ಆದ್ಯತ್‌ರ ಪುಸ್ತಕ 4:1 - ಕೊಡವ ಬೈಬಲ್

¹ ಇಕ್ಕ ಆದಾಮ ತಾಂಡ ಪೊಣ್ಣ್‌ ಹವ್ವಂಡ ಕೂಡೆ ಕೂಡ್‌ವಕ ಅವ ಕುಳುಮೆಕಾರ್ತಿಯಾಯಿತ್‌ ಕಾಯಿನ ಎಣ್ಣುವಂವೊನ ಪೆತ್ತತ್. ಯೆಹೋವಂಡ ಸಹಾಯತ್‌ಂಜ ಒರ್‌ ಕ್‌ಣ್ಣ ಕುಂಞಿನ ಪಡ್‌ಂದಿಯೇಂದ್‌ ಅವ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 4:1 Iomraidhean Croise

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 3:24

ಅಯಿಂಗಳ ಏದೆನ್‌ ತೋಟತ್‌ಂಜ ಓಡಿಚಿಟ್ಟ ಪಿಂಞ, ಏದೆನ್‌ ತೊಟತ್‌ರ ಕ್‍ೕಕ್‌ ದಿಕ್ಕ್‌ಲ್‌ ಕೆರೂಬಿಯಂಗಳ ಪಿಂಞ ಬೀಜುವ ಮಿನ್ನಿಯಂಡಿಪ್ಪ ಕತ್ತಿನ, ಜೀವ ತಪ್ಪ ಮರತ್‌ರ ಪಕ್ಕ ಪೋಪ ಬಟ್ಟೇನೆ ಕಾಪಕಾಯಿತ್‌ ಬೆಚ್ಚತ್.

ಆದ್ಯತ್‌ರ ಪುಸ್ತಕ 4:2

ಅಲ್ಲಿಂಜ ಅವ ಅಂವೊಂಡ ತಮ್ಮಣನಾನ ಹೇಬೆಲನ ಪೆತ್ತತ್. ಹೇಬೆಲ ಕೊರಿಕಾಪಂವೊನಾಚಿ. ಕಾಯಿನ ವ್ಯವಸಾಯ ಮಾಡ್‌ವಂವೊನಾಚಿ.

ಆದ್ಯತ್‌ರ ಪುಸ್ತಕ 4:25

ಆದಾಮ ಪುನಃ ತಾಂಡ ಪೊಣ್ಣ್‌ರ ಕೂಡೆ ಕೂಡ್‌ಚಿ. ಅವ ಇಂಞೊರ್‌ ಕ್‌ಣ್ಣ ಕುಂಞಿನ ಪೆತ್ತಿತ್: ಕಾಯಿನ ಕೊಂದ ಹೇಬೆಲಂಗ್‌ ಬದಲಾಯಿತ್‌ ದೇವ ನಾಕ್‍ ಬೋರೆ ಮೋಂವೊನ ತಂದಿತ್‌ಂದ್‌ ಆ ಕುಂಞಿಕ್‌ ಸೇತಾಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 5:29

ಲೆಮೆಕ: ಯೆಹೋವ ಶಾಪ ಇಟ್ಟ ಈ ಬೂಮಿಯಿಂಜ ನಂಗಕ್‌ ಆನ ಕಷ್ಟ ಪಿಂಞ ಶ್ರಮತ್ತಿಂಜ ಈ ಮೋಂವೊ ನಂಗಕ್‌ ಸಮಾದಾನ ಕೊಂಡ ಬಪ್ಪಾಂದ್‌ ಎಣ್ಣಿತ್‌ ಅಂವೊಂಗ್‌ ನೋಹಾಂದ್‌ ಪೆದ ಬೆಚ್ಚತ್.

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.