6 ದೇವ ಅಯಿಚ ಒರ್ ಮನುಷ್ಯ ಇಂಜತ್. ಅಂವೊಂಡ ಪೆದ ಯೋಹಾನ.
ಇದಾ! ನಾನ್ ನಾಡ ದೂತನ ಅಯಿಪಿ, ಅಂವೊ ನಾಡ ಮಿಂಞತ್‌ ಪೋಯಿತ್, ಬಟ್ಟೆನ ತಯಾರ್ ಮಾಡುವ. ಅಕ್ಕ ನಿಂಗ ತ್‍ೕಡಿಯಂಡುಳ್ಳ ಯೆಹೋವನು, ನಿಂಗ ಕುಶಿಪಡುವ ಒಪ್ಪಂದತ್‌ರ ದೂತನು ತಾಂಡ ದೇವಾಲಯಕ್‌ ಬೆರಿಯ ಬಪ್ಪ. ಇದಾ, ಅಂವೊ ಬಂದಂಡುಂಡ್‍ೕಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.
ಅದ್ ಎನ್ನನೆ ಎಣ್ಣ್‌ಚೇಂಗಿ: ಇದಾ, ನಾನ್ ನಾಡ ದೂತನ ನಿಂಗಕ್ಂಜ ಮಿಂಞ ಅಯಿಪಿ; ಅಂವೊ ನೀಕ್ ಮಿಂಞ ಪೋಯಿತ್, ನೀಡ ಬಟ್ಟೇನ ತಯಾರ್ ಮಾಡ್‌ವಾಂದ್, ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ಇಂವೊಂಡ ವಿಷಯವೇ.
ಯೋಹಾನ ದೀಕ್ಷಾಸ್ನಾನ ಕೊಡ್‍ಪಕ್ ದಾರ್ ಅದಿಕಾರ ಕೊಡ್‍ತತ್? ಪರಲೋಕತ್ಂಜ ಕ್‍ಟ್ಟ್‌ನದಾ? ಅಥವ ಮನುಷ್ಯಡಿಂಜ ಕ್‍ಟ್ಟನದಾಂದ್ ಕ್‍ೕಟತ್.
ಆಚೇಂಗಿ ಆ ದೂತ ಅಂವೊಂಗ್, ಜಕರಿಯ ನೀನ್ ಬೊತ್ತತೆ, ನೀಡ ಪ್ರಾರ್ಥನೆ ದೇವಕ್ ಮುಟ್ಟ್‌ಚಿ. ನೀಡ ಪೊಣ್ಣ್ ಎಲಿಸಬೇತ್ ನೀಕ್ ಒರ್ ಕ್‍ಣ್ಣ ಕುಂಞಿನ ಪೆರುವ. ನೀನ್ ಅಂವೊಂಗ್ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.
ನೀನ್ ಒಡೆಯಂಗ್ ಮಿಂಞ ನಡ್ಂದ್ ಪೋಯಿತ್ ಅಂವೊಂಗ್ ಬಟ್ಟೇನ ತಯಾರ್ ಮಾಡ್‌ವಿಯ.
ನಾಕ್ ಇಂವೊ ದಾರ್‍ೕಂದ್ ಗೊತ್ತ್‌ಂಜಿತ್‌ಲ್ಲೆ; ಆಚೇಂಗಿಯು, ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ಪಕ್ ನನ್ನ ಅಯಿಚ ದೇವ ನಾಡ ಪಕ್ಕ: ಪವಿತ್ರಾತ್ಮ ದಾಡ ಮೇಲೆ ಬಂದಿತ್ ಅಳ್‍ಪದ್‍ನ ನೀನ್ ಕಾಂಬಿಯೋ, ಅಂವೊನೇ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಕೊಡ್‍ಪಂವೋಂದ್ ನಾಕ್ ಎಣ್ಣಿತ್ಂಜತ್.
ನಾನ್ ಕ್ರಿಸ್ತ ಅಲ್ಲ, ಅಂವೊಂಗ್ ಮಿಂಞ ಪೋಪಕ್, ದೇವ ಅಯಿಚಂವೋಂದ್ ನಾನ್ ಎಣ್ಣ್‌ನಾಂಗ್ ನಿಂಗಳೇ ಸಾಕ್ಷಿ.
ಯೇಸು ಈ ಲೋಕಕ್ ಬಪ್ಪಕ್ ಮಿಂಞಲೇ, ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಮನಸ್ಸ್ ತಿರ್‌ಗ್‌ವ ದೀಕ್ಷಾಸ್ನಾನತ್‍ನ ಇಸ್ರಾಯೇಲ್ ಜನಕ್ ಯೋಹಾನ ಬೋದನೆ ಮಾಡ್‍ಚಿ.
