ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:9 - ಕೊಡವ ಬೈಬಲ್

⁹ ಅದ್‌ಂಗ್‌ ಅಂವೊ: ನಾನ್‌ ಇಬ್ರಿಯ ದೇಶಕ್‌ ಕೂಡ್‌ನಂವೊ. ಕಡಲ್‌ ಪಿಂಞ ಬೂಮಿನ ಸೃಷ್ಟಿ ಮಾಡ್‌ನ ಪರಲೋಕತ್‌ರ ದೇವನಾನ ಯೆಹೋವಂಡ ಬಕ್ತಾಂದ್‌ ಎಣ್ಣ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:9 Iomraidhean Croise

ಆದ್ಯತ್‌ರ ಪುಸ್ತಕ 1:10

ದೇವ ಒಣಂಗ್‌ನ ನೆಲಕ್‌ ಬೂಮೀಂದ್‌ ಪಿಂಞ ಕೂಡಿತ್‌ಂಜ ನೀರ್‌ಕ್‌ ಕಡಲ್‍ೕಂದ್‌ ಪೆದ ಇಟ್ಟತ್; ದೇವ ಅದನ ನಲ್ಲದ್‍ೕಂದ್‌ ಕಂಡತ್.

ಆದ್ಯತ್‌ರ ಪುಸ್ತಕ 14:13

ಅಯಿಂಗಡಲ್ಲಿ ತಪ್ಪ್‌ಚಿಟ್ಟ ಒಬ್ಬ ಇಬ್ರಿಯನಾನ ಅಮ್ರಾಮಂಡ ಪಕ್ಕ ಬಂದಿತ್‌ ಇದ್‌ನ ಎಣ್ಣ್‌ಚಿ. ಅಕ್ಕ ಅಬ್ರಾಮ ಅಮೋರಿಯನಾನ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ವಾಸಮಾಡಿಯಂಡಿಂಜತ್. ಮಮ್ರೆಯಂಗ್‌ ಎಷ್ಕೋಲ ಪಿಂಞ ಆನೇರ ಎಣ್ಣುವ ಬೆಂದ್‌ಕ ಇಂಜತ್. ಈ ದಂಡಾಳ್‌ಕು ಅಬ್ರಾಮಂಗು ಒಪ್ಪಂದ ಇಂಜತ್.

ಆದ್ಯತ್‌ರ ಪುಸ್ತಕ 24:7

ನಾಡ ಅಪ್ಪಂಡ ಮನೆಯಿಂಜಲು, ನಾನ್‌ ಪುಟ್ಟ್‌ನ ದೇಶತ್‌ಂಜಲು ನನ್ನ ಕಾಕಿಯಂಡ್‌ ಬಂದಿತ್, ನೀಡ ಸಂತಾನಕ್‌ ಈ ದೇಶತ್‌ನ ತಪ್ಪೀಂದ್‌ ಎಣ್ಣಿತ್‌ ಆಣೆ ಮಾಡ್‌ನಂವೊನಾನ ಪರಲೋಕತ್‌ರ ದೇವನಾನ ಯೆಹೋವ, ನೀನ್‌ ಅಲ್ಲಿಂಜ ನಾಡ ಮೋಂವೊಂಗ್‌ ಒರ್‌ ಮೂಡಿನ ಕೂಟಿಯಂಡ್‌ ಬಪ್ಪಕಾಯಿತ್, ತಾಂಡ ದೂತನ ನೀಡ ಮಿಂಞತ್‌ ಅಯಿಪ.

ಆದ್ಯತ್‌ರ ಪುಸ್ತಕ 39:14

ತಾಂಡ ಮನೆರ ಪಣಿಕಾರಂಗಳ ಕಾಕಿತ್, ಅವ ಅಯಿಂಗಕ್: ನೋಟಿ, ಈ ಇಬ್ರಿಯ ಆಳ್‌ ನಂಗಳ ಅವಮಾನ ಮಾಡ್‌ವಕ್‌ ನಾಡ ವಡಿಯ ಕಾಕಿಯಂಡ್‌ ಬಂದಿಯೆ. ಇಂವೊ ನಾಡ ಕೂಡೆ ಬುದ್ದವಕ್‌ ಬಾತ್. ಆಚೇಂಗಿ ನಾನ್‌ ಕೂತ್‌ ಕೊಡ್‌ತಿಯೆ.

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 27:23

ನಾಡ ಬದ್‍ಕ್‍ರ ಒಡೆಯನು, ನಾನ್ ಸೇವೆ ಮಾಡ್‍ವಂವೊನಾಯಿತುಳ್ಳ ದೇವದೂತ ನಿನ್ನಾಂದ್ ಬಯಿಟ್ ನಾಡ ಪಕ್ಕ ಬಂದಿತ್:

ಫಿಲಿಪ್ಪಿ 3:5

ಎನ್ನನೆ ಎಣ್ಣ್‌ಚೇಂಗಿ ನಾನ್ ಪುಟ್ಟ್‌ನ ಎಟ್ಟನೆ ದಿವಸತ್‍ಲ್ ನಾಕ್ ಸುನ್ನತಿ ಆಚಿ, ಇಸ್ರಾಯೇಲ್ ಜನತ್‍ರ ಸಂತಾನಕಾರ, ಬೆನ್ಯಾಮೀನಂಡ ಕುಲಕ್ ಕೂಡ್‍ನಂವೊ, ನಾನ್ ನೇರಾನ ಇಬ್ರಿಯ ಮನುಷ್ಯ, ನ್ಯಾಯಪ್ರಮಾಣತ್‍ರ ಪ್ರಕಾರ ನಾನ್ ಒರ್ ಫರಿಸಾಯ,

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 15:4

ಒಡೆಯನೇ, ನೀಕ್ ಬೊತ್ತತೆ, ನೀಡ ಪೆದಕ್ ಮಹಿಮೆ ತರತೆ ಇಪ್ಪಕ್ ದಾರ್‌ಕ್ ಕಯ್ಯು? ನೀನ್ ಒಬ್ಬನೇ ಪವಿತ್ರವಾನ ದೇವ, ನೀಡ ನೀತಿಯಾಯಿತುಳ್ಳ ತೀರ್ಪ್‌ರಗುಂಡ್ ಎಲ್ಲಾ ಜಾತಿಯಳು ಬಂದಿತ್, ನೀಡ ಮಿಂಞ ಆರಾದನೆ ಮಾಡ್‌ವಾಂದ್ ಎಣ್ಣ್‌ಚಿ.

ಪ್ರಕಟನೆ 16:11

ಅಯಿಂಗ ಕಷ್ಟತ್‍ರಗುಂಡ್ ನಾವ್‌ನ ಕಡಿಚಂಡ್, ಅಯಿಂಗಡ ಪುಣ್ಣ್‌ರ ನೊಂಬಲತ್‍ರಗುಂಡ್ ಅಯಿಂಗಕ್ ಆನ ಕಷ್ಟತ್‍ಲ್, ಪರಲೋಕತ್‍ರ ದೇವನ ದೂಷಣೆ ಮಾಡಿಯಂಡ್ ಇಂಜದಲ್ಲತೆ, ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್‌ಲ್ಲೆ.