ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:3 - ಕೊಡವ ಬೈಬಲ್

³ ಅಕ್ಕ ಯೋನ, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್‌ ತಾರ್ಷೀಷ್ ಎಣ್ಣುವ ಪಟ್ಟಣಕ್‌ ಪೊರ್‌ಟತ್. ಅಂವೊ ಯೊಪ್ಪ ಎಣ್ಣುವ ಪಟ್ಟಣಕ್‌ ಪೋಯಿತ್‌ ಅಲ್ಲಿಂಜ ತಾರ್ಷೀಷ್‌ಕ್‌ ಪೋಪ ಹಡಗ್‌ನ ಕಂಡಿತ್‌ ಅಲ್ಲಿಕತ್ತನೆ ಪೋಪಕುಳ್ಳ ದುಡ್ಡ್‌ನ ಕೊಡ್‌ತಿತ್, ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಪಕಾಯಿತ್, ಹಡಗ್‌ಲುಳ್ಳಯಿಂಗಡ ಕೂಡೆ ಪೊರ್‌ಟ್ ಪೋಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:3 Iomraidhean Croise

ಆದ್ಯತ್‌ರ ಪುಸ್ತಕ 3:8

ಬಯಿಟಾಪಕ, ತಂಪ್‌ಗಾಳಿ ಬೀಜಿಯಂಡಿಪ್ಪ ನೇರತ್‌ಲ್‌ ಯೆಹೋವನಾನ ದೇವ ತೋಟತ್‌ಲ್‌ ನಡ್‌ಪ ಸದ್ದ್ ಅಯಿಂಗಕ್‌ ಕ್‍ೕಟತ್. ಅಕ್ಕ ಅಯಿಂಗ ಅಂವೊಂಡ ಪ್ರಸನ್ನತಿಂಜ ಮರಂಜಿತ್‌ ಮರತ್‌ರ ಮದ್ಯತ್‌ಲ್‌ ಒಳ್‌ಚಂಡತ್.

ಆದ್ಯತ್‌ರ ಪುಸ್ತಕ 4:16

ಅಕ್ಕ ಕಾಯೀನ ಯೆಹೋವಂಡ ಸನ್ನಿದಾನತಿಂಗ ಪೊರಟಿತ್‌ ಪೋಯಿತ್, ಏದೇನ್‌ರ ಕೇಕ್‌ ತಿಕ್‌ಲ್ ಉಳ್ಳ ನೋಡ್‌ ಎನ್ನುವ ಜಾಗತ್‌ಲ್‌ ವಾಸಮಾಡ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:10

ಇಂವೊ ಯೆಹೋವಂಡ ಸನ್ನಿದಿಯಿಂಜ ಓಡಿ ಪೋಯೇಂಡುಂಡ್‌ಂದ್‌ ಅಂವೊ ಅಯಿಂಗಕ್‌ ಎಣ್ಣ್‌ನಗುಂಡ್, ಅಯಿಂಗಕ್‌ ದುಂಬ ಪೋಡಿ ಆಯಿತ್: ನೀನ್‌ ಎನ್ನಂಗ್‌ ಇನ್ನನೆ ಮಾಡಿಯಾಂದ್‌ ಕ್‍ೕಟತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 4:2

ಅಕ್ಕ ಅಂವೊ ಯೆಹೋವನ ನೋಟಿತ್‌ ಬೋಡ್‌ಚಿ: ಓ ಯೆಹೋವನೇ, ನಾನ್‌ ನಾಡ ದೇಶತ್‌ ಇಪ್ಪಕಲೇ ಇನ್ನನೆ ಆಪಾಂದ್‌ ಎಣ್ಣ್‌ನಲ್ಲ? ಅದ್‌ಂಗಾಯಿತ್‌ ನಾನ್‌ ಮಿಂಞಲೇ ತಾರ್ಷೀಷ್‌ಕ್‌ ಓಡಿಪೋನ. ನೀನ್‌ ದಯೆ, ಕನಿಕರ, ದೀರ್‌ಗ ಶಾಂತಿ, ಬಲ್ಯ ಕೃಪೆ ಉಳ್ಳಂವೊನು, ದಾರ್‌ನೊ ನಾಶ ಮಾಡುವಕ್‌ ಕುಶಿ ಪಡತೆ ನೀಡ ಮನಸ್ಸ್‌ನ ಬದ್‌ಲ್‌ಚಿಡುವ ದೇವಾಂದು ನಾಕ್‍ ಗೊತ್ತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:62

