂಗ ಮಾಡ್‌ವ ಅದ್ಬುತ ಕಾರ್ಯತ್ಂಜ ಅಂವೊ ಕಾಟಿಕೊಡ್‍ತತ್. ಆಮೆನ್.

ಮಾರ್ಕ 4:14

ಕುರುನ ಬಿತ್ತ್‌ವಯಿಂಗ ದೇವಡ ವಾಕ್ಯತ್‍ನ ಬಿತ್ತುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:48

ನಿಂಗಳೇ ಇದಂಗೆಲ್ಲ ಸಾಕ್ಷಿ.

ಯೋಹಾನ 15:27

ನಿಂಗಳು ಸಹ ನಾಡ ಕೂಡೆ ಸುರುಯಿಂಜಲೇ ಇಂಜಯಿಂಗ. ಆನಗುಂಡ್ ನಿಂಗಳು ನಾಕ್ ಸಾಕ್ಷಿ ಆಯಿತಿಪ್ಪಿರ.

ಯೋಹಾನ 16:4

ಇನ್ನನೆಲ್ಲಾ ಆಪಕ, ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೇಂದ್ ನಿಂಗಕ್ ಗೇನ ಆಪಕಾಯಿತ್ ನಾನ್ ಇಕ್ಕ ಎಣ್ಣಿಯೆ; ನಾನ್ ನಿಂಗಡ ಕೂಡೆ ಸುರುಯಿಂಜಲೇ ಇಂಜಾಂಗ್, ಇದ್‍ನೆಲ್ಲಾ ಅಕ್ಕ ಎಣ್ಣಿತ್‌ಲ್ಲೆ.

ಅಪೊಸ್ತಲ 1:3

ಅಂವೊ ಶಿಲುಬೇಲ್ ಕಷ್ಟಪಟ್ಟಿತ್ ಚತ್ತ್‌ಪೋನ ಪಿಂಞ, ಅಂವೊ ಜೀವವಾಯಿತ್ ಉಂಡ್‍ೕಂದ್ ನಾಪದ್ ದಿವಸ, ಅಪೊಸ್ತಲಂಗಕ್ ದುಂಬ ಕುರಿ ದೃಡ ಸಾಕ್ಷಿಯಾಯಿತ್ ಅಂವೊನ ಕಾಂಬ್‌ಚಿಟ್ಟಂಡತ್. ಅನ್ನನೆ ದೇವಡ ರಾಜ್ಯತ್‍ರ ವಿಷಯತ್‍ನ ಪರ್ಂದಂಡ್, ಜೀವ ಉಳ್ಳಂವೊನಾಯಿತ್, ಕಾಂಬ್‌ಚಿಟ್ಟಂಡ್ ಇಂಜತ್.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 14:25

ಅದ್ಂಗ್ ಕೂಡ್‍ನ ಪೆರ್ಗೆ ಊರ್‌ಲ್ ದೇವಡ ವಾಕ್ಯತ್‍ನ ಪ್ರಸಂಗ ಮಾಡಿತ್, ಪಿಂಞ ಅತಾಲ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ಅಪೊಸ್ತಲ 26:16

ಇಕ್ಕ, ನೀನ್ ಎದ್ದಿತ್ ನಿಂದ, ನಿನ್ನ ನಾಡ ಸೇವಕನಾಯಿತು, ಸಾಕ್ಷಿಯಾಯಿತು ನೇಮಿಚಿಡುವಕಾಯಿತ್ ನಾನ್ ನೀಕ್ ಪ್ರತ್ಯಕ್ಷ ಆನ. ಇಂದ್ ನೀನ್ ನಾಡ ವಿಷಯವಾಯಿತ್ ಕಂಡಾನ, ಮಿಂಞಕ್ ನಾನ್ ನೀಕ್ ಕಾಂಬ್‍ಚಿಡುವಕುಳ್ಳಾನ ಈ ಲೋಕಕ್ ನೀನ್ ಎಣ್ಣಂಡು.

ಅಪೊಸ್ತಲ 4:20

ನಂಗ ಕಂಡಾನ, ಕ್‍ೕಟಾನ, ಎಣ್ಣತೆ ಇಪ್ಪಕ್ಕಾಗಾಂದ್ ಉತ್ತರ ಕೊಡ್‍ತತ್.

ಅಪೊಸ್ತಲ 8:4

ಚದ್‌ರಿ ಪೋನ ಚೆನ್ನ ಶಿಷ್ಯಂಗ, ಅಯಿಂಗ ಪೋನ ಎಲ್ಲಾ ಜಾಗತ್‍ಲ್ ಯೇಸುರ ಸುದ್ದಿನ ಬೋದನೆ ಮಾಡಿಯಂಡಿಂಜತ್.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

1 ಕೊರಿಂಥ 4:1

ನಿಂಗ ಅಪೊಲ್ಲೋಸನ ಪಿಂಞ ನನ್ನ, ದೇವ ನಂಗಕ್ ಕಾಂಬ್‍ಚಿಟ್ಟ ಗುಟ್ಟ್‌ಕ್ ನೇಮಿಚಿಟ್ಟಿತುಳ್ಳ ಕ್ರಿಸ್ತಂಡ ಸೇವಕಂಗಾಂದು ಪಿಂಞ ದೇವಡ ಜವಾಬ್ದಾರಂಗಳಾಯಿತ್ ಉಂಡ್‍ೕಂದು ಗೇನ ಮಾಡಂಡು.

ಇಬ್ರಿಯ 2:3

ಅನ್ನನೆ ಇಪ್ಪಕ, ಆದ್ಯವಾಯಿತ್ ಒಡೆಯಂಡ ಮೂಲಕ ಅರಿಚಿಟ್ಟಿತ್, ಪಿಂಞ ಅಂವೊಂಡಿಂಜ ಕ್‍ೕಟಯಿಂಗಡ ಮೂಲಕ ನಂಗಕ್ ಸ್ತಿರಪಡ್‌ತಿತ್,

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ಪೇತ್ರ 1:16

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಶಕ್ತಿನ ಪಿಂಞ ಅಂವೊ ಪುನಃ ಬಪ್ಪದ್‍ನ ನಂಗ ನಿಂಗಕ್ ಎಣ್ಣುವಕ, ತಂತ್ರವಾನ ಕಥೇನ ಕಂಡ್‍ಪುಡ್‌ಚಿತ್ ನಿಂಗಕ್ ಎಣ್ಣಿತ್‌ಲ್ಲೆ. ಆಚೇಂಗಿ ಅಂವೊಂಡ ಮಹತ್ವತ್‌ನ ನಂಗಳೇ ಕಂಡಿತುಳ್ಳಯಿಂಗಳಾಯಿತ್ ಎಣ್ಣಿಯೆ.