ಗಲಾತ್ಯ 3:12 - ಕೊಡವ ಬೈಬಲ್

¹² ನ್ಯಾಯಪ್ರಮಾಣ ನಂಬಿಕೇರಗುಂಡಲ್ಲ; ಆಂಡ ಬದ್‍ಲ್, ನ್ಯಾಯಪ್ರಮಾಣತ್‍ಲ್ ಎಣ್ಣಿತುಳ್ಳನೆಕೆ ನಡ್‍ಪಯಿಂಗ ಅದ್ಂಡ ಮೂಲಕ ಬದ್‌ಕ್‌ವಾಂದ್ ಅದ್ ಎಣ್ಣುವ.

ಗಲಾತ್ಯ 3:12 Iomraidhean Croise

ಮತ್ತಾಯ 19:17

ಅದ್ಂಗ್ ಯೇಸು: ನಲ್ಲದ್ ಎಂತದ್‍ೕಂದ್ ನನ್ನ ಎನ್ನಂಗ್ ಕ್‍ೕಪಿಯ? ದೇವ ಒಬ್ಬನೇ ನಲ್ಲಂವೊ. ಆಚೇಂಗಿ, ನೀಕ್ ನಿತ್ಯ ಜೀವ ಕ್‍ಟ್ಟ್‌ವಕ್ ನೀನ್ ಒಂದ್ ಮಾಡಂಡು. ನ್ಯಾಯಪ್ರಮಾಣ ಎಣ್ಣ್‌ನನೆಕೆ ಮಾಡಂಡೂಂದ್ ಎಣ್ಣ್‌ಚಿ.

ರೋಮ್ 11:6

ಅಂವೊ ಗೊತ್ತ್ ಮಾಡ್‍ವದ್ ಕೃಪೇರಗುಂಡ್, ಕ್ರಿಯೇರಗುಂಡ್ ಅಲ್ಲ. ದೇವ ಗೊತ್ತ್ ಮಾಡ್‍ವದ್ ಕ್ರಿಯೇರಗುಂಡ್ ಆಯಿತ್ಂಜತೇಂಗಿ, ಅಕ್ಕ ಕೃಪೇಂದ್ ಎಣ್ಣ್‌ವದ್ ನೇರಾನ ಕೃಪೆಯಾಯಿತ್ ಇಪ್ಪುಲೆ;

ರೋಮ್ 4:14

ನ್ಯಾಯಪ್ರಮಾಣತ್‍ರನೆಕೆ ಮಾಡ್‌ವಯಿಂಗ ಹಕ್ಕ್‌ದಾರಂಗಳಾಚೇಂಗಿ, ನಂಬಿಕೇಕ್ ಒರ್ ಬೆಲೆಯು ಇಪ್ಪುಲೆ, ವಾಗ್ದಾನವು ಅರ್ಥ ಇಲ್ಲತೆ ಪೋಪ.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

ರೋಮ್ 7:10

ಇನ್ನನೆ, ಜೀವ ಕ್‍ಟ್ಟುವಕ್ ತಂದಿತುಳ್ಳ ಕಾನೂನ್ ನಾಡ ಚಾವ್‍ಕ್ ಕಾರಣವಾಯಿತ್‌ಪ್ಪದ್ ನಾಕ್ ಗೊತ್ತಾಚಿ.