ಅದ್ಂಗ್ ಯೇಸು: ದಾರ್ ನೇಂಗಿಲ್ ಕೈ ಇಟ್ಟ ಪಿಂಞ ಬಯ್ಯಕ್ ತಿರಿತ್ ನೋಟಿಯಂಡ್ ಇಪ್ಪ ಅಂವೊ ದೇವಡ ರಾಜ್ಯತ್‍ರ ಸೇವೇಕ್ ಯೋಗ್ಯನಾಯಿತ್‌ಪ್ಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 15:38

ಆಚೇಂಗಿ, ಪೌಲ: ಪಂಫುಲ್ಯ ನಾಡ್‍ಲ್ ನಂಗ ಇಪ್ಪಕ, ಮಾರ್ಕ ದೇವಡ ಸೇವೆ ಮಾಡ್‌ವಕ್ ನಂಗಡ ಕೂಡೆ ಬರತೆ, ನಂಗಳ ಬುಟ್ಟಿತ್ ಪೋನಗುಂಡ್, ಇಕ್ಕ ಅಂವೊನ ಕಾಕಿಯಂಡ್ ಪೋಪದ್ ಚಾಯಾಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 26:19

ಆನಗುಂಡ್ ಅಗ್ರಿಪ್ಪ ರಾಜನೇ, ಪರಲೋಕತ್ಂಜ ನಾಕ್ ಕ್‍ಟ್ಟ್‌ನ ಆ ದರ್ಶನಕ್ ತಗ್ಗಿತ್ ನನ್ನ ಒಪ್ಪ್‌ಚಿಟ್ಟಿಯೆ.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

ಅಪೊಸ್ತಲ 9:38

ಯೊಪ್ಪ ಪಟ್ಟಣ, ಲುದ್ದ ಊರ್‌ಕ್ ದುಂಬ ಪಕ್ಕತ್‍ಲ್ ಇಂಜತ್. ಆನಗುಂಡ್ ಯೊಪ್ಪ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಕ್, ಪೇತ್ರ ಲುದ್ದ ಊರ್‌ಲ್ ಉಂಡ್‍ೕಂದ್ ಗೊತ್ತಾನ ಪಿಂಞ, ತಡೆಮಾಡತೆ ಇಲ್ಲಿ ಬಾಂದ್ ದಂಡಾಳ್‌ರ ಪಕ್ಕ ಸುದ್ದಿ ಅಯಿಚಿತ್.

ಅಪೊಸ್ತಲ 9:42

ಈ ಸುದ್ದಿ ಯೊಪ್ಪ ಪಟ್ಟಣತ್‍ಲ್ ಎಲ್ಲೆಲಿಯು ಪಬ್ಬಿ ಪೋಚಿ. ದುಂಬ ಜನ ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್.

ಅಪೊಸ್ತಲ 9:43

ಪಿಂಞ ಪೇತ್ರ ಯೊಪ್ಪತ್‍ಲ್ ಚರ್ಮಕಾರನಾನ ಸೀಮೋನ ಎಣ್ಣ್‌ವಂವೊಂಡ ಪಕ್ಕ ದುಂಬ ದಿವಸ ಒಳಿಂಜತ್.

1 ಕೊರಿಂಥ 9:16

ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚೇಂಗಿಯು ನಾನ್ ಅದ್‍ನ ಹೊಗಳ್‍ವಕ್ ಒಂದು ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅದ್ ನಾಡ ಮೇಲೆ ಬುದ್ದ ಜವಾಬ್ದಾರಿಯಾಯಿತುಂಡ್. ದೇವಡ ನಲ್ಲ ಸುದ್ದಿನ ನಾನ್ ಪ್ರಚಾರ ಮಾಡತೆ ಪೋಚೇಂಗಿ, ನಾಕ್ ಅಯ್ಯೋ!

2 ಥೆಸಲೊನೀಕ 1:9

ಅಯಿಂಗ ಎಕ್ಕಾಲು ಕಷ್ಟಪಡ್‌ವನೆಕೆ ನಿತ್ಯವಾಯಿತ್ ಪಾಳಾಪ ಶಿಕ್ಷೆ ಕೊಡ್‌ತಿತ್, ಕಾಲಕಾಲಕು ಒಡೆಯಂಡ ಸನ್ನಿದಾನತ್ಂಜ ದೂರಮಾಡಿತ್, ಅಂವೊಂಡ ಮಹಿಮೇರ ಶಕ್ತಿನ ಕಾಂಬಕಯ್ಯತನೆಕೆ ಮಾಡ್‌ವ.