ಎಸ್ತೆರ್‌ 7:6 - ಕೊಡವ ಬೈಬಲ್

⁶ ಅದ್‌ಂಗ್‌ ಎಸ್ತೇರ್: ನಂಗಳ ನಾಶ ಮಾಡವಕುಳ್ಳ ವಿರೋದಿ ಈ ಕೆಟ್ಟಂವೊನಾನ ಹಾಮಾನನೇಂದ್‌ ಎಣ್ಣ್‌ಚಿ. ಅಕ್ಕ ಹಾಮಾನ ರಾಜ ಪಿಂಞ ರಾಣಿರ ಮಿಂಞತ್‌ ಬೊತ್ತಿಂಯಂಡ್‌ ಇಂಜತ್.

ಎಸ್ತೆರ್‌ 7:6 Iomraidhean Croise

ಎಸ್ತೆರ್‌ 3:10

ಅಕ್ಕ ರಾಜ ತಾಂಡ ಕೈಯಿಲ್‌ ಇಂಜ ಮೊಯಿರತ್‌ನ ಎಡ್‌ತಿತ್‌ ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನು, ಯೆಹೂದ್ಯಂಗಡ ವಿರೋದಿಯು ಆನ ಹಾಮಾನಂಡ ಕೈಕ್‌ ಕೊಡ್‌ತತ್.

ಎಸ್ತೆರ್‌ 7:5

ಅಕ್ಕ ರಾಜನಾನ ಅಹಷ್ವೇರೋಷ ರಾಣಿಯಾನ ಎಸ್ತೇರಳ ನೋಟಿತ್: ಇಂತ ಒರ್‌ ಕಾರ್ಯತ್‌ನ ಮಾಡವಕ್‌ ಪೊರ್‌ಟಂವೊ ದಾರ್? ಅಂವೊ ಎಲ್ಲಿ ಉಂಡ್‍ೕಂದ್‌ ಕ್‍ೕಟತ್.

ಎಸ್ತೆರ್‌ 8:1

ಅದೇ ದಿವಸತ್‌ ರಾಜನಾನ ಅಹಷ್ವೇರೋಷ, ಯೆಹೂದ್ಯಂಗಡ ವಿರೋದಿಯಾಯಿತ್‌ಂಜ ಹಾಮಾನಂಡ ಆಸ್ತಿನೆಲ್ಲಾ ರಾಣಿಯಾನ ಎಸ್ತೇರಂಗ್‌ ಕೊಡ್‌ತತ್. ಮೊರ್ದೆಕೈ ರಾಜಂಡ ಮಿಂಞತ್‌ ಬಾತ್. ಅದ್‌ಲ್ಲತೆ ಎಸ್ತೇರ್, ಮೊರ್ದೆಕೈಕು ಅವಕು ಉಳ್ಳ ಸಮ್ಮಂದತ್‌ನ ರಾಜಂಗ್‌ ಅರಿಚಿಟ್ಟತ್.

ಜ್ಞಾನತ್‌ರ ಪಡಿಮ 16:14

ರಾಜಂಡ ಬಲ್ಯ ಚೆಡಿ ಒಬ್ಬನ ಕೊಲ್ಲು. ಆಚೇಂಗಿ ಜ್ಞಾನವುಳ್ಳಂವೊ ಅದ್‌ನ ಶಾಂತ ಪಡ್‌ತುವ.

1 ಕೊರಿಂಥ 5:13

ಆನಗುಂಡ್ ಕೆಟ್ಟ ಜನಳ ನಿಂಗಡಯಿಂಜ ಪೊರಮೆ ಇಡಿ.

2 ಥೆಸಲೊನೀಕ 2:8

ಅಂವೊನ ತಡೆ ಮಾಡ್‌ವಂವೊ ಇಲ್ಲಿಂಜ ಪೋಪಕ, ದುಷ್ಟ ಮನುಷ್ಯ ಪೊರಮೆ ಬಪ್ಪ; ಆಚೇಂಗಿ, ಒಡೆಯನಾನ ಯೇಸು ಬಂದಿತ್ ಅಂವೊನ ತಾಂಡ ಬಾಯಿರ ಉಸ್‍ರ್‌ರ ಮೂಲಕ ಕೊಂದಿತ್, ತಾನ್ ಬಪ್ಪ ಮಹಿಮೇರ ಬೊಳಿರಗುಂಡ್ ನಾಶ ಮಾಡ್‌ವ.