ಯೋಹಾನ 3:8 - ಕೊಡವ ಬೈಬಲ್

⁸ ಗಾಳಿ, ಅದ್ಂಡ ಇಷ್ಟ ಪ್ರಕಾರ ಎಲ್ಲಿ ಬೋಂಡ್‍ಚೇಂಗಿಯು ಬೀಜುವ; ಅದ್ಂಡ ಸದ್ದ್‌ನ ನಿಂಗ ಕ್‍ೕಪಿರ, ಆಚೇಂಗಿ ಅದ್ ಎಲ್ಲಿಂಜ ಬಾತ್‍ೕಂದು, ಎಲ್ಲಿಕ್ ಪೋಪಾಂದು ನಿಂಗಕ್ ಗೊತ್ತಿಪ್ಪುಲೆ; ಅನ್ನನೆ ಪವಿತ್ರಾತ್ಮತ್‍ರ ಮೂಲಕ ಪುಟ್ಟ್‌ನ ಒಬ್ಬೊಬ್ಬನು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 3:8 Iomraidhean Croise

1 ಕೊರಿಂಥ 2:11

ಒರ್ ಮನುಷ್ಯಂಡ ಆತ್ಮಕ್ ಅಲ್ಲತೆ, ಬೋರೆ ದಾರ್‌ಕ್ ಆ ಮನುಷ್ಯಂಡ ವಿಷಯ ಗೊತ್ತಾಪ? ಅನ್ನನೆ ದೇವಡ ಆತ್ಮಕ್ ಅಲ್ಲತೆ ದೇವಡ ವಿಷಯತ್‍ನ ಬೋರೆ ದಾರೂ ಅರ್ಥಮಾಡುಲೆ.

ಅಪೊಸ್ತಲ 2:2

ಅಕ್ಕ ಬಿರ್‌ಗಾಳಿ ಬೀಜ್‌ವನೆಕೆ ಬಾನತ್ಂಜ ಬಲ್ಯೊರ್ ಸದ್ದ್ ಬಂತ್, ಅಯಿಂಗ ಇಂಜ ಮನೆನ ದುಂಬ್‍ಚಿಟ್ಟತ್.

1 ಯೋಹಾನ 2:29

ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

1 ಕೊರಿಂಥ 12:11

ಇದೆಲ್ಲಾ ಒರೇ ಪವಿತ್ರಾತ್ಮ ಮಾಡಿತ್, ಅಂವೊ ತೀರ್ಮಾನ ಮಾಡ್‌ವನೆಕೆ ಒಬ್ಬೊಬ್ಬಂಗ್ ಓರೋರ್ ತರತ್‍ರ ವರತ್‍ನ ತಪ್ಪ.

ಯೋಹಾನ 1:13

ಈಂಗ ಪುಟ್ಟ್‌ನದ್, ಒರ್ ಕುಂಞಿ ಪುಟ್ಟ್‌ನನೆಕೆ ಮನುಷ್ಯಂಡ ತಡೀರ ಚಿತ್ತತ್‍ರಗುಂಡೋ ಅಥವ ಒರ್ ವಡಿಯಂಡ ಚಿತ್ತತ್‍ರಗುಂಡೋ ಪುಟ್ಟ್‌ವನೆಕೆ ಪುಟ್ಟಿತ್‌ಲ್ಲೆ, ದೇವಡ ಮಕ್ಕಳಾಯಿತ್ ದೇವಡಯಿಂಜಲೇ ಪುಟ್ಟ್‌ನಯಿಂಗ.

ಯೋಹಾನ 3:7

ಆನಗುಂಡ್, ನೀನ್ ಪುನಃ ಪುಟ್ಟಂಡೂಂದ್ ನಾನ್ ನೀಕ್ ಎಣ್ಣ್‌ನ ವಿಷಯತ್‍ಲ್ ಆಶ್ಚರ್ಯ ಪಡತೆ.

ಯೋಹಾನ 3:9

ಅದ್ಂಗ್ ನಿಕೊದೇಮ: ಇದ್ ಎನ್ನನೆ ಆಪಾಂದ್ ಕ್‍ೕಟತ್.