ಯಾಕೋಬ 1:2 - ಕೊಡವ ಬೈಬಲ್

² ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ಬಪ್ಪ ನಾನಾತರ ಪರೀಕ್ಷೆನ ಸಂತೋಷವಾಯಿತ್ ಎಡ್‌ತೊಳಿ.

ಯಾಕೋಬ 1:2 Iomraidhean Croise

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ರೋಮ್ 5:3

ಅದ್ ಮಾತ್ರ ಅಲ್ಲ, ಕಷ್ಟ ತಾಳ್ಮೆನೆ, ತಾಳ್ಮೆ ಚಾಯಿ ಗುಣತ್‍ನ, ಚಾಯಿ ಗುಣ ನಿರಿಕ್ಷೇನ ಉಂಟ್ ಮಾಡ್‌ವಾಂದ್ ನಂಗಕ್ ಗೊತ್ತಾಯಿತ್,

ಫಿಲಿಪ್ಪಿ 1:29

ನಿಂಗಕ್, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಬಾಗ್ಯ ಮಾತ್ರ ಅಲ್ಲ, ಅಂವೊಂಗಾಯಿತ್ ನೊಂಬಲ ಎಡ್‍ತವಕೂ ಬಾಗ್ಯ ಕ್‍ಟ್ಟ್‌ಚಿ.

ಫಿಲಿಪ್ಪಿ 2:17

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ನಂಬಿಕೇರ ಆರಾದನೆನ ನಿಂಗ ದೇವಕ್ ಅರ್ಪಿಚಿಡುವಕಾಯಿತ್, ನಾಡ ಜೀವತ್‍ನ ನೀರ್‌ರನೆಕೆ ದೇವಕ್ ಬೂಕಿತ್ ಕಳಂದತೇಂಗಿಯು ಅದ್‍ಲ್ ನಾನ್ ಕುಶಿ ಪಡುವಿ. ಅನ್ನನೆ ನಡ್ಂದತೇಂಗಿ ಆ ಕುಶೀನ ನಿಂಗೆಲ್ಲಾರು ಪಾಲ್ ಮಾಡಂಡೂಂದ್ ನಾನ್ ಎಣ್ಣ್‌ವಿ.

ಫಿಲಿಪ್ಪಿ 2:18

ಅಕ್ಕು, ನಿಂಗ ಸಂತೋಷ ಪಡಂಡು, ಪಿಂಞ ನಿಂಗಡ ಸಂತೋಷತ್‌ನ ನಾನು ಪಾಲ್ ಮಾಡ್‌ವಿ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

ಇಬ್ರಿಯ 10:34

ಕ್ರಿಸ್ತಂಗಾಯಿತ್ ಜೈಲ್‍ಲ್ ಕೈದಿಯಾಯಿತ್ ಇಂಜಯಿಂಗಕ್ ಕನಿಕರ ಕಾಟಿತುಳ್ಳಿರ, ನಿಂಗಡ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ನಿಂಗಕ್ ಪರಲೋಕತ್‍ಲ್ ಇದ್‌ಂಗಿಂಜ ಚಾಯಾನದು, ಪಾಳಾಯಿ ಪೋಕತದುವಾಯಿತುಳ್ಳ ಆಸ್ತಿ ಉಂಡ್‍ೕಂದ್ ಗೊತ್ತಾನಗುಂಡ್, ಸುಲ್‌ಗೆ ಮಾಡ್‌ವಕ್ ಕುಶೀಲ್ ಬುಟ್ಟಿರ.

ಯಾಕೋಬ 1:12

ಸೋದನೆನ ಸಹಿಸುವ ಮನುಷ್ಯ ಆಶೀರ್ವಾದ ಪಡ್ಂದಂವೊ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಚೋತ್‍ಪೋಯಿತಿಲ್ಲೇಂದ್ ಗೊತ್ತಾನ ಪಿಂಞ, ದೇವನ ಪ್ರೀತಿಚಿಡ್‌ವಯಿಂಗಕಾಯಿತ್ ದೇವ ವಾಗ್ದಾನ ಮಾಡ್‍ನ ನಿತ್ಯ ಜೀವತ್‍ರ ಕಿರೀಟ ಅಂವೊಂಗ್ ಕ್‍ಟ್ಟ್‌ವ.

ಯಾಕೋಬ 1:16

ನಾಡ ಅಣ್ಣತಮ್ಮಣಂಗಳೇ, ನಿಂಗ ಮೋಸ ಪೋಕತಿ.

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.

ಯಾಕೋಬ 5:11

ಕಷ್ಟತ್‍ಲ್ ತಾಳ್ಮೆಯಾಯಿತುಳ್ಳಯಿಂಗಳ ಆಶೀರ್ವಾದ ಪಡ್ಂದಯಿಂಗಾಂದ್ ನಂಗ ಎಣ್ಣ್‌ವಲ್ಲಾ? ಯೋಬ ಎಣ್ಣ್‌ವಂವೊಂಡ ತಾಳ್ಮೆನ ಕ್‍ೕಟಿತುಳ್ಳಿರಲ್ಲ? ಒಡೆಯಂಡ ಚಿತ್ತ ಎಂತ್‍ೕಂದ್ ಕಡೇಕ್ ಕಂಡಿತುಳ್ಳಿರಲ್ಲ? ಒಡೆಯ ದುಂಬ ದಯವಂತನು ಪಿಂಞ ಕರುಣೆ ಉಳ್ಳಂವೊ ಆಯಿತುಂಡ್.

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.