ಯಾಕೋಬ 3:5 - ಕೊಡವ ಬೈಬಲ್

⁵ ಅನ್ನನೆ, ನಂಗಡ ತಡೀಲ್ ಉಳ್ಳ ನಾವ್ ಒರ್ ಚೆರಿಯ ಅಂಷ. ಆಚೇಂಗಿ ಅದ್ ದುಂಬ ಹೊಗಳ್‌ವ. ನೋಟಿ, ಚೆರಿಯ ತಿತ್ತ್‌ರ ಚೆಡಿ ಒರ್ ಬಲ್ಯ ಕಾಡ್‌ನ ಚುಟ್ಟ್‌ರ್‍ವ.

ಯಾಕೋಬ 3:5 Iomraidhean Croise

ಜ್ಞಾನತ್‌ರ ಪಡಿಮ 12:18

ದುಡ್‌ಕಿತ್‌ ಪರಿಯುವ ತಕ್ಕ್‌ ಕತ್ತಿರನೆಕೆ ನೊಂಬಲ ತಪ್ಪ, ಆಚೇಂಗಿ ಜ್ಞಾನಿರ ತಕ್ಕ್‌ ಮದ್ದ್‌ರನೆಕೆ ಸೌಕ್ಯ ತಪ್ಪ.

ಜ್ಞಾನತ್‌ರ ಪಡಿಮ 15:2

ಜ್ಞಾನಿಯಡ ನಾವ್‌ ಅರಿವುನ ಉಪಯೋಗಿಚಿಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನೇ ಕಕ್ಕುವ.

ಜ್ಞಾನತ್‌ರ ಪಡಿಮ 18:21

ಚಾವು ಬದ್‌ಕು ನಾವ್‌ರ ಅದಿಕಾರತ್‌ಲ್‌ ಉಂಡ್. ಅದ್‌ನ ಕುಶಿಪಡುವಯಿಂಗ ಅದ್‌ಂಡ ಫಲತ್‌ನ ಅನುಬವಿಚಿಡುವ.

ಜ್ಞಾನತ್‌ರ ಪಡಿಮ 26:20

ಪುಳ್ಳಿಯಿಲ್ಲತೆ ತಿತ್ತ್‌ ಆರಿ ಪೋಪ. ಅನ್ನನೆ ಚಾಡಿ ಎಣ್ಣ್‌ವಂವೊ ಇಲ್ಲತೆ ಜಗಳ ನಿಂದ್‌ ಪೋಪ.

ಯಾಕೋಬ 3:4

ಇಂಞ್ಞೊರ್ ಉದಾರಣೆಕ್, ಒರ್ ಹಡಗ್‍ನ ಎಡ್‌ತೊಳಿ. ಅದ್ ಎಚ್ಚಕ್ ಬಲ್ಯದಾಯಿತಿಪ್ಪ, ಅದ್ಂಗ್ ಬಿರ್‌ಗಾಳಿ ಮುಟ್ಟ್‌ಚೇಂಗಿಯು ಹಡಗ್‍ರ ಮುಕ್ಯಸ್ತ ಎಲ್ಲಿ ಪೋಕಂಡೂಂದ್ ಗೇನ ಮಾಡ್‌ವ ಆ ಜಾಗಕ್ ನೇರೆ ಚುಕ್ಕಾಣಿರಗುಂಡ್ ತಿರ್‌ಕಿತ್ ಹಡಗ್‍ನ ಕೊಂಡ್ ಪೋಪ.

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.

ಯೂದ ಒಳ್‍ದ್‍ನ ಕಾಗದ 1:16

ಈಂಗ ಗೊಣಗುವಯಿಂಗಳು, ಕುತ್ತಪರಿಯುವಯಿಂಗಳು, ತಂಗಡ ತಂಗಡ ಕೆಟ್ಟ ಆಸೆನೆ ಪೂರ್ತಿ ಮಾಡ್‌ವಯಿಂಗಳಾಯಿತುಂಡ್. ಅಯಿಂಗ ಅಯಿಂಗಳ ಹೊಗಳ್‍ಚಿಟ್ಟಂಡ್, ಅಯಿಂಗಕ್ ಬೋಂಡಿಯಾನದ್ ಕ್‍ಟ್ಟ್‌ವಕಾಯಿತ್ ಬೋರೆಯಿಂಗಳ ಕೊಂಡಾಡುವ.